ACTS 11:29 - Lacid Common Language Bible

²⁹ Cangzoo: yi gi nyangnu" yo" ge, bue" yhi'- Yuda mung" moo nyid da- nyangnu" da" loem" jeung" mang: nhung" yi ri bo pang" thoug wa da" Alu: foin: kaid' byid: wa shid mo myed phyed' to" boem bye.

ACTS 11:29 Referans Kwoze

GALATI 2:10

Nyang: nu" gi ngoonu" ri asho" ajhen: bang: da" khyoo: moo pang" thoug yu wa da" khyoo: ri ato" myhid' wa khyoo: dakhaid za: pyeung: kaid boem- he: da" khyoo: gi ngoo gye" myid to' ziyo' voin, vu, nau da" moozoo" nyang: nghoid nyid bye.

1Korinthians 13:5

Jheddab nheigloem: gi se' phoug" se' myang:- nya: akyu" ashoo- nheig yoo: ung: jhen: khyoo: aboo- jheddab da" nheigloem: gi sube' da" yooboo ri axoem" too.

ACTS 11:26

Nyang: gi Sholu ri yhe: shau" myang lang" Antioki voogung khyoo shu" lo" wigi nya: eig yug gi da zain, goin" houg: moo phung: byu yi yo' zoem" khau: nyid lho-byu myoo" sho' ri yo" jhoug" byid: ago". Hougsu" loem" jeing" mo, ri khristan yi ga- xang: shed" myheung shid" byid: zigi-Antioki voogung moo nghoid.

ACTS 11:1

Tungbau byumyu" yi we' Mangso mungdang: ri kham: yu boem bye. ga: da" khyoo: ri lagyoo: yi yo' Yuda meing: goin" jang" moo nyid da" loem" jeing" mo, gi shau" gyo: lo" boem bye.

ACTS 4:34

Nyang: nu" da" phung moo ca" yo khyoo: ga: zi gi ci" we' aboo loo: nghoid ago, khasu" wim gari yoothung" yoogu, yoo" bang- yhoem: yoo, yooboin: yoo" bang: gi dangain" oung" pyam' lho: yo" ngei joem ri lagyoo: yi da" lo, khoug: moo re" ab, byed boem.

NEHEMIA 5:8

«Ngoonu" gi nyangnu" nya: gung ri tungbau yi jhang oung" pyam ca" wigi oung" pyam bye: da" ngoonu" Yuda mang: nhung" yiri ngoonu" ge bue" da" yhi' doem tau" qei yu bye:. Akhid" nanu" gi nanu" nya: mang: nhung" yiri nyangnu" nya: bidnoem seing" cang" Yuda byu yi jhang nyangnu" nya: gung ri oung" zoo: ca" wa khyo" agyoo: atho' phain" nyid ago"» ein: tid bye:. Vhujhung: yigi sam: zoo: nyid nyid wigi ci: we' ayo" tid nghoid ago".

EZRA 2:69

Nyangnu" he: moo" moo nyangnu" ge bui" myhoo' byid: ago". Houg nghoid yoomo sheing: 283 joid: jain" ngei 1578 joid: jain" yo' khainjung yi shid mo byisheing: 100 khab' re" kaid byid: boem bye: ago".

YOHAN 2:2

Yesu yo' nya: cangzoo: yi ri we' hau: pui" moo khe: to.

ACTS 1:15

Hau: thang: atoung" myang" ri loem" mo, dasho: eig xi: yug koo- zeung: foem: phoung nyid boem ago, Houg: lang" Petru gi to' yab, lho: wigi

ACTS 6:1

Hau: thang: atoung" myang" ri cangzoo: yi: gi myo: loung: lo nyid wigi Grid" myeing" kaid da" Yuda byu yi yo' Yuda myeing" kaid' da" Yuda yi da" agyoo: moo myeing" myoo: goo" wa khyoo: thu' lo da. Khasu" wim gari Grid", myeing" kaid da" Yuda yi gi nyid" khang" moo" nyangnu" da" coung" moo" myhi, yi ri gam, byid: da" zookhoo: ngei ri ngab, sho' - agam byid: boem ga: tid nyid ago".

ACTS 9:19

Hau: thang: ri nyang: gi zoo: noem ri doem zo: lho: yoem: doem bo loo bye. Sholu gi Damasaku voogung mo loem" jeing" bang: yo' dayo, koo: nyid nyid da.

ACTS 9:25

Nghoid loug we' damyen rigi sholu da" cangzoo: yi gi nyang: ri shu" yu lho: gyoin khoug: moo zhung: nhang: wigi vang khyam: yam, bang: zo: khoem" khyo" wigi nyang: ri shoid' khyo' kaid' ago".

ACTS 13:52

Antioki Voogung moo nyid da" loem" jeing" bang: gi gye" ngeibu: boem ziyo' gyeungshang: da" Venyi yo' byeung" jo, ago".

ACTS 14:20

Nghoid loug we' - nya: da" ayam, aqei: mo da" loem" jeing" bang: gi nyang: ri re" lheung khoem, to" boem, Nyang: gi to' re" lho: voogung khoug: khyoo: doem, vang lo. Hau: thang: nyid" ri Polu yo' Barnaba eig yug gi Dabe voogung khyoo: yhe: lo" ago".

ACTS 14:22

Nya: eig yug gi loem" jeung" loo bang: ri yoem: byid: lho: loem" jeung" da" khyoo: moo- dain: dain: dayab, jo, boem wa shid re we' - nyangnu" ri tid poin" tid kyeing" byid: wigi Ngoonu" gi Mangso mungdain khyoo: vang loo" wa shid re" yau: khe" da" khyoo: myoo" sho' ri yo" lid phyed' loo" ca" - ga: kho" kyo" ago".

ACTS 24:17

Ngoo gi Yerusalem voomoo" mo thu' lo" thang: ri myang" sho' zain ri nga" byumyu" yi shid' mo, alu: ngei ri voin, yhi: wa shid' re yo' Mangsoo ri xoin" ngei" byid: wa shid re" hau: voogung khyoo: ju" loo" bye.

MATHE 25:17

Houg: yo' dakhyoo" ti"- sheing: kyab eig khyeing" yoo" su: we' amyaid sheing: kyab eig khyeing" shou" sho: too" bye.