ACTS 13:12 - Lacid Common Language Bible

¹² Mung" zoug: phoo gi houg: su" bue" ziri myang lang" gi Yesu ri loem" jeung" loo bye. khasu" wim gari Aseung: khyoo: yo' sen: lho: jhoug" byid: khyoo: ri nyang: gi xoo" sho' mau" nyid bye.

ACTS 13:12 Referans Kwoze

ACTS 13:7

Nyang: gi hau: gu gyoo: kang: mung" mo zoug: phoo- Segi Polu ga: su: da" byen, cang" phoo nghoid. Mung" zoug: phoo gi nheigloem: soozoo: lheing: su: nghoid. Houg: yoomo zoug: phoo gi Mangso mungdang: ri tam" gyoo: noug yoomo Barnaba yo' Sholu eig yug ri nya: shid khoin" khyoo: khe: fang yu.

LUKA 4:22

Byu dangain" mo, gi Yesu ri coung" byid: dang: tid go" nyid boem. Yesu da" nhoid mo thu' da" dang: yi ri gyo: mau" boem lho: He: yug gi Yoseb da nya: zoo: anghoid la"» ga: myid: go" nyid boem.

ACTS 28:7

Houg: mo wigi athei" ve: da" joyoo moo hau: gugyoo: kang: mo da" agyi phoo bobli ga: su: seung: ci: da" moug: myed jo, da. Hau" agyi phoo gi ngoonu" ri nyeing" za: being" lhoem: tau, yu lho: soem" nyid" nyang: being" did" byid: bye.

ACTS 19:7

Nyang: nu" gi daxe: eig yug koo: nghoid boem ago".

ACTS 15:35

Polu yo' Barnaba eig yug gi Antioki voogung moo dayo, zoo: zheung: theung: nyid lho: Mangso mungdang: ri gooji bang: yo' dage" jhoug" byid: nyid ago".

ACTS 13:49

Mangso mungdang: gi hau: damung" goin" jang" moo fu" nheung lo" boem bye.

ACTS 6:10

Nghoid loug we' gyeungshang: Venyi gi Stephain ri phajhi" zeing byid: too" yoomo Stephain tid kaid' da" dang: ri nyangnu" ayo" phoug tu" nghoid ago".

YOHAN 7:46

Zung" lhug da" pyada: yi gi He: yug kho" kyo" yhangti"- hang" dayug we' akho" kyo" yu" ga: lo tid boem.

LUKA 7:16

Nyang: nu" dangain" mo, gi gyoug phau" lho: Mang" soo: ri caung" boem ngoonu" moo lapi: zeung dayug thu' loo: bye" ga: Mangsoo gi nya: da" byu phung: ri khyoid yu wa ju" ri" bye ga: tid boem.

MATHE 27:54

Dab vhoib zoug: phoo yo" dage" Yesu ri zung" nyid mo, gyizoo: yi gi myid leig leig zi we bue" lo khyoo: aja: ja: ri myang lang" gi gye" gyoug dain boem ziyo' «he: yug gi gyeing" gyeing" nyang: Mangso da" nya: zoo: nghoid» ga: tid boem

ACTS 8:25

Nya: eig yug gi Yesu da" khyoo: yo' sen: lho: sag si: kham, kyo" wigi Yesu da" mungdang: ri bain kho" kyoo" lang" Petru yo' Yohan gi Yerusalem voomoo" khyoo: doem, tau" lo" ago". Nya: eig yug doem tau" lo" da" khyoo: moo jo, da- Samari voogung joem myoo" sho' moo ngeibu: ludang: gi, ri cang kho" kyo" lo" ago".

ACTS 13:8

Nghoid loug we' Grid" myeing" khyo" - Eluma ga: da" goem, phain" phoo gi Yesu khyoo: ri mung" zoug: phoo alhoem: vhoo: wa shid re" Barnaba yo' sholu eig yug ri lhoem: ngeug toem, pyam.

ACTS 13:48

Tungbau byumyu" yi gi he: da" dang: ri shau" gyo: boem lang" gyo: ngei boem ziyo' Mangso mungdang: ri coung" nghei ago". Apyaid' atoo: mo, da" kangso' ri yo" yu wa shid re" khyen: yu zi shau" bye: mo, gu: gi Yesu ri Loem" jeung" lo boem bye.

ACTS 15:36

Dayo, zoo: kyo: lo" thang: ri Polu gi Barnaba ri Mangso mungdang: ri ngoonu" kho" kyoo" ca" shi" joyoo khyoo: mang: nhung" yi khasu" koid nyid boem ziri yhe: cang koem" yu" wa shid re" nga" eig yug nyangnu" jhang khyoo: doem tau" loo" shang - ga: tid go.

ACTS 18:12

Nghoid loug we' Galio ga: su: gi Akhaia mung" zoug: bue" loo lang" Yuda byumyu" yi gi zeung: foem: lo lho: Polu ri myheug yu wigi tarha" yung" khyoo: shu" yhe: lo" ago".

ACTS 19:10

Hidsu" eig zain' loem: loem: koid lho: wigi Asia mung" moo zheung: nyid da- Yuda byumyu" yi yo' Tungbau byumyu": yi dangain" mo, gi Aseing: da" mungdang: ri zheung: shau" gyo: boem ago".

ACTS 19:20

Hid: yhang: ti" yoem: moo" bo khyo" Aseing: da" mungdang: gi byo sain lo" wigi yoem: so' yo' gyi: sheung: lo nyid.

ACTS 19:38

Demetri yo' nya: lo, moo" zei: mo, gi dayug yug ri yooboo foin: nau, nghoid rigi tarha" yung" phang to" ziyo' - amyeing" ci: bang: we' nyid nyid ago- tarha" yung" moo yooboo ri ge, tid da.