ACTS 13:36 - Lacid Common Language Bible

³⁶ David gi nyang: dei nyid da" bidnyid gu: moo Mangsoo myed soin' to" moozoo" joem ri zei: so' lho: shid: loo" bye. Nyang: gi nya: phoug" phyid" yi loeb, nam, moo myhoeb, shug: pyam' zi shau" lho: nya: manggung gi loeb, khoug: moo boeb, yoem: lo" byug bye.

ACTS 13:36 Referans Kwoze

ACTS 2:29

Nga" mang: nhung" yi we' subi" fu" yen da" ngoonu" nya: phoug"- David khokham" da" khyoo: ri Nanu" ri bang bang za: tid kyoo" wa. Nyang: gi shid: lo" lho: nyang: ri myhoeb shoung: pyam abye: go- nya: da" loeb gi akhid" nyid ju" sho' hid: ngoonu" da" shid' khoin" moo jo, jo.

1 KHOKHAM 2:10

David shid: bye: yoomo David da" voogung moo: myhoeb too" bye:.

ACTS 13:22

Hau: thang: ri Mangsoo gi Sholu ri khyo, pyam' lho: David ri nyangnu" da" khokham" doem koid nhang: bye- Mangsoo gi David yo' sen: lho: wigi Yese nya: zoo: David gi Ngoo vhoo: su- Ngoo zei: nhang: da" moozoo" dangain" ziri zei: wa nghoid ziri ngoo myang bye- ga: tid.

2 SAMUELA 7:12

Nang shid: byug lang" re" phoug" phyid" yo' dage" myhoeb wigi re" yuggi zoo: dayug yug ri khokham koid nhang: lho: nya: mungdain: ri ngoo geing: teing nhang: wa zi nghoid.

1 KHOKHAM MHOOMYID: 18:14

David gi Israela damung" goin" ri vhoeb wigi byumyu" yiri khanham we' tarha" nyeing veing ziyo' geing: geing: teing teing vhoeb nyid khyoo: ri si' nhang: da:.

1Korinthians 15:18

Hau: tho' moo: goo tu- Khristu ri loem" jeung" lho: shid: lo" byug bye: bang: we'- soem" byug zi shau" boem bye.

1Korinthians 15:6

Hau: thang: ri dalheung: dam'- nyang: thang: moo: cang yu" bye: da"- mang: nhung" yi 500 yug bang: jang" moo: dalheing: dam' dam' thu' myhang shug bye. Nyang: nau" mo, myoo: loo boug gi akhid" kangso dei nyid ashi" go, dayham" bang: koem gi yhoeb, pyo: lo' byoug boem bye.

YOHAN 11:39

Aseing Yesu gi lugloem: ri tu: shed pyam ge" ga: amyeing" byid. Shid: loo" su: nya: bi: Martha gi Aseing: we" akhid" gi boeb' nham nyid wam: bye. Nyang: shid: thang: ri myid: nyid" myang" bye: ga: tid.

COUNG" NGHEI 49:14

Nyangnu" gi yang joem yhang: ti" shid: loo" wa bang: za: danghoid. Shid: zoug: gi nyangnu" ri zung" da- yang zung" su: nghoid wa. Nyangnu" da" gung du: gi nyangnu" da" yhoem: yoo yo' ve: da moo: vo moug: moo myab myab boeb loo" wa zi nghoid.

YOBA 21:26

Nghoid loug we' dangain" gi shid: lo" wigi myhoeb pyam zi shau" da:. Nyangnu" dangain" bang: ri lugdung: joem wigi boem" pyam da:.

YOBA 17:14

Ngoo gi loeb duang: ri nga" phoo ein: myheing wa. Houg: lho: ngoo ri zo pyam da" lugdung: joem ri nga" myhi' yo' nga" nhammoo" ein: myheing wa.

2 KHOKHAM MHOOMYID: 26:23

Uzia gi shid: lo" wigi khokham loeb boug moo myhoeb pyam ago". Nghoid loug we' nya: noophyoo" yoomo nyang: ri khokham loeb joem moo amyhoeb nghoid ago". Nya: yuggi zoo: Yotham gi nya: khoo: moo khokham xo' koid da:.

