ACTS 14:15 - Lacid Common Language Bible

¹⁵ Byu yi nanu" we"- khasu" wim wigi hid: su" koid' go" lha". Nga" eig yug gi nanu" yo' dakhyoo" te" da" xang: su: byu za: danghoid. Houg: ce: akyu" abo ja: ri coung" nghei byid: wa shid re" gi moug: khung: yo' myed jang: panglai yo' hau: akhoug: moo nyid ja- jo, moo jo, dangain" ri phain" so: too" su- dei nyid da" Mangso shoid khyoo: - phoug loo" wa shid re" ludang: seig nanu" ri tid kyoo" byid: wa shid re" nga" eig yug gi hid: moo ju" re" zi nghoid.

ACTS 14:15 Referans Kwoze

YAKU 5:17

Elia gi ngoonu" yo" dakhyoo" te" da" xangsu: byu za: date: nghoid loug we' nyang: gi moug: avoo loo: wa shid re" nheigloem: yoem: moo" khyo" akyu" gyi" sho' mho' kaid. Houg: su" akyu" mho' yoomo mougmyid tho' moo soem" zain lham" moo" khyug" khyab thang sho' moug: avoo khari" loo.

1Korinthians 8:4

Houg: yoomo phara" soolhoo: ri xoin" to' pyam bye: da" shoo" yo' sen: lho: tid shang ein: rigi: phara" soolhoo: ga: zigi- gyeing" nyang: kangso dei lho: so" yen" khyoo: ajo, ziyo'- dayug kyeung" da" Mangsoo mo lai wigi- gootu: Mangsoo anyid lo: ziri ngoonu" se' nyid boem bye.

ACTS 10:26

Nghoid loug we' Petru gi to' yab, we' ngoo we' byu za: danghoid- ga: tid lho: nyang: ri she: to' kaid.

1 SAMUELA 12:21

Khyoo: vhang: vhang: nhang: da" yu phara" joem jhang khyoo: ayhi: goo". Houg: bang: gi nanu" ri yo" bo pang" wa zi anghoid- houg: bang: gi gyeing" anghoid boem yoomo nanu" ri yo" khyoid yu wa zi we' anghoid.

Pang Shug 14:7

Hau" mou: lagyoo: gi Mangsoo dang: phyed wa da" bidnyid ju" loo bye: yoomo Mangsoo ri gyoug phau" lho: nya: da" gyi: myhang: reung: thang khyoo: re" coung" byid: ge'. moug: khung: yo' myidjang: ri we' panglai yo' gyid zoo: lang yi we' phain" so: to" Aseing: ri phau" myang: vhu" pid' ped' nyid ge'. ga: thui: moo" zeing yo' nyho: tid nyid.

YEREMIA 14:22

Byumyu" yi da" yu phara" soolhoo: joem kha: zi we' moug: ri ayo" voo nhang: nghoid da:. Mougkhung: gi nyang: nyang: kyeing" lid jhoem" moug: ri ayo" voo nhang: nghoid da:. Ngoonu" gi nang moo myid byu nyid boem o" ngoonu" Aseing Mangsoo we"- Ciwim ga: ri he: gu: ri nang koid da:.

APOEM AYANG: 1:1

Xang: shi" moo Mangsoo gi mougkhung: yo' myidjang ri phain" so: to".

1THESALONI 1:9

Nanu" jang" moo ngoonu" ju" re" da" uri nanu" gi kha: khyo" ngoonu" ri lhoem: tau yu boem bye: da" khyoo: ri we' nanu" gi dadei nyid ziyo' deingmain" nyid da" Mangsoo ri noku loem, khoug: wa shid' re" gug ngu soolhoo: joem rinung phoug pyam lho: Mangso jhang khyoo: khasu" phoug leung: lo boem khyoo: ri we'.

Ephesu 4:17

Ce" phoug" adab da" nheig byu khyoo: yo" da" tungbau byu yi yhang" ti"- kangso' adei nyid wa shid re" Aseing: da" myeing khyang" yo' ngoo nanu" ri zed" lhid' nhang: nyid bye.

YONA 2:8

Ce" phoug" adab da" yu phara" soolhoo: no' mo, gi nang ri: dang: azung" boem loo:.

