ACTS 14:19 - Lacid Common Language Bible

¹⁹ Pasidi mung" Antioki Voogung yo' Ikoni voogung mo da" Yuda byu yi dayham" bang: re" lho: mung" byu yi ri nyangnu" jhang khyoo: yo" re" ngoug yu boem ago". Hau: thang: ri nyangnu" gi Polu ri lug go' wigi zheung: du" lho: shid: bye: ga: zheung: jhoo: yoomo vooyam, moo yhe: she: thu' to" ago".

ACTS 14:19 Referans Kwoze

2 TIMOTHI 3:11

Nga' da" kyi" khyeug shen" yhen lo da" khyoo: joem ri bo myang bo si' bye. Antioki voo, Ikoni voo, Lustra voo joem moo ngoo thoung" shau" da" gyoug pho" shen" yhen pyi: sho: khyoo: yo' ngoo kham, zo: loo bye: da" khyoo: joem dangain" ri nang se' nyid gu nghoid bye. Aseing: koem gi hau: khyoo: dangain" jang mo ngoori khyoid yu abye:.

2~KORINTHU 11:25

Roma yi wigi baidzi soem" lheung: shau" lho: lugzeung: wigi du" zi dalheung: shau" bye. Lhid' byo, yoin" jang: moo we' soem' lheung: bo bye. dalheung: gi Panglai moo nayi: eigxe: myid: loem: ju" sho' myu: dang: yen" zi we' shau" yu " bye.

ACTS 14:5

Yuda byumyu" yo' tungbau byumyu" yi dayham" bang: gi lagyoo: yi ri shen" yhen wa ziyo' - lug go, ze du" wa shid re" nyangnu" da" vhu" jhung: yi yo' gye" gau" sham: go" nyid boem.

ACTS 13:45

Yuda byumyu" yi gi hau: mung" byu yi ri re" zheung: myang lang- nyangnu" gi myid yu" nau: boem yoomo-Polu kho" kyo" da" mungdang: ri ngeug pyam' boem lho: wigi nyang: ri aphoug" akhyoid ga: rue" da" dang: ri tid ago".

2~KORINTHU 11:23

Nyangnu" gi Khristu da" deizoo: yi nghoid go" la". koo" su: da" dang: yhang: te" zi gi nghoid. Nghoid loug we' ngoo gi-nyangnu" tho' moo je ge da: deizoo nghoid. Ngoo gi nyangnu" tho' moo moozoo" ri je" zei: su nghoid. Nyangnu" tho' moo je"`wigi myoo" sho' lheung: thung: loung" yu bye. nyangnu" tho' moo voosi" je" shau" kham, zoo: bye: shid: gyoin' noogyoin, myoo" sho' lheung: ngoo shau" yu" bye.

ACTS 7:58

Hau: lho: nyang: ri vooyam, shoid khyoo: zheung: doin: goin' thu' lo" wigi lug go' yo' du" ago". Sagsi: yi gi nyangnu" da" adang byisheing: joem ri sholu ga: da" zoolu: pho, khyid: yang: moo khyoid' boem, to" lho: zung" nhang: ago".

1Korinthians 15:31

Mang: nhung" yi we"- ngoo gi nyid" khang" moo" shid: gyoin' noogyoin' za: dathoung" shau" nyid. Yha" da" Aseing Yesu Khristu moo: daloem: dadeing: za: nghoid da- yha" da" kangso moo: nanu" da" atho' moo: phau: khuang myonhoo: shoo: yoomo- ngoo hidsu" yo" tid zi nghoid.

ACTS 17:13

Nghoid loug we' Polu gi Beria voogung moo we' - Mangso mungdang: ri tid kyo" nyid ga: da" ludang: ri Thesaloni voogung: mo Yuda byumyu" yi shau" gyo: boem wigi nyangnu" gi Beria voo khyoo: zheung: ju" re" lho: mung" byu yi ri lu: fu: loo wa shid re" re" pue: boem ago".

ACTS 9:16

Nga" myeing yoomo nyang: dayam, dayoo: kham, zoo: ca" gu: ri dangain" ngoo, Nyang: ri toin" shid' wa nghoid- ga: tid.

