ACTS 13:22 - Lacid Common Language Bible

²² Hau: thang: ri Mangsoo gi Sholu ri khyo, pyam' lho: David ri nyangnu" da" khokham" doem koid nhang: bye- Mangsoo gi David yo' sen: lho: wigi Yese nya: zoo: David gi Ngoo vhoo: su- Ngoo zei: nhang: da" moozoo" dangain" ziri zei: wa nghoid ziri ngoo myang bye- ga: tid.

ACTS 13:22 Referans Kwoze

1 KHOKHAM 15:5

Aseing gi he: moo" zoo" ri koid bye:- ciwim gari David gi Hiti byumyu" Uria khyoo: mo lid gootu: Aseing vho: ngei khyoo: ri koid ziyo' nya: amyeing" dang: ri khanham we' atam" gyoo: akoid nghoid da:.

1 SAMUELA 16:13

Samuela gi zhainloin: xu: ri yu wigi nya: mang: bang: shidkhoin" moo David ri mainkaid xu: foid shoin" byid: bye:. Dalheing dam Aseing da" Venyi: gi David ri vhoeb khang" wigi hau: nyid" mo nyang: yo' dage" nghoid nyid. Hau: thang: ri Samuela gi Rama khyoo: doem loo" khari" bye:.

1 SAMUELA 16:1

Aseing gi Samuela ri «Sholu shid re" nang khamyhang ju" sho' nang nheig kug nyid shi" wa la". Nyang: ri ngoo Israela khokham aya: mo khyo' pyam bye: zi nghoid. Nghoid loug we' zhainloin: xu: dajhi' ri ci: wigi Yese ga: su: nyid da" Bedlehem voogung khyoo: yhe: yu" we' ciwim gari nya: yuggi zoo: yi mo dayug ri khokham koid wa shid re" ngoo khyen: too" bye: zi nghoid» ga: tid bye:.

1 SAMUELA 15:28

Samuela gi nyang: ri «Akhanyid" Aseing gi Israela mung" ri re" jang" mo lang: ceig yu wigi re" tho' je ge da" byu dayug ri byid: pyam bye: zi nghoid.

1 SAMUELA 15:26

Samuela gi nang yo' dage" ngoo doem tau" loo" wa zi anghoid. Aseing da" amyeing" dang: ri nang atam" gyoo: yoomo nang ri Israela byumyu" yi da" khokham aya: mo nyang: khyo' pyam zi nghoid» ga: doem phug tid.

ACTS 7:46

David khokham" gi Mangso shid khoin" moo myonhoo: yo" wigi Yaku da" Mangsoo nyid nyid wa shid re" joyoo koid wa shid mo akhang" mho' nyid,

1 KHOKHAM 15:3

Nyang: gi nya: phoo yo' dayhang: ti" za: yooboo koid ziyo' nya: phoug" ki" David yhang: ti" nya: Aseing Mangsoo ri bain sho' dang: zung" nyid zi anghoid.

2 SAMUELA 7:8

«Hougsu" nghoid yoomo Myhang: thang da" ngoo Aseing nyang: ri tid da" dang: nga" dei zoo: David ri tid we'. Khyam: cang nang yang zung" nyid jang" mo ngoo nang ri khe: yu wigi Israela byumyu" yiri vhoebkhang" wa da" zoug: aya: nang ri byid: too" bye:.

2 SAMUELA 2:4

Hau: thang: Yuda byumyu" yi Hebron khyoo: re" wigi David ri nammain" xu: joid byid: lho: Yuda khokham aya: too' byid: ago". Gilead mung" mo Yabesha byu yi Sholu ri myhoeb pyam bye: ga: ziri David shoug" gyoo: lang"

1 SAMUELA 15:23

Aseing ri thougtheung gyi koid zigi se' fa" bang: yhang: ti"- agi nghoid da:. Khuang da" myid gi yu phara" soolhoo: ri no' da" thung" yhang: ti" yooboo yo" nyid zi nghoid. Aseing da" amyeing" dang: ri atam" gyoo: yoomo nang ri we' khokham aya: mo nyang: khyo' pyam bye: zi nghoid» ga: tid.

ACTS 15:8

Byu yug khang" mo" da" ung: khoug: nheigloem: ri se' da" Mangsoo gi ngoonu" ri gyeungshang: da" Venyi byid: bye: ziyo' dakhyoo" ti" tungbau byumyu" yi ri we' - gyeungshang: Venyi byid: bye: ziyo' dakhyoo" ti" nyangnu" ri we' vho: nghei nyid bye: da" khyoo: ri toin" shid' too" bye.