TARHA" TID POIN" 32:21

Nyangnu" gi nyangnu" da" soolhoo: joem wigi ngoo ri nheig yoo: nhang: abye: go". Mangso anghoid da" yu phara" Nyangnu" da" yu phara" joem ga: da" ziyo' ngoo ri myid zoo nhang: ago". Houg: yoomo ngoo gi byumyu" damyu" ein: ziri ci: wigi nyangnu" ri nheig yoo: nhang: wa. Nheig agyeing: da" byumyu" damyu" ri nyangnu" myid zoo wa khyo" ngoo koid wa.

ACTS 4:24

Loem" jeing" bang: hau: da" dang: ri shaug" gyoo: lang" gi nyangnu" nheigloem: dadeing: za: shoin" lho: wigi akyu" zheung: mho' boem zigi Moug: khung: myed jang: panglai gyid mung" yo' hau: akhoug: moo nyid moo nyid ri phain" to" da" Aseng: we"-

MATHE 16:16

Simon Petru gi «Nang gi kangso' dei nyid da" Mangso nya: zoo: ein: da" Khristu nghoid» ga: phoug tid.

YEREMIA 32:17

«Yoem: moo" bo Aseing we"- re" gyi: sheung: da" yoem: so' yo' yoem: moo" wigi mougkhung: yo' myidjang ri phain" so: to" da:. Re" shid re" ce: ja: we' gye yau: zi ajo, nghoid da:.

COUNG" NGHEI 31:6

Nang gi yu yo' soolhoo: ri coung" pid nyid bang: ri ngheung" nyid. Nghoid loug we' ngoo gi nang ri za: loem khau: nyid wa zi nghoid.

THU' LO" MOUGSOUG" 20:11

Khyug nyid" ju" sho' akhoug: moo ngoo Aseing gi myid phain" so: moug phain" so: panglai: yo' hau: akhoug: moo bo da" dangain" ziri phain" so: to" da:. Nghoid loug we' nyhed nyid" nyid" rigi ngoo theing: nyid. Houg: yoomo ngoo Aseing gi Dougno: Bidnyid ri mainkaid wigi hau: nyid" ri gyeung" shang: nhang: bye:.

HEBRE 3:12

Loem" jeung" nyid da" mang: nhung" yi we"- dei nyid da" Mangso jang" mo vhang: lam" loo" sho'-akhyeing" ashoeb da" loem, shoid nheigloem: boo da" byu- nanu" moo dayug we' aboo loo: sho' zed" nyid ge'.

1 TIMOTHI 3:15

Nghoid loug we' ngoo to' myang" byug nghoid rigi dadei nyid Mangso phung: ein: da" hau: deingmain" apoem: ayang: nghoid da" Mangso yhoem: ikoin deungkhu: moo ngoonu" gi kha: yhang: te" da" avoid asam"- cang yhi: ca" khyoo: ri yo" se' yu baja"- ein: he: mougsoug" ri lhid" kaid' zi nghoid.

ACTS 14:21

Polu Yo' Barnaba eig yug gi ludang: gi ri Dabe Voogung moo kho" kyo" lho: wigi byu yi myoo" sho' bang: gi cangzoo: yi bue" lo boem ago". Hau: thang: moo nya: eig yug gi Lustra, voo- Ikoni yo' Pesidi mung" mo wigi Antioki voogung khyoo: doem tau" lo" ago".

YOHAN 7:18

Nyang: nya: da" Tarha" ri kho" kyo" jhoug" byid: su: gi nyang: nya: da" myonhoo: ngeilang: ri shoo: wa nghoid. Nghoidsho' loug we' nyang: ri nhang: kaid su: da" myonhoo: ngeilang: ri shoo: su: gi deing: deing: main" main" se' kho" kyo. lho: nyang: moo mhau' fain" zi aboo.

ZEKHARIA 12:1

He: zigi Israela da" khyoo: Aseing pang shug da" mungdang: nghoid wigi mougkhung: ri phain" myhu: to" da" Aseing- mougmyid ri ayang: zhug su:- byu ri kangso' byid: da" Aseing tid zi nghoid.

YEREMIA 10:8

Nyangnu" dangain" bang: gi nheig agyeing: wigi adu: adam: bang: nghoid. Seig soolhoo: joem mo nyangnu" ciyo" jhau" yu wa la".

