ACTS 12:15 - Lacid Common Language Bible

¹⁵ Yhoem: khoug: moo nyid mo, gi nang gi foin" abye:- ga: nyang: ri zheung: tid boem. Nghoid loug we' nyang: gi deing" deing nyang: nghoid- ga: zhug zhug da tid nyid. Houg: su" nyangnu" tid zigi hau: zigi Petru ri zung" lhug da" moug: lagyoo: danghoid wa ga: tid ago".

ACTS 12:15 Referans Kwoze

MATHE 18:10

«Nanu" gi ngi, su: khayug ri we' Byu ngi yoo ayu" wa shid re" lhid nyid ge'. Nanu" ri ngoo tid da" zigi hau: zooshang: me" da" moug: lagyoo: yi gi Mougkhung: Aseing nga" pho da" myonhoo: ri khanham we' dayu" nyid boem ago".

ACTS 26:24

Polu gi hid: su" nya: gung ri tid ve, yu nyid uri Phestu gi Polu we" «Nang ko" abye:. Nang gi phajhi" sung jhau" ci: wigi ko" lo" byug bye: nhung:» ga: nyho: tid kaid.

LUKA 24:11

Nyangnu" lo" tid kyo" da" dang: joem gi lagyoo: yi shid' re" dang: kang aboo yoomo lagyoo: yi gi agyo: loem" boem.

MARKU 16:14

Hau: thang: ri Yesu gi-cangzoo: daxe: dayug kyeing" voem: zo: nyid boem uri nya: gung ri nyid shug. Yesu gi nyang: shid: jang" mo doem dei to'' lo thang: ri nyang: ri shau" myang mo, dang: ri cangzoo: yi aloem boem yoomo-nyangnu" loem jeung" myid abo ziyo' nheugloem: thain: nyid khyoo: ri gyikoid.

MARKU 16:11

Nghoidloug we' nyangnu" gi Yesu dei nyid ziri Mari gi Yesu ri myang bye: ga: zi nyangnu" shau" gyo ri aloem" boem nghoid ago".

YOBA 9:16

Hougsu" nghoid loug we' nyang: wigi ngoo ri dang: tid nhang: nghoid ri Nyang: ngoo ri tam" gyoo: byid: ri" wa ein: atho' se' myid loem.

APOEM AYANG: 48:16

«Ngoo ri dam dab zu: azang" sho' khyoid khyu: lo da" moug: lagyoo: gi nyangnu" ri mainkaid byid: baja". Nga" myeing khyang" yo' nga" phoug" phyid" Abraham yo' Isag da" myeing khyang" gi he: zooshang: tang: khyo" xo' geing: jo, baja". Nyangnu" gi zooshang: myoo: sho' amyed ashen myoo: sho' yo" loo goo" baja"» ga: mainkaid byid:.

LUKA 22:59

Hau: thang: ri da nayi koo: myang" lang" Byu gootu: dayug gi He: yug gi galile mung" byu nghoid lho: Yesu da" byen cang" phoo nghoid zi ci: loem" shoid cang aboo ga: tid.Khasu" wim gari nyang we' Galile byu dayug nghoid nghoid loug we' Peteru gi byu nang we"- nang cenoem tid ziri ngoo ase' gyoo:- ga: doem ngeig pyam.

ACTS 12:16

Petru gi atheing: loo: khoem" ri dako' nyid lo" thang moo nyangnu" gi khoem" yhe: phang kaid' wigi nyangnu" gi Petru ri myang lang" mau" hang" to" ago".