ACTS 11:27 - Lacid Common Language Bible

²⁷ Hau: ayo, gyoo: moo lapi: yi dayham" bang: gi Yerusalem voomoo" mo zi Antioki voogung khyoo: do, yhe: lo" ago".

ACTS 11:27 Referans Kwoze

ACTS 13:1

Antioki voo, mo da" phung khoug: moo lapi: yi dayham" yo' sara: yi dayham" bang: bo ago". Houg: bang: gi Barnaba da" mang: no' ga: da- Simun- Kureni byu Luki- mung" zoug: phoo Herod yo' dage" nyid gyi: lo da- Mana en yo' sholu nghoid ago".

1Korinthians 12:28

Mangsoo gi hau: da" phung: moo- daloem: ein: jang" moo: Lagyoo: yi-eig loem" ein: joyoo moo gi Lapi: yi- soem" loem: joyoo moo: gi Sara yi hau: thang: ri alhoo: again toin" shid' mo hau: thang: moo: byu gooji ri yo" pang" yo" thoug khyoo: se' toin" shid' mo hau: thang: moo:-noo phyoo" joem ri se' gai gi byid: da" yoem: boo bang- mung main: dang: se' tid da" ludaid' yi yo' gooki" lid' da" dang: aja: ja: se' tid mo, ri we'- nya: joyoo moo: nyid nhang: bye.

Ephesu 4:11

Nyang: gi byu yi ri jeju" jhung: shug joem ri gam, byid: su: nyang: nghoid bye- nyang: gi dayham" bang: ri lagyoo- dayham" bang: rigi lapi- dayham" bang: rigi ngei bu: lu dang: gi, kho" kyo" yen" mo, dayham" rigi phung vhoeb yi yo' sara yi bui" wa shid mo zheung: nyheung too" bye.

ACTS 15:32

Yuda yo' Sila eig yug gi lapi: zheung: nghoid yoomo loem" jeing" bang: ri myang" sho' yoem: byid: da" mungdang: tid poin" tid kyeing" byid: nyid ago".

ACTS 2:17

Mangsoo hid: su" ga: tid- Ngoo gi lo" thang da" bidnyid ri byu yug khang" mo" da" atho' moo-nga" Venyi foid shoin" byid: wa nghoid- nyangnu" da" nya: zoomyi: nu" yi: yo' yug gi nu" yi gi Nga" mungdang: ri kho" kyo" lo boem wa zi nghoid. Nyangnu" da" zoolu: yi gi-yoeb myang gi ri myang goo" wa hau: lho: nyangnu" da" mang: zoo: yi gi-yhoeb, mo, myang goo" wa nghoid.

MATHE 23:34

Houg: su" nghoid yoomo nanu" ri ngoo tid nau da" zigi nanu" da" jhang khyoo lapi: yi phajhi" boo mo, Tarha" sara: yi ngoo nhang: kaid wa. Nanu" gi houg: bang: dayham" gi lhoem: said pyam lho: dayham" rigi pyang" zeing moo jen" lhang" to" boem wa. Dayham" ri gi tarha" jung khoug: moo baid lho: dayham" rigi davoo mo davoo khyoo cang khaid lo" boem wa.

1Korinthians 14:32

He: da" Mangso mungdang: kho" kyo" da" jeju" jhung: shug gi kho" kyoo" su: da" vhoeb khang" da" akhoug: moo: nghoid nyid ca.

ACTS 21:9

Philib, gi yhoem: ayoo" shi" da" myiyi: zoo: myed: yug yo" - nyangnu" gi Mangso mungdang: ri tid fu" nyid mo, nghoid ago".

ACTS 21:4

Ngoonu" gi voogung mo loem jeing" bang: dayham" ri lo" shau" myang go" lho: nyangnu" yo' labain daloem: lo" theung: nyid bye. Hau: loem" jeing" bang: gi gyeungshang: da" Venyi yoem: so' khyo" wigi Polu ri Yerusalem voomoo" khyoo: ayhi: wa shid mo tid ago".

