ACTS 15:18 - Lacid Common Language Bible

¹⁸ He: khyoo: ri goonham, goo co, mo wigi si' nhang: to" da" Aseing: gi hid: su" ga: tid nyid.

ACTS 15:18 Referans Kwoze

Ephesu 3:9

xo' lho: wigi Mangso da: no, thang myid soin' to" khyoo: khasu" bue" thu' loo wa da" khyoo: xangsu: byu dangain" bang: ri myang se' loo nhang: wa shid re" we' Mangsoo gi hau" amyeing" akhang" ngoori byid: bye- jo, moo jo, ri phain" so: to" da" nya: da" no, thang khyoo: ri lid loo" bye: da" pyaid dangain" jang" moo yhoem" to" gyo" loo bye.

Ephesu 1:4

Nyhang" nu" gi nya: da" shid khoin" moo gyeungshang: lho: yooboo adab loo: baja" ga: ngoonu" gi Khristu yo' dadeing: daloem: za: bue" lo khyo" wigi moug: phain" myid aphain" shi" mo lang" Mangsoo gi ngoonu" ri khyen: yu too" bye- nyang: gi nya: da" jheddab nheigloem: khyo" wigi Mangsoo gi Yesu Khristu khyo" wigi ngoonu" ri nya: zooyi ga: yhen: yu wa shid mo myid phyed too" bye.

1PETERU 1:20

He: da" mougmyid ajo, shi" mo Mangsoo gi nyang: ri khyen: yu to" lho: he: mougmyid' lo" thang da" bidnyid moo nanu" da" akyu" shid re" nyang: ri myang nhang: bye.

Ephesu 1:11

Jo, moo jo, koem gi Mangso da" myid soin nyheung lo" da" khyoo: yo' myid phyed' to" khyo" bue" loo bye- hau: lho: xang: shid" mo myid soin to" da" khyoo: moo ayang: qei" lho: Khristu moo dadeing: daloem: za: nghoid nyid khyo" wigi nyang: myid soin to" khyo" nyangnu" ri nya: da" byumyu" yi bue" loo wa shid mo khyen: nyheung too" bye.

ACTS 17:26

Mangsoo gi xangsu: byu dayug ri shi" phain" to" lho: hau: yug mo, byumyu" acang: joeb, sho' nyid thu' loo nhang: wigi mougmyid gyab, goin" jang" moo byeung" loo" nhang: bye. Nyang: nu" nyid wa shid mo ayo, akhyeing: zain, nyid yo' joyoo jo, lang:- moug: kyoo" joem ri gu: shid' khyau" lho: kyoo" so" too" byid: bye.

GYUNG: SOO" 23:19

Mangsoo gi se' mhau' da" byu yi yhang: ti" anghoid. Nyang: gi myid se' thid da" byu xangsu: ti" anghoid. Nyang: dangsoo" khoin" byid: to" zi cinghoid loug nyang: koid da:. Nyang: tid ziyo' dakhyo" bue" lo da:.

2 THESALONI 2:13

Aseung: da" jheddab mang nhung" yi we"- nanu" yoomo ngoonu" gi Mangso da" jeju" ri khanham we' yo" coung" nghei nyid baja"- Khasu" wim gari mangsoo: gi ngoonu ri gyeungshang: da" byu yi bue" loo nhang: da" venyi yoem: so' khyo" we'-deing main" khyoo: ri loem" jeung da" nanu" laloem lakhoug: we' xang: shed" mo, khyoid yu shau" bang: khyo" wigi nanu' ri khyen: yu bye.

MATHE 13:35

Hid: su" kho" kyo" da" khyoo: gi Lapi: yi da" dang: moo Nga" da" nhoid phang lho: «dangtu' khyo" ngoo tid wa. Moug: phain" myid phain" da" bidnyid mo wigi yhoem" to" da" khyoo: ri ngoo phoid: kyoo" wa» ga: Lapi: tid to" dang: zung: loo wa shed re" nghoid bye.

Pang Shug 17:8

Hau: akhyeung" da" gougnyhoug gi shid' phyang" dei nyid yu" bye- nghoid loug we' akhid" gi adei nyid loo- nghoid loug we' nyang: gi no, athang da" duang: khuang" mo thu' re" lho: wigi phyo' shoin, pyam' jang" khyoo: yhe: loo" wa zi nghoid. Moug: phain" myid' aphain" shi" mo Nya: kang: so' moug soug" pug moo -myeing abo lhid" kaid' to" da" moug: myid byu yi gi hau: akhyeung" da" gougnyhoug zeing ri shau" myang lang" mau" hang" to" boem wa nghoid. Nyang: gigoo" nham, dei nyid yu" gye- akhid" gi adei nyid loo- nghoid loug we' doem dei loo shi" wa zi nghoid.

Pang Shug 13:8

Said' pyam' shau" bye: yang nu" da" kangso' mougsoug" pug moo moug: aphain" myid aphain" shi" mo nyang- myeing bo jo, bang: mo gootu- mougmyid moo nyid da" xang: su: byu yi dangain" bang: gi hau: akhyeung" gougnyhoug zeing ri coem noku boem wa zi nghoid.

MATHE 25:34

Hau: thang: ri khokham" gi lo, yo shoid moo nyid mo, ri ri" ge' nga" phoo da" mainkaid Jeju" ri shau" kham: zo: mo we"- Moug: aphain" myid aphain" shi" re, nanu" da" shid re" nyheing to" da" Mungdain: ri re" seing: loo ge' ga: tid wa.

ESAIA 44:7

Ngoo koid lo da" moo" ri gootu: hang" yo" koid la". Xang: shi" mo zi lo" thang da" ayo, ju" sho' moo bui" wa khyoo: dangain" ri hang" lapi: yo" pe: too" bye: la"

ESAIA 45:21

Nanu" da" moo" ri tarha" yung" moo re" tid we'. Yooboo voin shau" bang: gi nyang: cang" nyang: sham: goo" baja". Bue" ri" wa ga: shid phyang" lapi: pe: su: hang" nghoid la". Nya: byu yiri khyoid yu su: gi ngoo Aseing Mangsoo anghoid rhe". Mangsoo gootu: anyid.

AMO 9:12

Houg: yoomo Israela byumyu" yi Edom moo deung nyid mo, yo' shid phyang" ngoo seung: yu" bye: da" mungdain: joem ri yo" oung: pyam wa nghoid» ga: hidsu" bue" loo nhang: wa ziri Aseing tid nyid.

ZEKHARIA 14:7

Hau: lho: moug: coid ga: zi we' ajo, loo wa. Hau: bidnyid moo Myen" rilang" nyid" kyoug su" dabang jo, wa. Houg: zi kha: yo, bui" wa ziri Aseing dayug kyeing" dase'.