ACTS 15:2 - Lacid Common Language Bible

² Polu yo' Barnaba eig yug gi-He: Khyoo: yo' sen: lho: nyangnu" yo' gye" ngeug byo, go" nyid boem. byen, phyoo" sham: goo" wa shid' mo Polu yo' Barnaba ri Antioki voo moo phung ludaid' yi dayham" yo' Yerusalem voomoo" moo nyid da- lagyoo: yi yo' phung ludaid' yi jhang khyoo: nhang: kaid wa shid mo sham: phyed' to" ago".

ACTS 15:2 Referans Kwoze

GALATI 2:5

Nghoid loug we' hau: ngei bu: lu dang: da" deungmain" khyoo:- nanu" shid re" dageung: teung jo, baja"- ngoonu" gi nyangnu" ri daminid' za: lang" asoem" byid: khyo, nyhoem: pyam' boem wa zi anghoid.

2~KORINTHU 11:5

Ngoo gi houg: nanu" gyi: thang da" lagyoo: yi ga: coung" nghei tu: to' da" lagyoo: yi tho' moo dajhi' khyalhang" ngi, su: anghoid ein: ngoo jho: nyid.

ACTS 15:4

Nyang: nu" gi Yerusalem voomoo" moo ju" yhe: lo" boem uri houg: mo da" phung byu yo' dage" za: lagyoo: yi yo' phung ludaid yi gi nyangnu" ri lhoem: tau, yu boem bye. Houg: lang" Polu gi nyangnu" da" lo, khyo" wigi Mangsoo gi khayhang: te" da" moozoo" ri zei: nyid da" khyoo: nyangnu" ri tid kyo.

ACTS 11:30

Hau: thang: ri nyangnu" gi pang" thoug da" ngei ri Barnaba yo' sholu da" lo, khyo" wigi phung: ludaid' yi da" lo, khoug: khyoo: foin: kaid boem ago".

YUDA 1:3

Jheddab, da" bidnoem yi we"- nanu" dangain" mo, bain' loem" jeung" kham: yu ci: bye: da" khyoid yu khyoo: ri ngoo gi nanu" jhang khyoo: lhid" kaid' wa shid' re" yoem: kaid' nyid uri Mangsoo gi dalheing: dam nya: da" byumyu" yi ri bain' nyeing byid: too" bye: da" loem" jeung" khyoo: geung: teung jo, baja" ga- loem: zain: oung: myid boem wa shid re" nanu" jhang khyoo: mougsoug" myab, myab, lhid" lho: wigi yoem: byid: ca" khyoo: shau" nyid.

1Korinthians 1:1

Mangsoo vho: ngei ziyo' dakhyoo" Khristu Yesu da" lagyo: aya moo: khe: too" shau" da- ngoo Polu yo' ngoonu" da" mang: nhung" phoo, Sosteni gi

ACTS 21:18

Hau: thang: nyid" ri Polu gi ngoonu" yo' dage" Yaku ri yhe: shau- phung ludaid' yi dangain" bang: we' houg: moo nyid ago".

ACTS 16:4

Nyang: nu" gi voogung joem cang lid: jang: lo" boem wigi Yerusalem voomoo" moo nyid da" lagyoo: yi yo' phung ludaid' yi wigi yoem: byid: to" da" loem" jeing" bang- phau" cang loo" wa da" tarha" nyangnu" ri byid: wigi hau: tarha" joem ri phau" cang loo" ca" da" khyoo: ri jhoug" byid: ago".

ACTS 15:27

Houg: yoomo ngoonu" gi Yuda eig yug Sila ri nanu" jhang khyoo: zheung: nhang: kaid' bye. Nya: eig yug gi lhid" foin: da" mougsoug" moo ngoonu" lhid" to" gu ri nya: eig youg da" nhoid mo we' tid kyoo" goo" wa.

ACTS 15:25

Houg: yoomo ngoonu" ce: noem, sham: go" lo" lho: lagyoo: bue" loo wa da" byu dayham" ri khyen: yu wigi nyangnu" jhang. khyoo: nhang: kaid wa shid' mo dangain" bang: coem myed veung" to": boem bye.

ACTS 11:12

Gyeungshang: da" Venyi gi da jhi, we' a - ug vhoo" loo: za: nyangnu" da" thang: khyoo: cang yhe: loo" wa zi ngoori tid. Yopa voogung mo loem" jeung" da" byu khyug yug we' ngoo yo' dage" kesare voogung khyoo: bo cang re" boem. Ngoonu" dangain" bang: gi koneli da" yhoem: moo vang lo" boem bye.

ACTS 10:23

Houg: lang" Petru gi nyang: ri khe: yu lho: hau: myen, yhoeb wa shid mo nyangnu" ri lhoung: to. Thang: nyid" ri Petru gi to' wigi nyangnu" yo' dage" cang yhe. Yopa voo moo nyid da" loem" jeing" bang: dayham" we' Petru yo' dage" cang yhe: lo" boem.

1 SAMUELA 8:7

Aseing tid zigi «Byumyu" yi nang ri tid lo da" khyoo: dangain" ri nang tam" gyoo: byid: we'. Nyangnu" he: pyam zigi nang ri anghoid nyangnu" da" khokham nghoid da" ngoo ri he: pyam nyid zi danghoid nyid.

THU' LO" MOUGSOUG" 18:23

Mangso da" amyeing" dang: yo' dakhyoo" ti" nang he: ziri koid nghoid rigi nang myung: wa zi anghoid. Hau: byumyu" yi dangain" we' nyangnu" moo" bain lho: yhoem: khyoo: yo" loo" wa zi nghoid» ga: tid da:.