YEREMIA 8:19

Tam" gyo: yu" ge'. Damoug: gyab goin" moo nga" byumyu" yi ngau nyid ziri shoug" gyo. Aseing gi Ziun moo anyid loo rhe". Ziun khokham gi houg moo anyid loo la"» ga: ngau nyid. Aseing nyangnu" khokham gi «Nanu" gi nanu" da" soolhoo: joem ri no' da" khyoo: yo' Ci akyu" abo da" nanu" da" tungbau meing: mo yu phara" joem ri goeb pid da" khyo" Ngoo ri ciwim yoomo nheig yoo nhang: go" la"» ga: phug tid da:.

ESAIA 46:7

Nyangnu" hau: ziri nyangnu" kootho' moo koid: vu, lho: dang lo" ago". Nyangnu" gi hau: ziri nya: joyoo moo to" ago"- hau: zigi yab jo, wigi nya: joyoo mo ayo" yu: nghoid da:. Dayug yug hau: ziri akyu" yhe: mho' nghoid ri ayo" phug tid byid:. Anghoid lang" kyi" khyeug jang" mo we' nyang: ri ayo" khyoid yu nghoid da:.

ESAIA 45:20

Aseing tid zigi «Khosen mungdain: gyoo" lo" byug uri nyid deing bang: dangain" nghoid da" byumyu" yi we"- zeing: lo boem ge'. Tarha" joeb yu" khyo" nanu" nya: gung ri yhe: ci: shug byid: we'. Byu yigi seig wigi koid da" nyangnu" yu phara" soolhoo: joem yo' jen shug yen" lho: nyangnu" ri ayo" khyoid yu da" yu phara" joem ri akyu" mho' ago". Hau: byu yigi ci: we' asi' goo" nghoid da:.

ESAIA 45:18

Aseing gi mougkhung: ri phain" so: to" da:. Nyang: gi Mangsoo nghoid da:. Nyang: gi mougmyid ri azuang koid lho: phain" so: to" da:. Nyang: gi hau: zi teing sho' koid lho: jo, jo, nhang: da:. Nyang: gi hau ziri jham" coug: youg akoid pyam nghoid da:. Nghoid loug we' byu yi shid re" nyid wa joyoo koid byid: da:. Nyang: tid zigi «Ngoo gi Aseing nghoid. Gootu: Mangsoo anyid.

COUNG" NGHEI 124:8

Mougkhung: moug: di yo' mougmyid yoosoo" ri phain" so: too" su:- Aseing jang" mo wigi ngoonu" ri pang" thoug da" khyoo: gi dathu' lo nyid.

COUNG" NGHEI 33:6

Aseing gi nya: da" amyeing" yo' mougkhung: mougdi ri phain" so: too" bye:. Bid, kyi: lhammoo" ri we' nya: dang: dakhoin" yo' phain" so: to".

TARHA" TID POIN" 5:26

Kangso' dei Mangsoo gi myi: khoug: mo dang: ji ziri shau" gyo: thang: ri byu yugkhang" moo" gi kangso' yo" dei wa la".

Pang Shug 22:9

Nghoid loug we' nyang: ngoori tid zigi " Houg: su" akoid- ngoo gi re" da" mang: nhung" lapi: yi yo' he" mougsoug" moo bo da" mungdang: ri tam" gyoo: mo, dangain"- nanu" da" dei zoo: byencang" dayug nghoid. Mangsoo ri dano' ku" we' ,, ga: tid toem pyam.

Pang Shug 19:19

Hau: thang: ri akhyeung" da" gougnyhoug ni, zeing yo' moug: myed tho' mo Khokham" yi yo' nyangnu" da" gyi phung zeing yi gi hau' myang: jui: su: yo' nya: gyizoo: yi ri meing: zain: wa shid re" gyi, soin' nyid ziri ngoo myang.

Pang Shug 19:10

Ngoo gi nyang: ri pid' wa ein:- nya: khyid: yang: moo goeb khyoo, nghoid loug we' Nyang: gi " Houg: su" akoid- ngoo gi nang yo' re" mang: nhung" yi yo' dakhyoo" te"- dei zoo: dayug nghoid lho: Yesu da" pang shug da" deingmain" khyoo: ri zei: ci: mo, danghoid. Mangso ri noku we' ga: ngoori tid. Khasu" wim gari Yesu da" pang (shug deingmain" da" khyoo: gi Lapi: yi ri venyi yoem: byid: nyid zi nghoid.

