ACTS 15:40 - Lacid Common Language Bible

⁴⁰ Polu gi Sila ri khyen: yu lho: loem" jeing" bang: gi Polu ri Aseing: da" nheig khyeug khyoo: moo bain, ab, nung" byid: boem lang" gi to' lo" ago".

ACTS 15:40 Referans Kwoze

ACTS 15:22

Houg: Lang" lagyoo: yi yo' phung ludaid yi dangain" mo, gi sham: go" lho: nyangnu" mo byu dayham" ri khyen: yu wigi Polu eig yug Barnaba yo' dage- Antioki voogung khyoo: bo nhang: kaid' wa shid re" sham: go" to" boem ago". Hougsu" loem" jeing" bang: dangain" wigi phau" myang: da" Basaba ga: da" Yuda yo' Sila eig yug ri khyen: yu lho: nya: eig youg lo, khyo" mougsoug" dakhyab, lhid" foin: kaid' ago".

ACTS 14:26

Nya: eig yug gi hau: voogung mo lhid' zhoung: lho: Antioki voogung moo nya: eig yug zei: bain, ca" da" moozoo" ri bain zei: wa shid re" phung: byu yi gi Mangso da" lo, khoug: moo zheung: ab, byid: da- voogung khyoo: doem, ju" yhe: lo.

ACTS 11:23

Barnaba gi Antioki voogung khyoo: ju" yhe: lho: mung" byu yi ri Mangsoo gi khasu" ga: mainkaid byid: to" da" khyoo: ri yhe: myang lang" yu" gau, lho: wigi Aseing: ri nyangnu" da" nheigloem: khoug: moo teing" teing zei: ci: lho: wigi voin: tang: za: phau" cang nyid boem wa shid mo nyangnu" dangain" mo, ri yoem: byid: joug jhoin"

1Korinthians 15:10

Hougsu" nghoid loug we'- Mangso jeju" yoomo- ngoo gi he: yam" nghoid nyid. Nyang: ngoori: byid: da" jeju" gi akoem: anghoid loo-gootu: lagyoo: yi tho' moo: ngoo moo" ri je" voin, vu, bye. Hougsu" yo" koid da" khyoo: gi nga" da" yoem: so' khyo" anghoid- ngoo yo' dage" moo" zei: nyid da"- Mangso jeju" yoomo za: date: nghoid.

TITU 3:15

Ngoo yo' dage" nyid bang: dangain" mo, gi nang ri vhu" kaid' boem ago loem" jeung" khyoo: moo ngoonu" da" bidnoem yi ri bo vhu" byid: we'. Mangso jeju" gi nanu" dangain" bang: yo' dage" dajo, jo, baja" o".

2 TIMOTHI 4:22

Hau" Aseing: gi re" venyi yo' dage" dangyi nyid baja"- Mangso da" Venyi gi nanu" yo' dage" dajo, jo, baja" o".

ACTS 20:32

"Akhid" ngoo gi nanu" ri Mangso goin, coung: nyid da" geung: teung mungdang: moo we' - hau: jeju" mungdang: gi nanu" ri yo" gyi: sheung: loo nhang: lho: Mangsoo gi nya: byumyu" dangain" bang ri byid: wa ga: young to" da" - main, kaid' jeju" joem gi nanu" ri byid: wa zi nghoid nyid.

ACTS 15:32

Yuda yo' Sila eig yug gi lapi: zheung: nghoid yoomo loem" jeing" bang: ri myang" sho' yoem: byid: da" mungdang: tid poin" tid kyeing" byid: nyid ago".

ACTS 13:3

Houglang" nyangnu" gi zoo: noem jang" lho: akyu" mho' nyid wigi nya: eig youg tho' moo nyangnu" lo, ki" byid: wigi moozoo" ri voin, vu, wa shid mo nya: eig yug ri nhang: kaid ago".

ACTS 16:19

Hau: myiyi: nu" da" join, seing: gi nyang: ngei yo" nyid da" khyoo: jed" byug. ziri si' lang" nyangnu" gi Polu yo' Sila eig yug ri myheug yu lho: kid" vang" moo zeung: foem: nyid da" amyeing" yoo" mo, jhang khyoo: she: khyoid' yhe: lo" boem ago".

ACTS 17:4

Nyang: nu" mo dayham" gi loem" jeung" lo boem wigi Polu yo' Sila shoid khyoo: bo dab, ago".