ACTS 13:8 - Lacid Common Language Bible

⁸ Nghoid loug we' Grid" myeing" khyo" - Eluma ga: da" goem, phain" phoo gi Yesu khyoo: ri mung" zoug: phoo alhoem: vhoo: wa shid re" Barnaba yo' sholu eig yug ri lhoem: ngeug toem, pyam.

ACTS 13:8 Referans Kwoze

2 TIMOTHI 3:8

Akhui" yanne" yo' Yanbre eig yug gi Moshe ri thoutheung ngeug pyam' ziyo' dakhyoo" ti"- he: byu joem we' hau: deingmain" khyoo: ri thoutheung ngeug pyam nyid boem ago". Hau" byu joem gi nyangnu" ase' myid soin: yu" boem, loo: yoomo loem" jeung" khyoo: moo byo, yoin" soem" joem: lo" boem, ago".

ACTS 13:12

Mung" zoug: phoo gi houg: su" bue" ziri myang lang" gi Yesu ri loem" jeung" loo bye. khasu" wim gari Aseung: khyoo: yo' sen: lho: jhoug" byid: khyoo: ri nyang: gi xoo" sho' mau" nyid bye.

ACTS 9:36

Akhid" Yopa voogung moo Tabitha ga: loem" jeung" da" myiyi: dayug nyid - (Nya: myeing ri Grid" myeing" khyo" - Dorka ga: zi nghoid wigi nya: da" dangkang: gi " Soo" cid" , , ga: zi nghoid) Nyang: gi khanham we' ge da" moo" riza: zei: nyid wigi sho" jhen: bang: ri bo pang" thoug nyid da" myiyi: nghoid.

ACTS 8:9

Hau: voogung mo Simun ga: su: dayug gi nyang: fa" da" phajhi" khyo" -Samari byu yi ri moug" nhang: nyid.

ACTS 6:7

Houg: yoomo Mangso da" mungda in: gi xo' loo: xo' je" fu" nheung loo" bye- Yerusalem voomoo" mo da" cangzoo: yi gi je" je, myo: tham: lo wigi khainjung agyi yi myoo" sho' mo, we' - loem" jeung" lo boem ago".

YOHAN 1:41

Nyang: gi nya: mang: Simun ri myang lang" tid zigi ‹‹Ngoonu" koem Meshia ri myang bye.» (Meshia ga: da" dangkang: gi)- Khristu ga: zi nghoid ga: tid.

YEREMIA 28:1

Hau: zain moo Zedekia khokham koid zi myid: zain ein: zain lhammoo" wim khyab ein: khyab khyab moo Gibeon voomoo" mo Azuri da" yuggi zoo: lapi: Hanania gi Noku Yhoem: Moo" moo ngoo ri dang: tid da:. Khainjung yi yo' byu phung: yi shidkhoin" moo nyang: gi ngoo ri tid.

1 KHOKHAM 22:24

Hau: thang: Lapi: Zedekia gi Mikhaia jang" khyoo: do, lo" wigi nya: myonhoo: ri thoin: byid: lho: «Aseing da" Venyi: gi nga" jang" mo thu lo" wigi nang khyo" khanham dang: re" tid yu lha"» ga: myid: bye:.

ESAIA 30:11

Ngoonu" da" khyoo: ri shu' ge'. Ngoonu" da" khyoo: ri axau' too". Nanu" da" Israela da" gyeung" shang: Mangso da" khyoo: ri ngoonu" anau gyoo ga: tid ago".

ACTS 18:12

Nghoid loug we' Galio ga: su: gi Akhaia mung" zoug: bue" loo lang" Yuda byumyu" yi gi zeung: foem: lo lho: Polu ri myheug yu wigi tarha" yung" khyoo: shu" yhe: lo" ago".

ACTS 19:38

Demetri yo' nya: lo, moo" zei: mo, gi dayug yug ri yooboo foin: nau, nghoid rigi tarha" yung" phang to" ziyo' - amyeing" ci: bang: we' nyid nyid ago- tarha" yung" moo yooboo ri ge, tid da.