ACTS 27:25

Houg: yoomo Ludaid' sooyen" yi we" - nheig angi, goo"- Khasu" wim gari ngoori re" tid to" ziyo' dakhyoo" ti"- bue" loo wa zi nghoid ein:- ngoo gi Mangsoo ri loem, khau: nyid.

ACTS 27:21

Gyid sang phoo moo zhung: bang: gi zoo: noem azoo: loo: myoo" sho' nyid" lid lo" boem thang: ri Polu gi nyangnu" da" shid khoin" moo to' yab, lho: Ludaid' sooyen" yi we"- nanu" nga" da" dang: ri tam" gyo: lho: Kreti gugyoo: kang: khyo" agu: lo" boem nghoid yoomo ngoonu" gi hid: su" soem" lo" boem ziyo' - byo, yoin zi shau" boem wa anghoid.

ACTS 27:10

Xo, gu: yhe: lo" rigi gyoug ca" wam: bye: myang- gyid sang phoo yo' kid" xoin: joem soem" lo" byug ziyo' ngoonu" da" kang: so' joem lang" joem: lo" byug wa da" khyoo: ri ngoo myang bye"- ga: phajhi" byid: tid poin" bye.

ACTS 16:30

Hau: thang: ri nyang: gi nya: eig yug ri tung gung khyoo: shu" thu' lo" lho: nheig bo eig yug we" - ngoo khyoid yu zi shau" sho' khasu" koid wa lha". - ga: myed: yu".

ACTS 14:7

Nyang: nu" gi hau: Voogung joem moo Aseing Yesu da" ngeibu: Ludang: gi ri zheung: kho" kyo" boem.

ACTS 13:32

Coung" nghei, jikhoin" mougsoug" abeing: eig loem: moo Nang gi nga" zoo: nghoid- Akhid" nyid" ngoo nang ri khu: kaid da" Re" phoo nghoid- ga: tid to. Houg: yo' dakhyoo" ti" Mangsoo gi Yesu ri dei, to loo" nhang: khyo" - ngoonu" da" phoug" phyid" yi ri byid: to" da" dang: soo" khon" gi nyangnu" da" myed: zoo: yi nghoid mo, ngoonu" moo zei: pyeung byid: abye:. Houg: yoomo ngoonu" gi he: da" ludang: gi, ri nanu" ri tid kyoo" wa shid mo he: joyoo moo ju" re" zi nghoid.

ACTS 7:26

Hau: thang: nyid rigi Israela byumyu" eig yug myeing" myoo: go" nyid lang" ziri Moshe yhe: myang wigi nya: eig yug ri mo, byo, kang" lho: tam gyo: yu" ge'. re" eig yug gi Israela mang: nhung" nyang: cang" danghoid ri cenoem wim wigi houg: su" se' byo, go" nyid lha: ga: yhe: tid.

YOHAN 5:26

Nga" phoo gi kangso' ajhung: nghoid ziyo' dakhyoo" ti"-- Nya: zoo: ri we' kangso' ajhung: bue" loo wa shid' re" koid; too" bye.

AMO 2:4

Aseing gi «Yuda byumyu" yi gi pug lho: pug lho: yooboo ri dakoid nyid shi" yoomo ngoo gi nyangnu" ri gyeing" gyeing" nyang: yooboo dam byid: wa. Nyangnu" gi ngoo jhoug" mho' nyid khyoo: ri aphoug" akhyoid koid pyam boem lho: ngoo pyeing: to" amyeing" dang: we' acang nghoid ago". Nyangnu" da" phoug" phyid" yi dei byid: lo da" yu join: yu phara" yigi nyangnu" ri khyoo: vhang: shu" vhang: loo" khari" bye:.

DANIELA 6:26

Ngoo gi yugkhang" moo" wigi Daniela da" Mangsoo ri gyoug lho: phau" myang: wa shid re" nga" mungdain: goem: sho' amyeing" khyo' kaid da:. Nyang: gi kangso' dei nyid da" Mangsoo nghoid wigi nyang: gi apyaid atoo: moo vhoebkhang" wa. Nya: da" mungdain: gi khanham we' phyo' shoin' pyam zi shoug" wa zi anghoid. Houg: lho: nya: yoem: so' gi khanham we' thang wa zi anghoid.

