ACTS 15:23 - Lacid Common Language Bible

²³ Hougsu" lhid" foin: kaid da" mougsoug" moo Ngoonu" da" mang: nhung" yi nghoid da- ngoonu" lagyoo: yi yo' phung ludaid yi gi Antioki voogung yo' Suri mung" kilik mung" moo zheung: nyid da- tungbau byumyu" mang: nhung" yi ri vhu" kaid.

ACTS 15:23 Referans Kwoze

ACTS 23:26

Phau" myang: da" mung" zoug: Philid, ri kalodi Lusi: gi vhu" kaid.

YAKU 1:1

Phoo Mangsoo yo' Aseing Yesu Khristu da" dei zoo: nghoid nyid ngoo Yaku gi moug: gyab, goin" jang" moo byo sain" jo, da" Mangso byu yi jhang khyoo: jheddab dang: sang: kaid.

GALATI 1:21

Hau: thang: ri Suri mung" yo' Kiliki meing: gyoo: moo ngoo ju" yhe.

ACTS 15:22

Houg: Lang" lagyoo: yi yo' phung ludaid yi dangain" mo, gi sham: go" lho: nyangnu" mo byu dayham" ri khyen: yu wigi Polu eig yug Barnaba yo' dage- Antioki voogung khyoo: bo nhang: kaid' wa shid re" sham: go" to" boem ago". Hougsu" loem" jeing" bang: dangain" wigi phau" myang: da" Basaba ga: da" Yuda yo' Sila eig yug ri khyen: yu lho: nya: eig youg lo, khyo" mougsoug" dakhyab, lhid" foin: kaid' ago".

3 Yohan 1:14

Kha: myhang amyang" ri nang yo' nyang: shau" goo" wa ein: - ngoo nheig byu nyid houg: lang" she' yha" eig youg nhoid' yo" nyang: shau" doem' goo" wa zi nghoid.

2 Yohan 1:13

Mangso wigi khyen: yu shau" da" nang jheddab myhi, be: da" zooshang: yi gi nang ri vhu" kaid' boem ago".

2 Yohan 1:10

Byu dayug yug gi nanu" jang" moo ju" re" lho: hau: jhau" mho' da" khyoo: ri aci: nghoid rigi hau: yug ri nanu" da" yhoem; moo avang nhang" goo"- nyang: ri ngei pyo: nyid baja",, ein: lang" atid' goo".

2 Yohan 1:3

Phoo, Mangsoo jang" mo we' hau' nya: pho, da" nya: zoo:- Yesu Khristu jang" mo we' jeju" yo' nheig khyeig shoo" myen: khyoo:- ngei pyoo: myen, jham" khyoo: gi-deing main" ziyo' jheddab khyo" wigi nanu" moo bue" loo baja" o".

ACTS 15:41

Houg: su" wi Polu gi - Suri mung" yo' Kiliki mung" khyo" lid: jang: lo" wigi phung byu yi ri loem" jeung" da" nheigloem: lhei, teing byed.

ACTS 15:4

Nyang: nu" gi Yerusalem voomoo" moo ju" yhe: lo" boem uri houg: mo da" phung byu yo' dage" za: lagyoo: yi yo' phung ludaid yi gi nyangnu" ri lhoem: tau, yu boem bye. Houg: lang" Polu gi nyangnu" da" lo, khyo" wigi Mangsoo gi khayhang: te" da" moozoo" ri zei: nyid da" khyoo: nyangnu" ri tid kyo.

ACTS 15:1

Byu dayham" bang: gi Yuda mung" mo zi Antioki voo moo zheung: ju" re" boem lho-loem" jeing" bang: ri nyangnu" gi Moshe da" tarha" yo' dakhyoo" ti" shooyid' thang: yham" zi akoid boem nghoid rigi khyoid yu zi ayo" shau" ga- yhe: jhoug" byid: shed" lo" ago".