2 KHOKHAM MHOOMYID: 21:1

Yehoshaphad shid: wigi David voomoo" mo khokham loeb yoo mo myhoeb pyam ago". Nya: yuggi zoo: Yehoram gi nya: khoo: moo khokham xo' koid da:.

2 KHOKHAM MHOOMYID: 12:16

Rehoboam gi shid: lo" wigi David voomoo" khokham loeb boug moo myhoeb pyam ago". Nya: yuggi zoo: Abiya gi nya: khoo: moo: khokham xo' koid da:.

2 KHOKHAM MHOOMYID: 9:31

Nyang: shid lo" byug wigi David da" voomoo" moo myhoeb pyam ago". Houg: lho: nya: yuggi zoo: Rehoboam gi nya: khoo: moo khokham xo' koid da:.

1 KHOKHAM MHOOMYID: 17:11

Nang shid: lo" wigi re" phoug" phyid" yi yo' dage" myhoeb shoung: pyam lang" re" yuggi zoo: yi mo dayug ri ngoo khokham koid nhang: lho: nya: mungdain: ri yoem: bo jo, nhang: wa.

APOEM AYANG: 3:19

Nang gi bid kyu" thu sho' moo" zei: yoem: kaid lho: nang ri phain" so: to" da" myidzhoo" khyoo: doem tau" lo" da" ayo, ju" sho' myidzhoo" moo moo" zei: lho: dashoug" zoo: wa. Nang gi myidzhoo" mo phain" so: to" yoomo nang gi myidzhoo" doem bui" wa nghoid» ga: tid.

1THESALONI 4:13

Ngoonu" da" mang nhung" yi we' nheig byu jang: ayoo" lo: da" byu gooji yi yhang: ti"- nanu" koug shu: zi ashug" goo" baja" nyhang" gi shid: loo" bang: yo' sen: lho: wigi hau: deingmain" da" khyoo: nanu" ri se' gyoo: nhang: nau.

ACTS 20:27

Khasu" wim gari ngoo gi Mangsoo: myed young to" Khyoo: dangain" ziri ci" we' ateung too" looza: nanu" ri tid fu" kyoo" byid: bye.

ACTS 7:60

Nyang: gi poid' thug thoung lho: Aseing: we" - nyangnu" da" yooboo ri axoem" too" byid: o" ga: nyho: kaid' - he: dang: bain tid lang" Stephain gi kang: gyo" loo" bye.

1 KHOKHAM MHOOMYID: 11:2

Lai lo da" ayo,- Sholu gi ngoonu" da" khokham koid nyid uri lang" nang gi Israela byu yiri gyi khaid pui" shu" vhu" she: loo bye:. Nya: byumyu" yiri nang shu" vhu" she: wigi nyangnu" ri vhoebkhang" su: bue" loo wa ga: re" Aseing Mangsoo gi nang ri dangsoo" byid: too" bye:» ga: tid ago".

1 KHOKHAM MHOOMYID: 29:28

Nyang: gi apyaid gyi:- yoo" zoo: yoo" shug wigi phau" myang: shau" kham thang: ri shid: lo" da:. Hau: thang: nya: zoo: Sholumon gi nya: khoo: moo: khokham xo' koid da:.

ACTS 8:1

Sholu gi stephain ri said' wa zi myid bo veing" su: nghoid. Hau: bidnyid moo Yerusalem voomoo" moo nyid da- loem" jeung" phung byu yi gi dayam, dayoo: shen" yhen zi gyisho' shau" nyid boem bye. Lagyoo: yi mo we' je" wigi loem" jeing" mo, dangain" gi Yuda mung" yo' Samari mung" gyoo: khyoo: goem: sho' phang: byo, sain" lo" boem abye: go.

MATHE 25:16

Sheing: kyab wim: khyeing" yoo" su: we' dalheing: dam- phaga: yhe: cang koid: lho: amyaid sheing: kyab wim: khyeing" yo" yu too" bye.