ACTS 13:43 - Lacid Common Language Bible

⁴³ Hau" zoeb, phung mo, mung" byu yi byo, lo" boem thang: ri Yuda byu yi myoo" sho' mo, gi Yuda noku thung" khyoo: phoug vang loo bye: da- tungbau byu yi myoo" sho' mo, gi Polu yo' Barnaba thang: cang lo" ago". Polu yo' Barnaba eig yug gi Mangsoo nheig khyeug da" akhoug: moo xo' lho: kangso' yo" dei nyid wa shid re" nyangnu" ri yoem: byid: da" dang: ri tid ago".

ACTS 13:43 Referans Kwoze

ACTS 11:23

Barnaba gi Antioki voogung khyoo: ju" yhe: lho: mung" byu yi ri Mangsoo gi khasu" ga: mainkaid byid: to" da" khyoo: ri yhe: myang lang" yu" gau, lho: wigi Aseing: ri nyangnu" da" nheigloem: khoug: moo teing" teing zei: ci: lho: wigi voin: tang: za: phau" cang nyid boem wa shid mo nyangnu" dangain" mo, ri yoem: byid: joug jhoin"

ACTS 14:22

Nya: eig yug gi loem" jeung" loo bang: ri yoem: byid: lho: loem" jeung" da" khyoo: moo- dain: dain: dayab, jo, boem wa shid re we' - nyangnu" ri tid poin" tid kyeing" byid: wigi Ngoonu" gi Mangso mungdain khyoo: vang loo" wa shid re" yau: khe" da" khyoo: myoo" sho' ri yo" lid phyed' loo" ca" - ga: kho" kyo" ago".

2 Yohan 1:9

Nyang: tu: nya: gung ri lhed' zed' nyid ge'. Khristu da" jhau" mho' khyoo: moo acang da" hau: ziri rue lid lo" bang: hang" nghoid loug we' Mangsoo yo' asen: loo:- hau: da" jhau" mho' khyoo: ri khanham we' d acang nyid bang: hang" nghoid loug we' nya: phoo yo' we' nya: zoo: yo" we' sen: su: nghoid nyid.

HEBRE 13:9

Shid' phyang" alhoung myang yu"- alhoung gyo: yu" da" jhau" mhoo, byid: da" khyoo: joem ri tungbau byumyu" yi gi nanu" ri hau: deingmain" khyoo: mo ashu" hang: lam" loo" nhang: goo. Zoo: noem, yo' sen: da" cang yhe: tarha" ri tam" gyo: cang pyeung khyoo: anghoid loo: za: Mangso jeju" mo yoem: so' ri yo" kham: yu zigi je ge zi nghoid.

HEBRE 12:15

Mangsoo jeju" mo nung phoug lo" zi abui" baja" zung" lhug goin, coung: nyid ge'. Kho" da" seig gyi: youg gyi: lo lho: nya: da" dug yo' jamjau myoo" sho' byid: yhang: ti"- nanu" ri we' houg: su" abui" baja" zed" lhed' nyid ge'.

KOLOSE 1:28

Hougsu" nghoid yoomo ngoonu" gi byu yug khang" moo" ri Khristu da" khyoo: ri kho" kyo" boem bye- byu yug khang" moo" ri Khristu moo nheig bo myheung yang" da" Khristain byu yug khang" moo" bue" lo wigi Mangso shid moo yo" vang lo" boem baja"- ngoonu" gi phajhi" byen-ya boo moo boo yo' nyangnu" ri zed" lhid' nhang: khyoo: jhau mhoo, byid: nyid boem.

KOLOSE 1:23

Nanu" gi geung: teung da" ayang: moo nheigloem: zung" ziyo' agyi: zug wigi geung: teung jo, ge'. hau: lho: nanu" gi hau" ngei bu: lu dang: shau" gyo: da" uri nanu" yo" yu ci: da" nheig byu khyoo: ri moo" yoin da" dei zoo: dayug bue" loo bye- hau: ngei bu: lu dang: koem gi moug: gyab, goin" jang" mo byu yug khang" moo" ri kho" kyoo" bye: da" mungdang: nghoid nyid.

PHILIPI 4:1

Hougsu" nghoid yoomo mang nhung" yi we"- nanu" ri gye" jheddab nyid ziyo' gye" myid' boin: nheig nge nyid nanu" gi nga" da" gau yi joyoo yo' bidmug nghoid nyid ago- jheddab bang: we" hau" Aseing: yo' dayugza: bue" lho: wigi kangso' dei da" khyoo: moo geing: geing: dayab, jo, ge'.

PHILIPI 3:16

Kha: khyo" nghoid loug we' ngoonu" gi akhid" nyid" ju" sho' ngoo nyang: cang lid loo bye: da" akhyoo" aved, joem yo" dakhyoo" ti"- shid' khyoo: jhen" yhe: lo" nyid boem shang.