HOSEA 3:5

Nghoid loug we' Israela byumyu" yigi nyangnu" da" Aseing Mangsoo yo' nyangnu" da" khokham David da" amyed ashen" yi jhang khyoo:- doem lheing: tau" lo da" ayo, ju" loo goo" wa. Hau: thang: nyangnu" gi Aseing ri gyoug phoug" wigi nya: da" jhungshug gi joem ri shoug" kham yu loo wa.

YEREMIA 33:26

Ngoo tid su" gyeing" nyang: koid bye: ziyo' dayhang: ti"- Yaku da" amyed ashen yi yo' nga" dei zoo: David yo' koid to" da" nga" dang: theing ri ngoo zoem: ci: wa. Abraham- Isag- Yaku bang: da" amyed ashen yiri vhoeb wa shid re" David da" amyed ashen yi' mo dayug ri ngoo khyen: yu wa. Nga" byumyu" yiri ngoo nheig khyeug shoo" myen: wigi nyangnu" ri doem nyid ge yab gi nhang: wa.

COUNG" NGHEI 2:6

Nyang: gi «nga" gyeung" shang: Ziun boem tho moo nga" khokham phoo ri myonhoo: ngilang: ngoo ab byid: bye:› ga: tid» ga: tid nyid.

1 KHOKHAM MHOOMYID: 10:13

Sholu gi Aseing ri jhug azug yoomo shid: loo" bye:. Nyang: gi Aseing da" amyeing" dang: ri atam" gyoo: nghoid da:. Nyang: gi Aseing yo' sham: goo" wa gungthid- shid: bye: bang: da" soobyoo yo' sham: go" wigi khyoo: shed yu wa khyoo: shoo: wa soin' bye:.

2 SAMUELA 7:15

Nang khokham bui" sho' Sholu da" lo, mo ngoo khyoid yu yhang: ti" nya: thang: bo dab da" khyoo: ri ngoo theing: pyam wa zi anghoid.

1 SAMUELA 31:6

He: zigi Sholu we' nya: zoo: yi we' yuggi zoo: we' shid: lo" khyoo: nghoid. Sholu da" byu dangain" we' hau: nyid" ri zheing: shid: byug bye:.

1 SAMUELA 15:11

«Ngoo Sholu ri khokham koid nhang: zi gye" nheig koug bye:. Nyang: gi nga" jang" mo nung phug lo" wigi nga" amyeing" ri we' atam" gyoo: nghoid da» ga: tid. Samuela gi nheigloem: yoin wigi damyen goin" Aseing jang" moo mho' yoid nyid da:.

1 SAMUELA 12:25

Nghoid loug we' nanu" gi yooboo daxo' koid nyid boem nghoid rigi nanu" we' nanu" da" khokham phoo we' doem: lo" byug zi shoug" boem wa nghoid» ga: tid.

EZEKIEL 34:23

Nyangnu" da" dayug kyeing" da" yang zung" su: bui" wa shid re" nga" dei zoo: David yo' du da" khokham dayug ngoo nyangnu" ri byid: wa. Houg: lho: nyang: gi nyangnu" ri yu" goin coung: loo wa.

YEREMIA 33:21

Houg yo' dayhang: ti" ngoo gi khanham we' amyed ashen dayug khokham bui" wa ein: da" khyoo: ri nga" dei zoo: David yo' dang: theing koid too" bye:. Houg: lho: nyangnu" ngoo ri khanham we' dei byid: wa ein: ziri Levi kung: mo khainjung yi yo' ngoo dang: theing koid too" bye:. Hau: dang: theing joem gi khanham we' age byo, yoin" wa.

1 SAMUELA 28:16

Samuela gi «Aseing nang ri she: pyam lho: re" gyivoo nyang: bui" bye: ri ciwim yoomo ngoo ri khe: nyid lha".

ACTS 13:36

David gi nyang: dei nyid da" bidnyid gu: moo Mangsoo myed soin' to" moozoo" joem ri zei: so' lho: shid: loo" bye. Nyang: gi nya: phoug" phyid" yi loeb, nam, moo myhoeb, shug: pyam' zi shau" lho: nya: manggung gi loeb, khoug: moo boeb, yoem: lo" byug bye.

1 KHOKHAM MHOOMYID: 2:12

Obed yo' Yese bang: nghoid ago".