ACTS 13:48 - Lacid Common Language Bible

⁴⁸ Tungbau byumyu" yi gi he: da" dang: ri shau" gyo: boem lang" gyo: ngei boem ziyo' Mangso mungdang: ri coung" nghei ago". Apyaid' atoo: mo, da" kangso' ri yo" yu wa shid re" khyen: yu zi shau" bye: mo, gu: gi Yesu ri Loem" jeung" lo boem bye.

ACTS 13:48 Referans Kwoze

Ephesu 1:4

Nyhang" nu" gi nya: da" shid khoin" moo gyeungshang: lho: yooboo adab loo: baja" ga: ngoonu" gi Khristu yo' dadeing: daloem: za: bue" lo khyo" wigi moug: phain" myid aphain" shi" mo lang" Mangsoo gi ngoonu" ri khyen: yu too" bye- nyang: gi nya: da" jheddab nheigloem: khyo" wigi Mangsoo gi Yesu Khristu khyo" wigi ngoonu" ri nya: zooyi ga: yhen: yu wa shid mo myid phyed too" bye.

Roma 11:7

Houg: yoomo khasu" tid wa lha". Israela byumyu" yi gi nyanu" sho: nyid ziri ashug" boem. Hau: zi ri myang mo gi Mangso: khyen: to" da" byuphung: nu" zoo: da nghoid. Jain" nyid mo gi Mangsoo: khi: thui" ashaug" gyoo: mo nghoid.

YOHAN 10:16

He: da" yang khyam: moo abo da" yang- gootu: we' ngoo yoo" shi" Hau: yang joem ri we' nga" yang khyam: khoug: moo shu" vang loo ca" shi. Nyangnu" gi nga" thui: ri tam" gyoo: goo" wa houg: yoomo yang Phung: daphung: za: yang zung" su: dayug za: bue" loo wa nghoid.

YOHAN 11:52

He: zigi nyangnu" shid' re" za anghoid byo sain" nyid da" Mangso byumyu" yi bain sho' ri dadeing: daloem: za: bue" loo wa shid' re" we' nghoid nyid.

Ephesu 1:19

Khamyho, agoin ayu: nghoid nyid da" khyoo: ri we' Aseing: ri loem" jeing" bang: ngoonu" moo nya: yoem: so' gi khayhi' gyi: sheung: jo, ziri we' nanu" shau" myang se' lo boem baja"- nanu" da" nheigloem: ung: khoug:- soozoo: lheung: lo wigi nya: da" bidbang ri myang loo: baja"- ngoonu" moo moo" zei: nyid da" he: da" yoem: so' gi

ACTS 2:41

Nyangnu" myoo" sho mo, gi Petru kho" kyo" da" mungdang: ri loem" jeung" lo boem wigi Babtisma zheung: kham boem lho-hau: bidnyid moo loem" jeung" lo da" phung: byu yi soem khyeing"- hau: phung: moo loung: lo ago".

ACTS 22:10

Houg: lang" ngoo gi Aseing: we" - ngoo khasu" koid' loo: wa lha". ein: myed: kaid' lang" Aseing: gi to" lho: Damasku voo, khoug: khyoo: vang yhe: loo" we' nang koid wa shid re" Mangsoo nyheung to" da" moozoo" dangain" ri hau: voo, moo nang tid kyoo" wa nghoid- ga: tid.

LUKA 7:8

Ngoo nyang: we' tho' mo zoug: yi da" vhoo: moo moo" voin su: nghoid yoomo nga" vhoo: moo we' gyizoo: yi nyid shi. Gyizoo: dayug ri loo we' ein: lang" nyang: gi lo. Gootu: dayug ri loo" we' ein: lang" lo. Nga" join ri he: zi zei: we' ein: lang" nyang: zei ga: wigi tid.

Roma 13:1

Byu dangain" mo Asuya zoug: yi da" amyeing" ri tam" gyoo: ca". Khasu" wim ga ri - kha: asuya' nghoid loug Mangso: akhang" mo za: anghoid ri hang" zoug: ayo" koid'. Amyeing" yo" da: zoug: yi gi Mangsoo: wigi nyheig too" shau" mo nghoid.

ACTS 28:23

Houg: yoomo nyangnu" gi Polu yo' bidnyid deing go" ci: ago". deing go" to" da" bidnyid moo Polu nyid da" joyoo moo byu myoo" sho' zeung: ju" re" boem ago". Polu gi nab, kyoo mo zi moug: coid' sho' Mangso mungdain yo' sen: da" mungdang: joem nyangnu" ri phoid: sho' kyo" wigi Moshe tarha" yo' Lapi: yi da" jhoem: mungdang: ri gung: nhi" kaid' lho: Yesu ri nyangnu" gi loem" jeung" loo sho' kho" kyo".

