ACTS 12:17 - Lacid Common Language Bible

¹⁷ Petru gi nyangnu" ri sam" zoo: nyid boem wa shid re" - lo. tu, tu, wigi Aseing: gi nyang: ri thung: khoug: mo khasu" shu" thu' lo da" khyoo: nyangnu" ri tid kyo. Houg: lang" Petru gi he: khyoo: ri Yaku yo' loem" jeing" bang: gooji yi ri we' - tid kyoo" ge" - ga: tid lho: houg: mo, wigi goo" khyoo: so" lo.

ACTS 12:17 Referans Kwoze

ACTS 21:40

Gyizoug: moo" gi nyang: ri akhang" byid: - hougsu" wi Polu gi zoem" lhang: phyoo" moo yab, jo, lho: mung" byu yi ri sam: zoo: nyid goo" wa shid' re- lo, tu, tu, nyid da- mung" byu yi tam" loo" lang" Polu gi nyangnu" ri Hebre myeing" khyo" wi, tid zi gi

ACTS 19:33

Yuda byu yi gi Alexandru mung" byu yi da" shid' vhu" khyoo: yhi: nhang: kaid' yoomo mung" byu yi dayham" gi Alexandru we'-mo, thei" mo, yug lu: fu: go" lo da" khyoo: yo' sen: wigi nghoid wa"- ga: jho: ago". Houg: lang" Alexandru gi mung" byu yi ri sam" zoo: nyid boem wa shid re-lo, tu, tu, lho: nyang: ashoid da" khyoo: ri tid yed: yu wa shid mo, yoem: kaid' nyid.

ACTS 13:16

Houg: lang" Polu gi to yab, lo, tu, lho: tid zigi Israela byumyu" yi we' hid: moo nyid da" Mangsoo ri coung" nghei tungbau byumyu" yi we' tam" gyo: yu" ge'.

ACTS 21:18

Hau: thang: nyid" ri Polu gi ngoonu" yo' dage" Yaku ri yhe: shau- phung ludaid' yi dangain" bang: we' houg: moo nyid ago".

ACTS 15:13

Nyang: nu" bain tid thang: ri Yaku we' Nga" mang: nhung" yi we" - Nga" dang: ri we' tam" gyo: yu" ge'.

GALATI 2:12

Yaku nhang: kaid da" byu yi houg: moo aju" ri" shi" da" shid' moo Petru gi tungbau mang nhung" yi yo' dage" voem: shoin" zo: nyid ago- nghoid loug houg: nhang: kaid da" byu yi ju" re" da" uri athang: yham" bye: bang: ri gyoug yoomo tungbau byumyu" yi yo' voem: shoin" zo: nyid jang" mo yho' thu lo.

GALATI 2:9

Hougsu" ngoori byid: too" bye: da" jeju" ri zheung: myang da" uri phoung: da" zeing bung: te" vhu" jhung: zheung: nghoid nyid da- Yaku, Petru yo' Yohan gi Mangsoo ngoori byid: to" da" kooki" lid' da" yoovoin ri-lazoem" asoo" so" too" byid: boem bye- Hougsu" nghoid yoomo ngoonu" dangain" bang: gi moo" voin, luxoem" cang" yi nghoid da" khyoo: alhoo: ri thoin" shug khyoo" wigi nyangnu" gi Barnaba yo' ngoori lo, yo lo, khyo" lo, zei: zei: yu boem bye- Ngoonu" gi tungbau byumyu" yi jang" moo moo" voin wigi nyangnu" rigi Yuda byumyu" yi jang" moo moo" voin wa shid re" myid veung" to" boem bye.

GALATI 1:19

Hau: Aseing: da" nya: nhung" Yaku mo lid wigi gootu: lagyoo: yi ri ngoo amyang.

1Korinthians 15:7

Hau: thang: ri Yaku, jang" moo- hau: thang: ri lagyoo: yi dangain" bang: jang" moo- nyang: thu' shug bye.

YOHAN 11:54

Houg: su" yoomo Yesu gi Yuda mung" moo bang bang aso" yen" shug loo:- hau: joyoo mo thu' lo" lho: Ephrim ga: da" dain" pyoid yoo moo nya: byen cang" yi yo" dage" lo" nyid.

YOHAN 8:59

Houg: lang" nyangnu" gi Yesu ri du" wa ga: luggo, joem: ri koid: zei: ci: boem. Nghoidloug we' Yesu gi no ku" yhoem moo" khoug: mo gau" lheing thu' lo" byug.