LUKA 11:49

Houg: su" nghoid yoomo Mangsoo gi nya: nyan: phajhi" yo" tid zigi Byu yi moo Lapi: yi yo" lagyoo: yi moo ngoo nhang: kaid wa dayham" ri nyangnu" shen" yhen lho: dayham" rigi said pyam wa nghoid ga: tid.

ACTS 6:5

Loem khoug: bang: daphung goin" gi lagyoo: yi tid fang da" dang: khoin" ri gyo: ngei boem bye- houg: yoomo nyangnu" gi loem" jeung" da" nheigloem: gyi: ziyo' gyeungshang: Venyi byeung" da- Stephain ga: su- Philib, Prokuru- Nikanora- Timun- Parmena- yo' Nikola ri khyen: yu boem ago". Hau: Nikola ga:" su: gi Antioki Voogung mo, Yuda noku thung" khoug: mo wigi phung: vang lo da- tungbau byumyu" nghoid.

ACTS 11:20

Nghoid loug we' hau: loem" jeung" loo bang: mo Kupru yo' kureni mung" moo nyid mo, dayham" gi Antioki voogung khyoo: ju" lo" wigi tung: boug ri we' Aseing Yesu' da": ngei bu: ludang: ri yhe: kho" kyo" boem ago".

ACTS 11:22

He: ludang: ri Yerusalem voo mo phung byu yi shau" gyo: ri nyangnu" gi Barnaba ri Antioki voo khyoo: nhang: kaid' ago".

ACTS 14:26

Nya: eig yug gi hau: voogung mo lhid' zhoung: lho: Antioki voogung moo nya: eig yug zei: bain, ca" da" moozoo" ri bain zei: wa shid re" phung: byu yi gi Mangso da" lo, khoug: moo zheung: ab, byid: da- voogung khyoo: doem, ju" yhe: lo.

ACTS 15:22

Houg: Lang" lagyoo: yi yo' phung ludaid yi dangain" mo, gi sham: go" lho: nyangnu" mo byu dayham" ri khyen: yu wigi Polu eig yug Barnaba yo' dage- Antioki voogung khyoo: bo nhang: kaid' wa shid re" sham: go" to" boem ago". Hougsu" loem" jeing" bang: dangain" wigi phau" myang: da" Basaba ga: da" Yuda yo' Sila eig yug ri khyen: yu lho: nya: eig youg lo, khyo" mougsoug" dakhyab, lhid" foin: kaid' ago".

ACTS 15:30

Houg: lang" lagyoo: yi ri hougsu" zheung: nhang: kaid' lho: wigi loem" jeung" nyid mo, dangain" ri zheung: khe: zheung" yu lho: nyangnu" ri hau: lhid" foin: mougsoug" thoid' byid: ago".

ACTS 18:22

Polu gi Kesare voogung moo gu: ju" yhi: lang" Yerusalem voomoo" khyoo: yhe: lo" wigi phung: byu yi ri yhe: vhu" too" kho' lho: Antioki voogung khyoo: yhe: lo.

1Korinthians 12:10

Hau: Venyi wigi nyang- dayug rigi: mau" pho" alhoo: again yo" koid shug wa da" yoem: vhoo"- gootu: dayug rigi: lapi: wa da" akhang" gootu: dayug rigi- Venyi mo yo" yu da" yoem: vhoo" yo' Venyi khyo" anghoid da" jhung" shug joem ri se' yu" phoid: kho' se' da" yoem: so'- Gootu: dayug rigi:- myeing" aja" ja: se' kaid da" yoem: so' yo' gootu: dayug rigi: tid da" dang: khoin" mo dang: kang: joem ri se' phoid: kyo" da" yoem: vhoo" byid: to.

GALATI 2:11

Nghoid loug we' Antioki voogung khyoo: Petru ju" yhe: uri nyang: zei so nyid da" avoid asam" gishoid nyidda" khyoo: gi bang bang nyang: nghoid nyid yoomo ngoo ginyang: ri mung" byu yi da" shid' khoin" moo gyi koid.