2 KHOKHAM 19:16

Aseing we"- akhid" ngoonu" moo cibue" nyid ziri yu" byid: la. Dei nyid da" Mangsoo nang ri Senakherib wigi aphoug" akhyoid tid nyid zi dangain" ziri tam" gyoo: byid: la.

2 KHOKHAM 19:4

Asuri khosen phoo gi dei nyid da" Mangsoo ri aphoug" akhyoid rui" wa shid re" nya: gyizoug: moo" yiri nhang: kaid abye:. Re" Aseing Mangsoo gi he: aphoug" akhyoid tid da" dang: ri shau" gyo: wigi hougsu" tid bang: ri yooboo dam byid: goo" baja". Houg: yoomo dei deung nyid da" ngoonu" mung" byu yi shid re" Mangsoo jhang akyu" mho' we'» ga: zi nghoid.

1 KHOKHAM 16:26

Nya: shid vhu" mo Yeroboam yhang: ti" nya: yooboo joem yo' byumyu" yiri yooboo thoem" khyoo: yo' yu soolhoo: no' jang" khyoo: shu" vhu" she: yhe: khyo" wigi nyang: gi Israela Aseing Mangsoo da" nheigloem: ri zhu: nhang: nyid da:.

1 KHOKHAM 16:13

Nyangnu" da" yu soolhoo: ri no' da" thung" yoomo we' nyangnu" gi Israela byumyu" yiri yooboo thoem" khyoo: shu" vhu" she: yhi: yoomo we' Basha yo' nya: yuggi zoo: Ela gi Israela Aseing Mangso da" nheigloem: ri zhu: nhang: bye:.

1 SAMUELA 17:36

Ngoo khangkhyi joem yo' voem joem ri said pyam yu bye: wigi Dei nyid da" Mangso gyizoo: yiri thougtheung nyid da" he: shooyid thang: ayham" da" Philisti byu ri we' houg: yhang: ti" ngoo koid wa zi nghoid.

1 SAMUELA 17:26

David gi nya: nam moo nyid da" byu yiri «Hau: Philisti byu ri said pyam wigi aphoug" akhyoid koid nyid da" jang" mo Israela byumyu" yiri khyoid yu lang" ce: noem yoo" wa ga: o". Dei nyid da" Mangsoo gyizoo: yiri thougtheung wa he: shooyid thang: ayham" da" Philisti byu gi khasu" te" yug nghoid lha"» ga: myid: bye:.

YOSHU 3:10

Nanu" shid khyoo: yhe: lo" uri nyang: gi Khanan- Hiti- Hivi- Perizi- Girgashi- Amori yo' Yebusi byumyu" yiri: gyeing" nyang: khaid thu pyam wa zi nghoid. Mougmyid dangain" da" Aseing Dang: Theing Kuid: nanu" shid moo Yodan gyid lang ri gu: dab yhe: uri kangso' dei Mangsoo nanu" phung: moo nyid nyid ziri nanu" si wa zi nghoid.

APOEM AYANG: 41:16

Yoseb gi «Aseing: khokham we"- ngoo gi se' phuid: kyoo" wa anghoid- nghoid loug Mangsoo gi nang nheugshid: sho' phuid: kyo" loo baja" o"» ga: tid.

COUNG" NGHEI 115:15

Mougkhung: yo' myidjang ri phain" so: to" da" Aseing gi nanu" ri: mainkaid byid: nyid baja".

YEREMIA 51:15

Aseing gi nya: yoem: so' yo' myidgung ri phain" so: wigi Nya: phajhi" yo' mougmyid ri phain" so: lho: Mougkhung: mougdi ri pei: myu" kaid da:.

Pang Shug 4:11

Ngoonu" da" Aseing: yo' Mangso- Nang gi jo, moo jo, ri phain" so: to" lho: wigi hau: gu: dangain" ri nang nyang: myid vho: khyo" dajo, jo, nhang: ziyo' kangso' dei nyid boem nhang: yoomo Nang gi phung" yoeb, myonhoo: yo" lho: phoug" tab ngi shab, byid: da" myonhoo: yoo" moin: nyid o"- ga: coung" nghei nyid boem ago".