MATHE 10:23

Davoo moo nanu" ri pyi: sho: loo lang" gi goo" voo khyoo phang: loo" ge'. Israela amyu" yi da" voogung joem moo nanu" moo" abain zei: shi" ri hau: byu da" nya: zoo: gi ju" gyoo" loo wam: bye.

YAKU 1:1

Phoo Mangsoo yo' Aseing Yesu Khristu da" dei zoo: nghoid nyid ngoo Yaku gi moug: gyab, goin" jang" moo byo sain" jo, da" Mangso byu yi jhang khyoo: jheddab dang: sang: kaid.

ACTS 16:40

Polu yo' Sila eig yug gi thung: yhoem: mo thu' lo" lho: ludi da" yhoem: khyoo: zheung: yhe: lo" ago". Houg: moo loem" jeing" bang: yo' zheung: shau" go" wigi nyangnu" ri yoem: byid: dang: ri bain tid lang" nya: eig yug gi hau: voogung mo doem thu' lo" ago".

YOHAN 13:24

Simun Petru gi hau: yug jhang yhe: lho: «kha: yug ri yeung lho: tid nau la' myid: yu" we'» ga tid.

YOHAN 10:40

Yesu gi Yodan gyung: thei: tab' moo goonham, Yohan Babtisma kham: byid: joyoo khyoo: doem yhe: lho: hau: khyi moo nyid nyid.

YOHAN 7:1

Hau: thang: ri Aseing Yesu gi Galile mung" moo daso' so" koem" lheing: yen. Yuda zoug: myeing" ci: mo, gi Yesu ri said pyam wa ga: soin' go" nyid yoomo Yesu gi Yuda mung" moo aso" koem" yen" noug.

LUKA 1:22

Zakhari gi No ku" yhoem: moo" khoug: mo thu' lo da" uri dang: ayo" tid loo: yoomo Mangso yhoem: moo" khoug: moo yoeb myang" thui: gyoo: kho" da" khyoo: ri nyangnu" shau" boin: lo boem. Zakhari gi myeing" dau' byug yoomo lo, tu kyeing" te: tu lho: za: danyid lo.

COUNG" NGHEI 146:7

Nyang: gi doin: zeug zi shau" nyid mo, da" shid re" dang: phyed byid: lho: zooyoid su: ri zoo: noem byid: nyid. Aseing gi thung: lung" bang: ri loid byoin lo nhang: lho:

COUNG" NGHEI 66:16

Mangsoo ri gyoug phoug" mo, dangain" bang: we' re" tam" gyo: yu" we'. Nyang: nga" shid re" koid shug bye: da" moo" zoo" joem nang ri ngoo tid kyoo" wa.

MARKU 6:3

Nyang: gi Mari da" nya: zoo:- Yaku Yoseb Yuda yo' Simn da" nya: mang:- Lagsama phoo anghoid la". nya nham mo we' hid: moo nyhang" yo" dage" nyid mo, anghoid goo" la"» ga: nyangnu" nyang ri ngeug he: boem.

ACTS 1:15

Hau: thang: atoung" myang" ri loem" mo, dasho: eig xi: yug koo- zeung: foem: phoung nyid boem ago, Houg: lang" Petru gi to' yab, lho: wigi

ACTS 12:16

Petru gi atheing: loo: khoem" ri dako' nyid lo" thang moo nyangnu" gi khoem" yhe: phang kaid' wigi nyangnu" gi Petru ri myang lang" mau" hang" to" ago".

ACTS 12:18

Nab, kyoo myo, myang loo lang" thung: yhoem: zung" da" goem, loem, gyizoo: yi gi Petru khakhyoo: lo" byug bye: lha"» ga: mothei" mo, yug bue" nyid boem bye.

ACTS 28:15

Roma voomoo" mo loem" jeing" bang: gi ngoonu" da" khyoo: ri shau" gyo: boem lang" gi Api: ga: da" kid" vang" joyoo ju" sho' we' being" do, yhoem: soem" loem: ga: da" joyoo ju" sho' we' - zheung: ju" re" boem wigi ngoonu" ri tau, yu ago, Polu gi nyangnu" ri myang lang" - nyangnu" gi Mangso jeju" ri coung" nghei boem lho: nheigloem: yoem: gyi" sho' yo" lo boem bye.