Ephesu 2:8

Khasu" wim gari loem" jeung" khyoo: yoomo nanu" gi Mangso da" jeju" khyo" za: khyoid khyi: yu zi shau" khyoo: nghoid. Hau: zigi nanu" yoem: kaid' yoomo yo" yu da" akyu" anghoid - hang" we' phau: khuang jang: ajo, baja"- Mangso da" jeju" jhung: shug za: danghoid.

GALATI 5:1

Khristu gi ngoonu" ri join, bue" jo, jang" mo lhoid, kaid' bye: nghoid yoomo nyhang" gi loid byoin yoo" bang: nghoid boem bye houg: yoomo loid byoin, yoo" bye: bang: yhang: ti" yab, jo, ge'- join, da" dabu" khoug: moo adoem vang loo" goo".

2~KORINTHU 6:1

Nanu" gi Mangsoo da" jeju" yo" kham: yu mo, nghoid ziyo' dakhyoo" ti"- hau: jeju" ri amyib afoo" akoid pyam baja"- ngoonu" gi Mangso da" moozoo" bo pang" zei nyid mo, khyo" wigi nanu" ri mho' sang kaid zi nghoid.

2~KORINTHU 5:11

Ngoonu" gi hau: Aseing: ri gyoug phau" ein: zigi ce: noem nghoid ziri se' boem yoomo byu gootu: bang" ri yo" mhoid" yu wa shid' re" yoem: kaid thoug shang" nyid boem. Mangsoo gi ngoonu" da" khyoo: ri jid" jid" nug nug se' nyid. Nanu" we' nanu" nya: da" nheigloem: khoug: moo nga" da" khyoo: ri goo" lhoo: se' nyid boem bye: ein: wigi ngoo nheig byu nyid.

Roma 11:6

Mangsoo: gi houg: bang: ri nheig khyeug khyoo: khyo" khyen: yu to. ngoonu" da" aved ri yu" lho: khyen: yu zi anghoid. Gyeing" nyang: Mangso: khyen: yu da" khyoo: gi - byu avoidd ri yu" nghoid rigi - nya: nheig khyeug khyoo: gi gyeing" da" nheig khyeug khyoo: anghoid.

Roma 5:21

Yooboo gi byu ri yo" shid nhang: da" dangkang: nghoid ziyo' dakhyoo" ti" ngoonu" Aseing Yesu Khristu khyo" wigi Mangso: da" jeju" akhyoo" again gi ngoonu" ri apyaid' ato: kangso' khyoo: shu" yhe: lo" lho: deingbyeing" mo yo" bue" loo nhang: da" dangkang: nghoid.

Roma 5:2

ngoonu" gi Aseing Yesu ri loem" jeung" bye: yoomo Yesu gi ngoonu" ri Mangsoo: jeju" bid shoem: khoug: khyoo: shu" vang loo" bye. Hau: jeju" ri akhid" ngoonu" kham zo: nyid boem bye. Hougsu" nghoid yoomo ngoonu" gi Mangso: da" myonhoo: phung" yoeb ri yo" thoin" pang wam: bye: ein: nheig byu zi yo" phau: khuang myid boem bye.

Roma 3:24

Xangsu: byu yi ri yooboo mo loid' byoin loo: nhang: da" Khristu Yesu khyo" Mangsoo: gi ce: phoug" asang: da" jeju" jhung: shug khyo" wigi xangsu: byu yi ri deing byeung" mo ga: lhoem: kham: yu bye.

ACTS 17:34

Byu dayham" gi Polu da" thang: cang wigi Yesu ri loem" jeung" lo boem ago". Houg: bang: mo Dionusi ga: da" Aripagu kongsi: phung: moo bo da" tarha" agyi Damari ga: da" myiyi: dayug we' bo da- mung" byu yi dayham" bang: we' bo da.

ACTS 17:4

Nyang: nu" mo dayham" gi loem" jeung" lo boem wigi Polu yo' Sila shoid khyoo: bo dab, ago".

ACTS 16:14

Houg: bang: da" phung: mo Thuathra voogung mo pain" mi, phaga: koid da" Ludi ga: da" myiyi: we' dayug bo. Nyang: gi Mangsoo ri coung" pid' noku da" myiyi: dayug nghoid wigi Polu kho" kyo" nyid da" mungdang: ri nheigloem: zhug zhug za: tam" gyo: yu wa shid re" aseing: gi nya: nheigloem: khoem" duang: ri phang byed.

ACTS 14:3

Lagyoo: yi gi hau" joyoo moo-myang" sho' zheung: nyid boem wigi Aseing: da" Khyoo: ri agyug avoem loo: za: Kho" Kyo" boem ago- Aseing: gi houg: bang: kho" kyo" khyoo: gi deingmain" khyoo: nghoid ziri sag si: bue" loo wa shid re" mau" pho" alhoo: again yo' koid shug wa da" yoem: ri vhoo" phung" yoeb, ri byid: to.

2PETRU 3:14

Hougsu" nghoid yoomo nga" byen, cang" yi we' nanu" hau: bidnyid ri lang" nyid da: ayo, moo Mangso shid moo nanu" da" nheigloem: yung" lho' lho: wigi yooboo adab boem baja"- nyang: moo ngei pyo: myenjham" nyid boem wa shid re" yoem: goin' sho' shakoid yoem: kaid nyid ge'.

