ACTS 14:23 - Lacid Common Language Bible

²³ Nya: eig yug gi phung khang" moo" moo phung: ludaid' yi ri zheung: cang nyheung to" lho: wigi zoo: noem, jang" pyam' lho: akyu" bain mho' lang" gi nyangnu" loem" jeung" nyid da" Aseing: lo, khoug: moo houg: bang: ri zheung: mho' ab, byid: bye.

ACTS 14:23 Referans Kwoze

TITU 1:5

Kreti moo zei: ca" shi" da" khyoo: khaid khang" moo" ri khyag joo sho' cang yu" so' nyheing wa khyoo: yo' voo khang" moo" mo phung joem ri vhoeb khang" yoovoin yu wa da" ludaid yi ri cang nyheung too" wa shid' re- ngoo nang ri nyhed: too" kho'. Akhid" ngoo tid kho da" dang: soo" khoin" joem ri xoem" too" we'.

ACTS 11:30

Hau: thang: ri nyangnu" gi pang" thoug da" ngei ri Barnaba yo' sholu da" lo, khyo" wigi phung: ludaid' yi da" lo, khoug: khyoo: foin: kaid boem ago".

YAKU 5:14

Nanu" mo dayug yug gi noo phyoo" shau" nyid go" la". nyang: gi phung ludaid' yi ri khi: baja" Hau" phoug: ludaid' yi gi nyangnu" shid re" akyu" mho' nyid: goo" baja". Nyangnu" gi Aseung: da" myeing khyang" yo' nyangnu" ri namman" xu: joid byid: goo" baja".

2 TIMOTHI 2:2

Sagsi: myoo" sho' bang: da" shid' khoin" moo nga" jang" mo nang jhau" yu gyo: yu bye: da" jhoug" myeing" jhoug" thui: ri ci: lho: byu gooji" ri we' yo" doem, jhoug" byid: wa zi nghoid ein: wigi nang leom, ge" da" byu yi ri doem, thoid' ab, byid: wa.

ACTS 20:32

"Akhid" ngoo gi nanu" ri Mangso goin, coung: nyid da" geung: teung mungdang: moo we' - hau: jeju" mungdang: gi nanu" ri yo" gyi: sheung: loo nhang: lho: Mangsoo gi nya: byumyu" dangain" bang ri byid: wa ga: young to" da" - main, kaid' jeju" joem gi nanu" ri byid: wa zi nghoid nyid.

1 TIMOTHI 5:22

Aseing: da" moozoo" voin, vu, wa shid re" hang" ri nghoid loug we' lo, ke" lho: aya: tang: byid: wa ziri akhang:- subi" dakoid da" yooboo moo aye: bo vang lhu"- nang nyang: we' yooboo adab sho' gyeungshang: nyid we'.

ACTS 20:17

Polu gi Melitu voogung mo wigi phung ludaid' yi nyang: ri re" shau" wa shid re" dang: pyeung: kaid.

3 Yohan 1:1

Phung ludaid' phoo ngoo mo wigi gye" jheddab nyid da" Ge-u jhang khyoo: mougsoug" lhid" kaid'.

2 Yohan 1:1

Phung ludaid' phoo mo wigi deingmain" khyo" ngoo jheddab nyid da" Mangsoo khyen: yu da" myiyi: myhi yo' nya: zooyi jhang khyoo: dang: pyeung: kaid. Nang ri ngoo za: we' anghoid- deungmain" da" khyoo: ri se' ci: bang: dangain"- gyeing" nyang: jheddab nyid boem.

1PETERU 5:1

Ngoo gi phung ludaid' dayug khyo" nanu" mo phung ludaid' yi ri mho' tung" pain: kaid. Ngoo gi Khristu kham' zo: da" kyi" khyeug khyoo: ri bo myang se' da" sag si: dayug khyo" thang: phyang" toin" shid' byid: loo wa da" myonhoo: phung" yoeb, ri-bo shau" kham: yu wa su: nghoid nanu" gi nanu" nyang: riab, byid: too" bye: da".

1 TIMOTHI 5:1

Apyaid' gyi: bye: da" ludaid' phoo ri agyikoid' re" phoo ri yhang: ti": khyo, nyhoem: ji sang" nyid we' apyaid' ngi shi" da" zoolu: yi ri gi re mang: re" nhoung" ri yhang: ti"- zoem" khau: nyid we'.