ACTS 14:27

Nya: eig: yug gi Antioki voogung khyoo: ju" yhe: loo" lang" phung byu yi ri khe: zheung" yu wigi nya: eig yug khyo" Mangsoo gi khate" da" moo" ri zei: loo bye: da" khyoo: dangain" ri we' Mangsoo gi tungbau byumyu" yi Yesu ri loem" jeung" lo boem wa shid' mo khyoo: khasu" phang byid: lo da" khyoo: dangain" ri we' - nyangnu" ri tid kyo" ago".

ACTS 21:25

Nghoid loug we' loem" jeung" lo da" tungbug yi shid re koem gi phara" soolhoo: ri xoin" to' byid: da" zoo: noem yo' suid" yo' leung zeung: mo cu" said da" gougnyhoug shoo" azoo: wa ziyo' gain: tho' zung" da" khyoo: ri jang" pyam' boem wa shid re" ngoonu" myed phyed' lho: nyangnu" ri foin: da" mougsoug" dakhyab, moo bo lhid" foin: kaid boem bye.

ACTS 21:3

Ngoonu" gi kupru gugyoo: kang: ri lo" myang. kaid lang" hau" gugyoo: kang: gyid byeung: shoid khyo" gu: gyo" lo" lho: Suri mung" khyoo: gu: yhe: lo" boem bye. kid" zi joem ri khyoo, wa shid re" Turu Voogung mo gu: khuang" moo lo" theung: boem bye.

ACTS 18:18

Polu gi Korinthu voogung mo loem" jeing" bang: yo' dage" myoo" sho' nyid" theung: nyid shi"- hau: thang: ri nyangnu" ri vhu" too" kho' lho: Lhid' khyo" wigi Priskila yo' Akula eig yug yo' dage" Suri mung" khyoo: gu: yhe: lo" ago- kenkrea voogung mo gyid sangphoo' ato' loo" shi" ri Polu gi Mangsoo ri jham, tang: too bye: yoomo nya: vhuloem xam: zhoid' khyo, pyam.

ACTS 11:18

Nyangnu" gi hau: da" dang: ri shau" gyo: boem lang" gi Petru ri nyangnu" yooboo foin: nyid khyoo: zheung: theung: pyam' lho: Mangsoo ri coung" nghei byid: wigi Mangsoo gi tungbau byumyu" yi ri we' nheing loem: thed' lho: kang: yo" dei nyid wa khyoo: ri akhang" byid: too" bye: nhung- ga: tid nyid boem.

MATHE 4:24

Houg: yoomo Yesu da" khyoo: ri Suri mung" goin"- lei: khyoug: su phoid nhami lhupyo' nhang: lo" boem wigi Gung du: angei apyoo: mo, noo phyoo" aja: ja: shau" mo, yo' yu dab deizoo: dab mo, ngho' baid baid mo, yo' khyid: joem: lo, joem: shid: mo, myoo" sho' nya: jhang shu" ju" re" boem ri dangain" ri lhoem: ze: ge lho: nhang: kaid bye.

ACTS 6:9

Nghoid loug we' Alesandru yo' Koreni voogung mo Yuda byu yi we' bo da- lhoid pyoin kaid' zi shau" mo, da" tarha" jung moo bo nyid mo, dayham" gi Stephain ri ngeug pyam boem ago". Nyang: nu" yo' kiliki- Asia meing: mo mo, Yuda byu yi gi Stephain yo' coem, tid byo, go" nyid boem.

ACTS 11:20

Nghoid loug we' hau: loem" jeung" loo bang: mo Kupru yo' kureni mung" moo nyid mo, dayham" gi Antioki voogung khyoo: ju" lo" wigi tung: boug ri we' Aseing Yesu' da": ngei bu: ludang: ri yhe: kho" kyo" boem ago".

ACTS 15:2

Polu yo' Barnaba eig yug gi-He: Khyoo: yo' sen: lho: nyangnu" yo' gye" ngeug byo, go" nyid boem. byen, phyoo" sham: goo" wa shid' mo Polu yo' Barnaba ri Antioki voo moo phung ludaid' yi dayham" yo' Yerusalem voomoo" moo nyid da- lagyoo: yi yo' phung ludaid' yi jhang khyoo: nhang: kaid wa shid mo sham: phyed' to" ago".