ACTS 16:15 - Lacid Common Language Bible

¹⁵ Nyang: yo' nya: yhoem: byu yi gi Babtisma bain kham: yu thang: ri Ludi tid zigi Ngoo gi Aseing: ri gi" gi, nyang: loem" jeung" zi nghoid bye" - ein: nanu" myed loem, bye: nghoid rigi nga" yhoem: moo re" beung" nyid yu" ge'. ga: ngoonu" ri lhoung: da- houg: su" wigi nyang: gi ngoonu" ri ngoug oung: yu da.

ACTS 16:15 Referans Kwoze

ACTS 11:14

Hau: yug gi nang yo' re" yhoem: bang: khyoid yu zi shau" wa shid re" Mungdang: ri kho" kyoo" wa nghoid- ga: nyang: ri tid da" khyoo: ri we' ngoonu" ri tid khyoo" bye.

HEBRE 13:2

Nanu" da" yhoem: mo being" voo ri lhoem: kham: yu lho: byid: zhoo" byid: jhug wa ziri ato" myid' goo". Houg: su" byid: zhoo" byid: jhug mo, gi aboin: aso" zi moug: lagyoo: yi ri shau" doo" zho" kaid boem bye.

ACTS 16:33

Hau: myen, nyang: thung: agyi phoo gi nya: eig yug ri shu" yu lho: nya: eig youg da" dam noo joem ri ced" san byed. Nyang: yo' nya: da" yhoem: byu yi dangain" mo, gi houg: lang" jang: Babtisma ri zheung: kham: yu boem bye.

LUKA 24:29

Nghoidloug we' nyangnu" gi akhid" moug coid zoo" nghoid bye. Nyid" ayo, we thang: loo" bye:- houg: su" yoomo nga" eig yug yo" lo" theing: shang ga: nyang ri lhoung. nyang: gi nya: eig yug yo" dage" theing: wa shid' re" cang lo.

APOEM AYANG: 19:3

Nyang: gi nya: tang: ri dalhung: nyid yoomo thang" thang moo gi nya: tang: gi nyang: yo' dage" nya: yhoem: khyoo: cang loo" bye:. Lod gi nya: dei zoo: yiri being" voo tang: shid re" zooyho' ri bung: nhang: lho: shoo" ri we' ngham" ngham" yhung nhang: bye:. Nyo, lang" nyangnu" gi zo: boem ago".

3 Yohan 1:8

Houg: su" nghoid yoomo hau: da" deingmain" moozoo" moo nyangnu" yo' dage" moo" bo pang" voin, mo, bui" goo" baja"- ngoonu" Khristain yi gi hid: bang: ri bo pang" thoug boem ca.

3 Yohan 1:5

Nga" da" jheddab bidnoem phoo we"- gootu: khristain mang nhung" yi ri nyangnu" gi tung bau mang nhung" yi danghoid nyid shi" ayo, mo wigi nang bo pang" bothoug ce: ja" moozoo" moo nghoid loug we' nhid boo loem: leung" nyid bye.

1PETERU 5:12

Ngoo gi he: da" mougsoug" lhid" zoore"- Sila bo pang" byid: khyo" he: mougsoug" ri nanu" jhang khyoo: lhid" foin: kaid' sila gikyed da" Khristain mang nhung" dayug nghoid ein:- ngoo myid loem nyid. Nanu" ri yoem: byid: da" dang: tid wa ziyo' - nanu" shau" kham' zo: da" jeju" gi Mangsoo byid: da" jeju" gyeing" nyang: nghoid da" ziri sag si: kham' wa shid re" he: da" mougsoug" ri lhid" kaid. hau: jeju" moo geung: tung yab, jo, ge'.

PHILIMON 1:17

Houg: su" nghoid yoomo nang gi ngoori re" da" nheig dab, byen cang" phoo yhang: ti"- shau" ngham" yu nghoid rigi ngoori yhang: ti" nyang: ri lhoem doem, kham: yu we'.

PHILIPI 1:7

Ngoo nanu" da" atho' moo too" byid: da" myid' gi young" du nyid khasu" wim ga: ri nanu" ri jheddab nyid da" khyoo: gi nga" da" emyid moodabo jo. Nanu" dangain" bang: gi ngoo thung: loung" jo, uri nghoid loug we' ngoo ngei bu: lu dang: ri kho" kyo" zoore"- geung: teing jo, nhang: uri nghoid loug we' Mangsoo ngoori byid: da" akhang" jeju" ri bo kham zoo; mo, nghoid ago".

Ephesu 1:1

Mangsoo myid vho: nyid ziyo' dakhyoo" ti"- Khristu Yesu da" lagyoo: aya: moo nyheung too" shau" su:- ngoo Polu mo wigi Ephesu voo moo nyid lho: Khristu moo dadeing: daloem: za: voin: tang: koid nyid da" Mangso byu yi jhang khyoo: dang: pyeung: kaid.

GALATI 6:10

Hougsu" wigi ngoonu" gi ayo, akhyeing: bo jo, shi" uri ge bue" da" ayo, yoo" khang" moo"- byu dangain" mo, shid re" ge lho, da" moo" ri zei: nyid boem shang nghoid loug we' loem" jeung" da" ikoin deungkhu: yi shid re" je" wigi zei: nyid boem shang.