ACTS 15:6

Houg: yoomo Lagyoo: yi yo' phung ludaid yi gi he: khyoo: ri myed yu" wa shid re" zoeb, phung ri koid ago".

ACTS 15:4

Nyang: nu" gi Yerusalem voomoo" moo ju" yhe: lo" boem uri houg: mo da" phung byu yo' dage" za: lagyoo: yi yo' phung ludaid yi gi nyangnu" ri lhoem: tau, yu boem bye. Houg: lang" Polu gi nyangnu" da" lo, khyo" wigi Mangsoo gi khayhang: te" da" moozoo" ri zei: nyid da" khyoo: nyangnu" ri tid kyo.

1PETERU 5:10

Nghoid loug we' nanu" gi daso' za: shen" yhen ziri thoung" shau" thang: ri Khristu yo' dage" apyaid' ato: myonhoo: phung" yoeb, ri shau" kham: yu wa shid re" nanu" ri khe: yu da" jeju" dangain" Aseing: Mangsoo nyang: nanu" ri joeb, byeung" mo, bui" nhang: lho: wigi geung: teung khyoo: yoem: zeing so' moo" yo' loem, ge" da" apoem: ayang: qei" byid: wa nghoid.

2 TIMOTHI 1:12

Hau: khyoo: yoomo he: da" kyi" khyeug shid: gyoin, noo gyoin khyoo: ri ngoo yo" kham: yu nyid zi nghoid. Nghoid loug we' nga" da" loem, khau: nheigloem: gi ngoo moo byeung" sho' bo jo, Khasu" wim gari Ngoo hang" ri loem, khau: nghe: nyid zigi ngoonyang: se' nyid ziyo' ngoo, nyang: ri ab, byid: to" da" ziyoo dangain" - hau: bidnyid ju" sho' zung" lhug goem, coung; too" byid: wam bye" ein: ngoo nheig shid' nheig deug nyid bye.

ACTS 15:23

Hougsu" lhid" foin: kaid da" mougsoug" moo Ngoonu" da" mang: nhung" yi nghoid da- ngoonu" lagyoo: yi yo' phung ludaid yi gi Antioki voogung yo' Suri mung" kilik mung" moo zheung: nyid da- tungbau byumyu" mang: nhung" yi ri vhu" kaid.

ACTS 14:26

Nya: eig yug gi hau: voogung mo lhid' zhoung: lho: Antioki voogung moo nya: eig yug zei: bain, ca" da" moozoo" ri bain zei: wa shid re" phung: byu yi gi Mangso da" lo, khoug: moo zheung: ab, byid: da- voogung khyoo: doem, ju" yhe: lo.

LUKA 23:46

Yesu gi O" nga" phoo we"- Aseing: da" lo, moo nga" Venyi: ab byid: bye" ga: thui: zeing: yo" gyi" sho' nyho: lho: kang: gyoo" khari" bye.

MARKU 3:14

Nyang: gi daxe: eig yug ri khyen: yu lho: nyang: nu' ri Lagyoo: yi ga: myheing myeung byid. Nyang gi nyangnu" ri nanu" ngoo yo' dage" nyid wa shid' mo khyen: to" zi nghoid- ga: tid mungdang: kho" loo" wa shid re" we' nanu" ri ngoo nhang- kaid wa.

ACTS 1:24

Hau: thang: ri nyangnu" akyu" mho' zigi Aseing: we" Nang gi yug khang" mo" da" nheigloem: ri sisu: nghoid- Yuda gi nyang: yo' sen: da" joyoo khyoo: yhe: loo" bye.

2~KORINTHU 8:19

Hau: tho' moo gootu: hidsu" jheddab da" myid yo' pang" thoug da" alu: ngei khyu: da" moozoo" moo we' ngoonu" yo' dage" so" yen" wa shid re" phung byu yi lo, tu: khyen: nyheung too" shau" su: dayug we' nyang: nghoid nyid. Hau: khyoo: gi Aseing: da" myonhoo: phung" yoeb ri thoin" pang" byid: wa shid re" yo' ngoonu" da" bo pang bo thug nau da" emyid, ri we' toin" shed wa shid re" nghoid nyid.

MATHE 17:21

(He: ja: ngho' yu rigi Akyu mho' da" ziyo' zoonoem zeung: khyo" za: date: yo" khaid thu' ga: jhoug" byid.) ‹Loem ge" da" lo, wigi lhid" to" da Jhoem: mougsoug" xoug" myoo" sho' moo he: da" abeing: zoo: gi aboo.