ACTS 15:36 - Lacid Common Language Bible

³⁶ Dayo, zoo: kyo: lo" thang: ri Polu gi Barnaba ri Mangso mungdang: ri ngoonu" kho" kyoo" ca" shi" joyoo khyoo: mang: nhung" yi khasu" koid nyid boem ziri yhe: cang koem" yu" wa shid re" nga" eig yug nyangnu" jhang khyoo: doem tau" loo" shang - ga: tid go.

ACTS 15:36 Referans Kwoze

ACTS 14:6

Hau: khyoo: ri lagyoo: yi zheung: shaug" gyoo: lang" gi Lukoni mung" Lustra, Dabe Voogung joem khyoo: zheung: phang: lo" ago".

ACTS 13:4

Houg: su" gyeungshang: da" Venyi wigi nhang: kaid' ziyo' dakhyoo" ti" Barnaba yo' Sholu eig yug gi Seluki voo khyoo: yhe: lo" wigi hau: voo mo zi Kupru, gugyoo: kang: khyoo: lhid' yo' gu: yhe: lo" ago".

ACTS 13:51

Polu yo' Barnaba eig yug gi nyangnu" ri ngeug pyam' da" aved' khyo" nya: eig youg da" khyid: voo: mo pheilhoug: joem ri ko: khyoo, kho' lho: Ikoni voo khyoo: yhe: lo" ago".

2~KORINTHU 11:28

hau: tho moo gootu- phung byu yi dangain" bang: shid' re" myid myoo: ung: loug da" khyoo joem gi nyid" khang" moo" ngoo moo yau: khe: jam jau lo nyid.

Roma 1:11

Nanu" da" nheigloem: geing: teing jo wa shid' re" nanu" ri Venyi: jhung: shug gam byid: noug yoomo - ngoo gi nanu" yo" gye myang" mo shau" goo" nau nyid.

ACTS 14:1

Ikoni Voogung moo Polu yo' Barnaba eig yug gi Yuda byu yi da" Tarha" jung moo zheung: vang lo" lho: kho" kyo" nyid uri Yuda byumyu" yi yo' nghi: zain, byumyu" yi gi Aseing Yesu ri loem" jeung" loem khau: lo byu myoo" sho' bo lo.

THU' LO" MOUGSOUG" 4:18

Houg: lang" Moshe gi nya: yug phoo Yethru jhang lo" lho: nyang: ri «Egutu mung" mo nga" bidnoem yi nyid shi" go" la'. Ngoo lo" yu" nau:- jeju" mo nhang: kaid la» ga: tid lang" Yethru we' myid veing" lho: goolho' so" yhe: lo" we' ga: pyeung: kaid da:.

2 TIMOTHI 1:4

Re" da" ngoug byid' joem ri ngoo daboin: nyid wigi ngoo moo hau: gau, yi khyoo: byeung loo baja"- nang yo' shau" goo" wa shid mo, nheig gye" nge nyid.

1THESALONI 3:6

Akhid" Timothi gi nanu" jang" moo doem ju" loo bye: nghoid rigi nanu" moo loem" jeung" khyoo: yo' jheddab khyoo: gi je myo: loo bye: ziri gau, kham: yu ge da" lu dang: ri voin, ju" loo bye-nanu" gi ngoonu" ri khanham nghoid loug we' goolhoo: za: myid' boin: jheddab nyid boem tho' moo agoo"- nanu" ri ngoonu" gye" shau" goo" nau, ziyo' dakhyoo" ti" nanu" we' ngoonu" ri shau" myang goo: nau nyid boem da" khyoo: ri lo tid kyoo" bye.

ACTS 14:21

Polu Yo' Barnaba eig yug gi ludang: gi ri Dabe Voogung moo kho" kyo" lho: wigi byu yi myoo" sho' bang: gi cangzoo: yi bue" lo boem ago". Hau: thang: moo nya: eig yug gi Lustra, voo- Ikoni yo' Pesidi mung" mo wigi Antioki voogung khyoo: doem tau" lo" ago".

ACTS 7:23

Moshe da" apyaid' myed: xi: zain' nghoid lang" gi nyang: gi nya: mang nhung" Israela byumyu" yi, yau: khe" jamjau nyid yoo- yhe: yu" wa shid mo myed phyed' ci: bye.

MATHE 25:43

Ngoo being" voo bue" yen" uri nanu" ngoori being" adi" boem. Gung cen: nyid da" uri nanu" ngoori byimi afoid boem. Ngoo no, nyid ziyo'- thung: loung" jo da" uri nanu" nga" jhang are" koem boem› ga: tid.

MATHE 25:36

Ngoo gung cen: doem bue" nyid da" uri byimi gam foid. Ngoo no nyid da" uri yu" coung: ago". Ngoo thung: moo loung" jo, da" uri ngoori re" koem" yu" ago" ga: tid.

YEREMIA 23:2

He: zigi nya: byumyu" yiri yu" goin coung: byid: da" vhoebkhang" bang: yo' sen: wigi Israela Aseing Mangsoo tid to" zi nghoid da:. Hau: zigi «Nanu" gi nga" byumyu" yiri agoin' coung: byid: nghoid ago". Nanu" gi nyangnu" ri abyoo asain" koid pyam wigi khaid lham' pyam da:. Akhid" ngoo gi nanu" koid lo da" akhyeing" da" lo, moo" shid re" yooboo dam byid: loo wa.

PHILIPI 1:27

Akhid" uri nanu" shid re" je" ca" thang da" khyoo; gi Khristu Yesu da" ngei bu: lu dang: yo' du veung" moin: yi" khyo" kangso' dei nyid boem ca"- hougsu" nghoid lang" gi ngoo nanu" jang" moo ju" re" uri nghoid loug we' aju" re" uringhoid loug we' nanu" gi nheigloem: sham: shoin" go" lho: theung shang" yab, jo, wigi myid to" khyoo; dakhaid za: yo,- hau" ngei bu: lu dang: da" loem" jeung" khyoo: shid re" dage" za: zain: shi" go" nyid da" khyoo: ri ngoo shaug" gyoo: wa zi nghoid.

ACTS 13:12

Mung" zoug: phoo gi houg: su" bue" ziri myang lang" gi Yesu ri loem" jeung" loo bye. khasu" wim gari Aseung: khyoo: yo' sen: lho: jhoug" byid: khyoo: ri nyang: gi xoo" sho' mau" nyid bye.

ESTHA 2:11

Nyid" khang" nyid" Modekhai gi Estha khasu" nyid ziyo' nyang: moo ci: shau" loo wa ziri si' sho' ga: khokham kho" mo myiyi: yiri nyhid: to" da" vang" shidkhoin" khyoo: yhi: yhi: loo loo so" yen" da:.