2~KORINTHU 12:11

Ngoo gi koo pyoid yhang: te" zi nghoid nyid nanu" ge" ngoori khugsu: bue" loo" nhang: zi nhgoid. Nanu" gi ngoori bo thug khain: mo, nghoid ca" nyid. Khasu" wim gari ngoo ci" we' anghoid su lang" gi nanu" da" akhyag ga: da" Lagyoo: yi, tho' moo khasu" koid loug nge loo wa zi anghoid.

2~KORINTHU 5:14

Ngoonu" ri Khristu da" jheddab nheig loem: yo' vhoeb khang" too" bye. Khasu" wim gari byu dayug gi dangain" mo, shid re" shid: kham: bye: ziri ngoonu" nheig shid: nheig deug boem bye. Hougsu" wigi hau: khyoo: gi nyang: shid: kham: bye: jang" moo dangain" mo, bo shid" lklham bye: ga: da" dang kang: nghoid nyid.

Roma 16:23

Ngoo ri being" di" su: - phung: byu yi akyu" mho' zeing: foem: nyid da" yhoem: seing: Ge u we' nanu" ri u" kaid' Hau: voomo ngei deig zoem: su: Erastu eig yug Kuartu we' nanu" ri u" kaid'.

2 Yohan 1:10

Byu dayug yug gi nanu" jang" moo ju" re" lho: hau: jhau" mho' da" khyoo: ri aci: nghoid rigi hau: yug ri nanu" da" yhoem; moo avang nhang" goo"- nyang: ri ngei pyo: nyid baja",, ein: lang" atid' goo".

ACTS 18:8

Houg: yoomo tarha" jung mo agyi phoo Krispu yo' nya: yhoem: byu yi dangain" mo, gi Aseing: ri loem" jeung" lo boem ago". Korinthu voobyu yi myoo" sho' bang: we' - hau: mungdang: ri shau" gyo: lho: loem" jeung" lo wigi Babtisma kham: yu boem bye.

ACTS 8:38

Houg: lang" hau: zoug: phoo gi myang: rheing" ri theing: wa da" amyeing" byid: lho: nya: eig yug goin" gyid khyoo: gyoo" yhe: wigi Philib, gi hau: zoug: phoo ri babtisma kham: byid: bye.

ACTS 8:12

Nghoid loug we' - Mangso mungdain da" ludang: seig yo' yesu khristu da" khyoo: yo' sen: lho: wigi Philib, kho" kyo" da" mungdang: ri nyangnu" loem" jeung" lo boem wigi nyangnu" myiyi: yug gi dangain" bang: babtisma kham: yu boem bye.

LUKA 14:23

Yhoem: seing: gi soo" yo voogung khyi, khang" moo" khyoo: yhe: lho: nga" yhoem: byeung" sho' Byu ri agyoo: akhyoid khe: shu" loo ge" ga: tid kaid.

MATHE 10:41

Mangso lagyo: da" myonhoo: ri tu: lho: Mangso da" lagyoo: ri lhoem: kham: yu su: gi Mangso lagyoo: yo" da" aphoug" ri bo yoo" wa. Deung main" su: da" myonhoo: ri tu: lho: deung main" su: ri kham: yu su: gi deung main" su: yo" da" aphoug" ri bo yoo" wa.

2 KHOKHAM 4:8

Danyid" bidnyid" ri Elisha gi Shunem khyoo: yhe: da:. Houg moo: yoo" zoo: yoo" shug da" myiyi: myhi' dayug nyid. Nyang: gi Elisha ri voem: damyoo: khi: zho" da:. Hau: bidnyid mo nyang: Shunem khyoo: yhi: khang" moo" Elisha gi hau: myiyi: myhi' yhoem: moo voem: zo: da:.

1 SAMUELA 28:23

Sholu gi ciwe' anau zoo: ga: he: pyam bye:. Nghoid loug we' nya: moo" voin bang we' zoo: shug zoo: wa shid re" tid bye:. Lo" thang moo nyang: gyo: wigi myidgung mo to' lho: yhoeb yoo moo zhung: jo, da:.

APOEM AYANG: 33:11

Re" shid re" ngoo ci: re" da" nga" jhungshug ri jeju" mo jen" lhoem: yu byid: la. Mangsoo gi ngoo ri jhed kang: ziyo' ngoo ca" mooca" dangain" ngoo ri byid: too" bye:» ga: tid wigi Yaku gi Eso jhungshug ri kham: yu sho' tid bye:.

MATHE 3:6

Nyang: nya: youg noo yooboo ri thoid shed boem wigi Yohan da" lo, moo Yodan gyid lang mo baptisma ri zheung: kham: yu boem.

ACTS 16:31

Nya: eig yug gi Aseing Yesu ri loem" jeing" we' - houg: lang" nang yo' re" da" yheom: khau: byu yi khyoid yu zi shau" wa nghoid- ga: phoug tu.

ACTS 16:34

Hau: thang: ri nyang: gi Polu yo' Sila eig yug ri nya: yhoem: khyoo: shu" lo" wigi zoo: noem we' doo" zhoo" bye. Thung: agyi phoo yo' nya: yhoem: byu yi gi Mangsoo ri shau" loem" jeung" lo boem bye: yoomo gye" nyang: ngeibu: gau yi nyid boem bye.