ACTS 15:25 - Lacid Common Language Bible

²⁵ Houg: yoomo ngoonu" ce: noem, sham: go" lo" lho: lagyoo: bue" loo wa da" byu dayham" ri khyen: yu wigi nyangnu" jhang. khyoo: nhang: kaid wa shid' mo dangain" bang: coem myed veung" to": boem bye.

ACTS 15:25 Referans Kwoze

2PETRU 3:15

Ngoonu" jheddab da" mangnhung" Polu we' Mangsoo byid: ga" phajhi" juyhi: yo' dakhyo": ti"- nanu" jhang da' khyoo: mougsoug" lhid" kaid ziyo' dakhyoo: ti"- yha" Mangsoo kham, zeung: lho: lang" nyid khyoo: gi nanu" khyoid yu zi shau" wa shid re" akhang" byid: ziri myang se' nyid ge'.

ACTS 15:22

Houg: Lang" lagyoo: yi yo' phung ludaid yi dangain" mo, gi sham: go" lho: nyangnu" mo byu dayham" ri khyen: yu wigi Polu eig yug Barnaba yo' dage- Antioki voogung khyoo: bo nhang: kaid' wa shid re" sham: go" to" boem ago". Hougsu" loem" jeing" bang: dangain" wigi phau" myang: da" Basaba ga: da" Yuda yo' Sila eig yug ri khyen: yu lho: nya: eig youg lo, khyo" mougsoug" dakhyab, lhid" foin: kaid' ago".

ACTS 15:2

Polu yo' Barnaba eig yug gi-He: Khyoo: yo' sen: lho: nyangnu" yo' gye" ngeug byo, go" nyid boem. byen, phyoo" sham: goo" wa shid' mo Polu yo' Barnaba ri Antioki voo moo phung ludaid' yi dayham" yo' Yerusalem voomoo" moo nyid da- lagyoo: yi yo' phung ludaid' yi jhang khyoo: nhang: kaid wa shid mo sham: phyed' to" ago".

ACTS 1:14

Nyangnu" gi Yesu nya: myhi' Mari yo" we-goo tu: myi: myi: yi yo" we' Yesu da" nya: no, yo" we' atheing: loo: foem: phoung akyu" mho' lho: danyid nyid boem.

LUKA 1:3

Ngoo nghoid loug we' hau: da" khyoo: joem dangain" ri bue" shed" lo da" ayo, mo nyeing" za: cang myang yen" su: nghoid ziyo' dakhyooti.

PHILIMON 1:16

Akhid" gi join, za: we' anghoid loo- join, tho' moo je" jain" da" jheddab da" Khristain mang: nhung" dayug bue" loo bye. Nyang: gi nga" da" shid re" khayhi' gyeing" phoug" dab, su: bue" loo bye: lha! Re" shid re" join dayug khyo" we' Khristu moo mang: nhung" dayug khyo" we' re" shid re" we' khayhi' gyeing" phoug" dab, su: bue" loo wa lha!

KOLOSE 4:9

Nya: tho' moo je" wigi nanu" jang" mo nghoid da-gye" kyed, da" jheddab mang nhung phoo- Onesimo ri we' ngoo nhang: kaid' bye- nya: eig yug gi hid: moo bue" khyoo: dangain" ri nanu" jang moo tid kyoo" goo" wa su.

KOLOSE 4:7

Nanu" da" jheddab mang nhung" phoo- kyed, da" moo" voin, su:- Aseing: da" moozoo" jid: zoo" moo bo pang" bo thoug da" dei zoo: nghoid da" Tukhiku gi ngoo yo' sen: da" lu dang: dangain" ri nanu" jhang tid kyoo" wam: bye.

Ephesu 6:21

Ngoo ciwim nyid ziyo' khasu" koid nyid da" khyoo: ri nanu" yo" si' sho' hau: Aseing da" moozoo" moo lho: nheigloem: zung" da" dei zoo- nghoid da" ngoonu" jheddab mang: nhung" phoo- Tukhiku gi nanu" ri nga" khyoo: lo tid kyoo" wa zi nghoid.

GALATI 2:9

Hougsu" ngoori byid: too" bye: da" jeju" ri zheung: myang da" uri phoung: da" zeing bung: te" vhu" jhung: zheung: nghoid nyid da- Yaku, Petru yo' Yohan gi Mangsoo ngoori byid: to" da" kooki" lid' da" yoovoin ri-lazoem" asoo" so" too" byid: boem bye- Hougsu" nghoid yoomo ngoonu" dangain" bang: gi moo" voin, luxoem" cang" yi nghoid da" khyoo: alhoo: ri thoin" shug khyoo" wigi nyangnu" gi Barnaba yo' ngoori lo, yo lo, khyo" lo, zei: zei: yu boem bye- Ngoonu" gi tungbau byumyu" yi jang" moo moo" voin wigi nyangnu" rigi Yuda byumyu" yi jang" moo moo" voin wa shid re" myid veung" to" boem bye.

1Korinthians 1:10

Mang nhung yi we"- ngoonu" da" Aseing Yesu Khristu da" amying" akhang" yo' nanu" dangain" bang: ri ngoo mho' sang: kaid. Nanu" moo: emyid, aveing" goo" wigi- byo, sain" lo" zi abue" loo wa shid re nanu" ji, sang: da" khyoo: moo- nyang: cang" nyang: sham" shoin" goo" ge'. Nanu" da" myid soin: lo" khyoo: moo- nheigloem: dadeing: dakhaid za: koid nyid ge'.

Roma 16:12

Aseing: Mangso: da" moo" bo voin vu su: Truphena yo" Truphosa eig yug ri we' bo u" kaid' ge'. Hau Aseing: moo" moo gye yoem: bo kaid' da" nga" jheddab byen cang" Persi ri bo u" byid ge'.

ACTS 15:35

Polu yo' Barnaba eig yug gi Antioki voogung moo dayo, zoo: zheung: theung: nyid lho: Mangso mungdang: ri gooji bang: yo' dage" jhoug" byid: nyid ago".

ACTS 15:6

Houg: yoomo Lagyoo: yi yo' phung ludaid yi gi he: khyoo: ri myed yu" wa shid re" zoeb, phung ri koid ago".

ACTS 2:46

Nyang: nu" gi nyid" khang" moo" noku yhoem: moo" moo zeung: foem: phoung nyid lho: nyangnu" da" yhoem: khoug: mo da" zooyho' ri gau yi ziyo' phe, lho-khyo, nyhoem: da" nheigloem: yo' dage" za: shoin" zoo: shoin" shug nyid boem ago".

ACTS 2:1

Pentikoti bidnyid ju '' loo lang-loem'' jeung" da'' byu yi dangain'' mo joyoo da loem: moo za: zeung: phoung nyid boem ago".

MATHE 11:26

Nghoidbye: nga" phoo we"- Nang vho: da" khyoo: gi hid: su" nghoid nyid.