ACTS 22:20

Hougsu" wigi re" da" Re" da" sagsi: phoo Stephain ri said' da" uri we' ngoo nyang: we' houg: moo nyid lho: bo myid veing" ziyo' - nyang: ri said' bang: da" byimi joem ri bo zung" byed bye: ein: phoug tu" kaid.

ACTS 14:21

Polu Yo' Barnaba eig yug gi ludang: gi ri Dabe Voogung moo kho" kyo" lho: wigi byu yi myoo" sho' bang: gi cangzoo: yi bue" lo boem ago". Hau: thang: moo nya: eig yug gi Lustra, voo- Ikoni yo' Pesidi mung" mo wigi Antioki voogung khyoo: doem tau" lo" ago".

YEREMIA 22:19

Loo zei: shid: mang ri myhoeb shoung: pyam yhang: ti" nyang: ri she: khyoid yhe: wigi Yerusalem khoem" nghe: shoid khyoo: yhe: she: pyam go" wa zi shau" loo wa» ga: tid da:.

ACTS 13:14

Nyang: nu" gi Perga khyoo: xo' yhe: lo" wigi Pesidi mung" mo Antiki voogung khyoo: ju" yhe: lo" ago". Nyang: nu" gi Dougno: Bidnyid moo Yuda tarha jung yhoem: khoug: khyoo: vang yhe: lho: zhoung: jo, ago".

ACTS 14:1

Ikoni Voogung moo Polu yo' Barnaba eig yug gi Yuda byu yi da" Tarha" jung moo zheung: vang lo" lho: kho" kyo" nyid uri Yuda byumyu" yi yo' nghi: zain, byumyu" yi gi Aseing Yesu ri loem" jeung" loem khau: lo byu myoo" sho' bo lo.

ACTS 14:2

Nghoid loug we' - aloem" ajeung" da" Yuda byumyu" yi yo' nghi: zain, byumyu" yi gi khristain ri pyi: sho: lho: aveing" goo" wa shid' mo lhu: nhoug" byid: nyid boem.

ACTS 14:4

Houg: mo mung" byu yi gi eig phung gyo" lo" lho: daphung: gi Yuda byumyu" yi shoid khyoo: bo- gootu: daphung: gi lagyoo: yi thang: khyoo: bo dab, boem ago".

ACTS 14:18

Lagyo: eig yug gi hougsu" nyho: lho: tid nyid rilang" gi nya: eig yug ri xoin" to' byid: wa ga: soin' da" mung" byu yi ri lagyo: eig yug gi alug ayo" toem, pyam' nghoid ago".

ACTS 14:26

Nya: eig yug gi hau: voogung mo lhid' zhoung: lho: Antioki voogung moo nya: eig yug zei: bain, ca" da" moozoo" ri bain zei: wa shid re" phung: byu yi gi Mangso da" lo, khoug: moo zheung: ab, byid: da- voogung khyoo: doem, ju" yhe: lo.

ACTS 15:26

Nyang: nu" gi ngoonu" da" Aseing Yesu Khristu da" moo" zo" shid re nyang: nya: kang: so' ri lang" vhu" abyid: loo: zei: so' lo" boem ago". nyangnu" jheddab da" Barnaba yo' Polu eig yug yo' dage" nanu" jhang cang re" lo boem wa zi nghoid.

2~KORINTHU 11:26

Ngoo gyung: so" yen" zi myoo" sho' lheung: moo gyid je: lo wigi shau" da" shid: gyoin'- khyangtoug: shau" da" shid: gyoin'- ngoo nya: da" Yuda byumyu" yi koid byid: da" shid: gyoin- tungbau byumyu"' yi koid byid: da: shid: gyon- voothoem" yi moo thoung" shau" da" shid: gyoin'- siyoo soogam moo shau" yen" da" shid: gyoin- mhau' da" mang: nhung" yi koid da' shid: gyoin noogyoin myoo" sho' shau" lid lo yu" bye.

1THESALONI 2:14

Mang nhung" yi we"- nanu" moo bue" lo da" thoung" shau" khyoo: joem gi Yuda mung" mo Mangso phung nghoid da" Khristu da" byu yi moo we' thoung" shau" nyid boem- nanu" gi nyhang" nya: moug: mo byu yi da" lo, moo shen" yhen khyoo: thoung" shau" yhang: ti" ngoonu" we' Yuda byumyu" yi da" lo, moo thoung" shau" nyid boem bye.