1PETERU 5:12

Ngoo gi he: da" mougsoug" lhid" zoore"- Sila bo pang" byid: khyo" he: mougsoug" ri nanu" jhang khyoo: lhid" foin: kaid' sila gikyed da" Khristain mang nhung" dayug nghoid ein:- ngoo myid loem nyid. Nanu" ri yoem: byid: da" dang: tid wa ziyo' - nanu" shau" kham' zo: da" jeju" gi Mangsoo byid: da" jeju" gyeing" nyang: nghoid da" ziri sag si: kham' wa shid re" he: da" mougsoug" ri lhid" kaid. hau: jeju" moo geung: tung yab, jo, ge'.

GALATI 5:4

Toung: to" da" tarha" ri cang pyeung khyo" wigi Mangso shid khoin" moo deing byeung" khyoo: yo" yu wa ga: yoem: kaid' nyid bang: nanu" gi Khristu yo' gang: lain lo" lho: Mangso da" jeju" ri ci: foid pyam' abye: go.

ACTS 28:23

Houg: yoomo nyangnu" gi Polu yo' bidnyid deing go" ci: ago". deing go" to" da" bidnyid moo Polu nyid da" joyoo moo byu myoo" sho' zeung: ju" re" boem ago". Polu gi nab, kyoo mo zi moug: coid' sho' Mangso mungdain yo' sen: da" mungdang: joem nyangnu" ri phoid: sho' kyo" wigi Moshe tarha" yo' Lapi: yi da" jhoem: mungdang: ri gung: nhi" kaid' lho: Yesu ri nyangnu" gi loem" jeung" loo sho' kho" kyo".

ACTS 17:17

Houg: yoomo Polu gi tarha" jung moo Yuda byumyu" yi yo' Mangsoo ri noku da" tungbau byumyu" yi yo' we' - Shava kid vang" cang so" lid, yen" da" mung" byu dangain" mo, ri we' - nyid" khang" moo" tid sham: go" nyid.

ACTS 13:50

Nghoid loug we' Yuda byumyu" yi gi Mangsoo ri noku coung" nghei mo, nghoid da- Byu nyid azhang" myhang: bye: da- tungbau byu myiyi: yi ri we' hau: voogung moo vhu" jhung: koid nyid mo, ri we' myid lhu: zhuang" to' kaid ago". Houg: lang" nyangnu" gi Polu yo' Barnaba eig yug ri shen" yhen lho: nya: eig yug ri nyangnu" da" mung" mo khaid thu' kaid' ago".

ACTS 6:5

Loem khoug: bang: daphung goin" gi lagyoo: yi tid fang da" dang: khoin" ri gyo: ngei boem bye- houg: yoomo nyangnu" gi loem" jeung" da" nheigloem: gyi: ziyo' gyeungshang: Venyi byeung" da- Stephain ga: su- Philib, Prokuru- Nikanora- Timun- Parmena- yo' Nikola ri khyen: yu boem ago". Hau: Nikola ga:" su: gi Antioki Voogung mo, Yuda noku thung" khoug: mo wigi phung: vang lo da- tungbau byumyu" nghoid.

ACTS 2:10

Phyugi Pamphuli mung" Egu tu mung" kureni anam, mo Libya" meing: mo ju" ri" mo, nghoid nyid boem.

MATHE 23:15

«Akug void da" Tarha" sara: yi yo" pharishe - nanu" gi joem: lo" nyid abye: go. Nghi: zain mo byu dayug ri Yuda noku byu dayug khyo" yo" fang yu wa shid re" Nanu" gi gyid mung" gu:- tung: gung lid loo" sho' pyi" kyang: su" kyo' yen" ago". Phung: yo" fang too" bye: su: ri lang" gi nanu" nyang: mo, eig boem je myoo: sho' ngarai mung" yo" moin: yi" da" byu bui" nhang: pyam boem rigi nanu" shid re" khayhi gyoug: phoo" nghoid.

1YOHAN 2:28

Nghoid bye"- myi: yi: zoo: yi we"- nyang: thu' myhang lo da" bidnyid ri nanu" gi sho' gyoug lho: phang: gau" yen" anoo" wa shid' re" nya: shid' khoin" moo asho' agyug loo: yo" yab, jo, sho' nyang: yo' daloem: za: dakoid nyid ge'.

TITU 2:11

Khasu" wim ga: ri Mangsoo gi byumyu" bain sho' bang: ri nya: da" khyoid' yu jeju" ri thoin" pang ci: shug bye.

ACTS 18:7

Hau: thang: ri Polu gi nyangnu" jang" mo thu lo" lho: Mangsoo: ri coung" pid' da" Titu Yustu ga: da" tungbau byu dayug yhoem: moo yhe: theung: nyid hau: youg yhoem: Yuda tarha" jung yo' jhang jhang za: nghoid nyid.