ACTS 2:47

Nyangnu" gi Mangsoo ri coung" nghei nyid zoore- byu dangain" bang: da" shid khoin" moo myonhoo: bo nyid ago". Aseing: gi khyoid yu zi shau" bang: ri nyid" khang" moo" nyangnu" phung: moo myo: loung: loo nhang: nyid.

ACTS 20:13

Ngoonu" gi lhid' khyo" shid' khyoo: yhe: lo" wigi Asu voo mo Polu ri lhoem: shu" zhung: wa soin to" lho: Asu voogung khyoo: gu: yhe: lo" boem. khasu" wim gari-Polu gi khyid: khyo" hau voogung khyoo: yhi: wa zi soin to" wigi ngoonu" ri hidsu" koid wa shid re" tid to.

MATHE 28:16

Nya: cangzoo: daxe: da youg bang: gi Yesu pyeung: kaid ziyo' dakhyoo" ti"- Galile mung" mo boem khyoo: do, yhe: lo" boem.

COUNG" NGHEI 138:2

Ngoo gi re" da" gyeung" shang: Noku Yhoem: Moo" khyoo: myonhoo: shu"- goeb, pid lho: nang nheig khyeug shoo" myen: khyoo: jeju" boin: coung" nyid wa nghoid. Khasu" wim ga: ri re" myeing khyang" yo' re" da" amyeing" dang: gi dangain" tho' moo: je gyi: je nghoid thang nyid.

2 THESALONI 3:1

Ngoonu" da" mang nhung" yi we"- lo" thang moo nanu" ri pyeung" kaid' nau da" khyoo: gi Aseung: da" mungdang: gi nanu" moo bue" lo yhang: ti"- xo' lho: wigi gye" myab, khyo" byo ngam loo" wa shid re" phoug" tab zoore" kham: yu goo" baja"- ngoonu" shid re" akyu" bo mho' byid: nyid ge'.

1Korinthians 16:15

Nanu" gi Stephen yo' nya: yhoem: byu yi da" khyoo: ri se' nyid boem ago". Nyangnu" gi Akhaia meing: mo xang: shid" Khristain bue" loo mo, nghoid wigi- Mangso da" byu yi ri doo" zho" da" moozoo" moo- ab nung" da" ikoin deungkhu: byu yi, nghoid ago".

ACTS 15:31

Hau" mougsoug" ri nyangnu" bain' nghab lang" gi houg: su" yoem: byid: kaid' da" mungdang: yoomo nyangnu" gi gye" ngeibu: nyid boem.

ACTS 15:2

Polu yo' Barnaba eig yug gi-He: Khyoo: yo' sen: lho: nyangnu" yo' gye" ngeug byo, go" nyid boem. byen, phyoo" sham: goo" wa shid' mo Polu yo' Barnaba ri Antioki voo moo phung ludaid' yi dayham" yo' Yerusalem voomoo" moo nyid da- lagyoo: yi yo' phung ludaid' yi jhang khyoo: nhang: kaid wa shid mo sham: phyed' to" ago".

ACTS 8:8

Hougsu" nghoid yoomo voomoo" khoug: mo byu yi gi gye" agau yi ngei pyo: lo boem bye.

MATHE 25:46

Houg: yoomo houg: bang: gi apyaid ato: da" yooboo dam shau" kham: zo: wa jang moo ju" lo" boem wa. Nghoid loug we deung byeung" mo, koem gi apyaid ato: da" kangso' khyoo shau" vang lo" boem wa".»

ACTS 13:12

Mung" zoug: phoo gi houg: su" bue" ziri myang lang" gi Yesu ri loem" jeung" loo bye. khasu" wim gari Aseung: khyoo: yo' sen: lho: jhoug" byid: khyoo: ri nyang: gi xoo" sho' mau" nyid bye.

Roma 8:28

Mangsoo: gi jheddab yoomo Aseing: myid vho: zi yo" dakhyoo" khe: khyen: yu shau" mo ri thoung" shau" zoo: wa da" moo" dangain" mo akyu" bo thu' loo wa shid' re" Aseing gi nyangnu" yo" dage" zei: so' khyoo: ri ngoonu" se'.

Ephesu 1:5

Hau: khyoo: gi nyang: myid soin: ziyo' vho: ngei khyoo: nghoid.

Ephesu 1:11

Jo, moo jo, koem gi Mangso da" myid soin nyheung lo" da" khyoo: yo' myid phyed' to" khyo" bue" loo bye- hau: lho: xang: shid" mo myid soin to" da" khyoo: moo ayang: qei" lho: Khristu moo dadeing: daloem: za: nghoid nyid khyo" wigi nyang: myid soin to" khyo" nyangnu" ri nya: da" byumyu" yi bue" loo wa shid mo khyen: nyheung too" bye.