ACTS 15:13 - Lacid Common Language Bible

¹³ Nyang: nu" bain tid thang: ri Yaku we' Nga" mang: nhung" yi we" - Nga" dang: ri we' tam" gyo: yu" ge'.

ACTS 15:13 Referans Kwoze

ACTS 12:17

Petru gi nyangnu" ri sam" zoo: nyid boem wa shid re" - lo. tu, tu, wigi Aseing: gi nyang: ri thung: khoug: mo khasu" shu" thu' lo da" khyoo: nyangnu" ri tid kyo. Houg: lang" Petru gi he: khyoo: ri Yaku yo' loem" jeing" bang: gooji yi ri we' - tid kyoo" ge" - ga: tid lho: houg: mo, wigi goo" khyoo: so" lo.

YAKU 1:1

Phoo Mangsoo yo' Aseing Yesu Khristu da" dei zoo: nghoid nyid ngoo Yaku gi moug: gyab, goin" jang" moo byo sain" jo, da" Mangso byu yi jhang khyoo: jheddab dang: sang: kaid.

GALATI 2:12

Yaku nhang: kaid da" byu yi houg: moo aju" ri" shi" da" shid' moo Petru gi tungbau mang nhung" yi yo' dage" voem: shoin" zo: nyid ago- nghoid loug houg: nhang: kaid da" byu yi ju" re" da" uri athang: yham" bye: bang: ri gyoug yoomo tungbau byumyu" yi yo' voem: shoin" zo: nyid jang" mo yho' thu lo.

GALATI 2:9

Hougsu" ngoori byid: too" bye: da" jeju" ri zheung: myang da" uri phoung: da" zeing bung: te" vhu" jhung: zheung: nghoid nyid da- Yaku, Petru yo' Yohan gi Mangsoo ngoori byid: to" da" kooki" lid' da" yoovoin ri-lazoem" asoo" so" too" byid: boem bye- Hougsu" nghoid yoomo ngoonu" dangain" bang: gi moo" voin, luxoem" cang" yi nghoid da" khyoo: alhoo: ri thoin" shug khyoo" wigi nyangnu" gi Barnaba yo' ngoori lo, yo lo, khyo" lo, zei: zei: yu boem bye- Ngoonu" gi tungbau byumyu" yi jang" moo moo" voin wigi nyangnu" rigi Yuda byumyu" yi jang" moo moo" voin wa shid re" myid veung" to" boem bye.

YAKU 1:19

Jheddab da" mangnhung" yi we"- he: khyoo: ri xoem" too" ge'.Nanu" gi tam" gyoo: wa jang" moo myab, ge' dang: tid wa jang" moo nheig yoo: wa jang" moo gi ahain: goo".

GALATI 1:19

Hau: Aseing: da" nya: nhung" Yaku mo lid wigi gootu: lagyoo: yi ri ngoo amyang.

ACTS 22:1

Myhi, phoo mang: nhung" yi we" - nanu" da" shid' khoin" moo tid shed, yu" bye: da" dang: ri doem tam" gyo" yu" ge' ga: tid.

ACTS 21:18

Hau: thang: nyid" ri Polu gi ngoonu" yo' dage" Yaku ri yhe: shau- phung ludaid' yi dangain" bang: we' houg: moo nyid ago".

ACTS 7:2

Houg: lang" Stephain gi mang: nhung" yi we" - nheig boo mo, we"- tam" gyo: yu" ge'. Ngoonu" da" nya: phoug" Abraham, gi Haran voo, moo ayhe: nyid shi" ri Mesopotemia mung" moo nyid shi" mo phung" yoeb, bo thang da" Mangsoo gi nya: jang" moo thu' shug lho:

ACTS 2:29

Nga" mang: nhung" yi we' subi" fu" yen da" ngoonu" nya: phoug"- David khokham" da" khyoo: ri Nanu" ri bang bang za: tid kyoo" wa. Nyang: gi shid: lo" lho: nyang: ri myhoeb shoung: pyam abye: go- nya: da" loeb gi akhid" nyid ju" sho' hid: ngoonu" da" shid' khoin" moo jo, jo.

ACTS 2:22

Israela mang: nhung" yi we' He: da" dang: ri tam" gyo: yu" ge'- Nazared voobyu Yesu gi-Mangso phung" yoem: vhoo" khyo" nghoid ziri Yesu da" lo, khyo" mau" pho" alhoo: again yo' mau" pho" moozoo" joem ri zei: shug abye:. He: khyoo: gi nanu" nya: da" phung: moo bue" lid lo ziri nanu" nyang: myang se' boem bye.

ACTS 2:14

Houglang" Petru gi-lagyoo: daxe: dayug yo' dage" to' yab, jo, lho: wigi-Thui: to' kaid' lho: mung" byu yi ri tid zigi mang: nhung" Yuda byumyu" yi we' Yerusalem voobyu dangain" bang: we-nga" dang: ri tam" gyo: yu" ge-he: khyoo: yo' sen: lho: nanu" ri tid kyoo" ba.

MARKU 15:40

Myiyi: yi dayham" we-vi" vi: mo yu" nyid boem ago"- houg: bang: phung: moo Magadala Mari Yaku tang: Yoseb da" nya: myhi' Mari yo' Salome we bo ago".

ACTS 15:14

Mangsoo gi tungbau byumyu" yi mo dayham" ri nya: byumyu" bue" loo nhang: wa shid mo khyen: yu to" khyo" wigi tungboug nyang: goin, coung: da" khyoo: xang: shed" mo wigi khasu" toin" shid' bye: da" khyoo: ri Simun gi sho' kyo" abye:.