ACTS 11:24 - Lacid Common Language Bible

²⁴ Barnaba gi byugi, nghoid ziyo' gyeungshang: nheigloem: yo' loem" jeung" da" nheigloem: byeung" su: nghoid wigi byu myoo" sho' mo, ri Aseing: jhang khyoo: yo" phoug lheung: loo nhang: su: nghoid.

ACTS 11:24 Referans Kwoze

ACTS 11:21

Aseing: da" yoem: gi nyangnu" yo' dage" nghoid yoomo byu myoo" sho' mo, loem" jeung" lho: Aseing: jhang khyoo: phug lo ago".

ACTS 5:14

Nghoid loug we' Mangsoo ri loem khau: da" yug gi myiyi: yi gi hau: phung: moo daje, loung: lo nyid boem.

ACTS 6:5

Loem khoug: bang: daphung goin" gi lagyoo: yi tid fang da" dang: khoin" ri gyo: ngei boem bye- houg: yoomo nyangnu" gi loem" jeung" da" nheigloem: gyi: ziyo' gyeungshang: Venyi byeung" da- Stephain ga: su- Philib, Prokuru- Nikanora- Timun- Parmena- yo' Nikola ri khyen: yu boem ago". Hau: Nikola ga:" su: gi Antioki Voogung mo, Yuda noku thung" khoug: mo wigi phung: vang lo da- tungbau byumyu" nghoid.

Roma 15:15

Nghoidloug we' he: mougsoug" moo moozoo" dayham" yo" lho: nanu" ri tid poin" da" khyoo: moo ngoo gi mougsoug" bang bang lhid" to" zi nghoid.

ACTS 9:31

Houg: yoomo yuda meing: - Galile meing: yo' Samari meing: goin" jang" mo, phung byu yi gi shen" yhen zi ashug" loo: dayo, daboin: zoo: shau" nyid boem ago". Phung byu yi gi Aseing Yesu ri gyoug phau" nyid boem ziyo' - kangso' dei lho: gyeungshang: da" Venyi wigi, pang" thoug byid: yoomo geung: teung lo wigi phung byu yi gi je" myo: tham: lo nyid boem bye.

ACTS 6:8

Stephain rigi agoin ago" da" mainkaid jeju" yo' yoem: vhoo" byeung" sho' byid: too" yoomo mung" byu yi da" shid khoin" moo mau" pho" da" alhoo: again joem yo' mau" pho" moozoo" gyi sho' koid shug byid: bye.

ACTS 6:3

Mang: nhung" yi we" hougsu" nghoid nyid yoomo gyeungshang: da" Venyi byeung" ziyo' phajhi" bo da" byu nyhed yug ri nanu" da" phung mo khyen: thu yu ge'. He: da" moozoo" ri Aseing: koid lho: zei: nyid wa shid re" ngoonu" gi nyangnu" ri nyheung too" ca" wa zi nghoid.

COUNG" NGHEI 112:5

Nyang: gi agoin agoo" jhid" byid: wigi nya: voem: doug: khu: moo" zoo" ri zei: so, lho: deing: byeung" nyid su: ngilho' nyid.

2 SAMUELA 18:27

Vang" zung" su: gi «Xang: shi" tang" loo su: gi Ahimaza yhang: ti" du» ga: tid. Khokham gi «Nyang: gi byugi nghoid- lu dang: gi ci: loo wa nghoid» ga: tid.

Roma 5:7

Deingmain" su dayug shid' re" voem" shid: kham byu nyid wa gye au:. Nghoidloug byu gi dayug shid' re" voem" shid: kham: wa su: gi gyeing" gyeing" nyid ri nyid wa.

ACTS 24:16

Hougsu" nghoid yoomo ngoo gi Mangso shid' khoin" moo we' - byu yi da" shid khoin" moo we' nheigloem: gyeing: gyeing: za: nghoid wa shid re" khanham we' ge bue" yhi' mo yoem: kaid' nyid su nghoid.

YOHAN 7:12

Byu phung: moo" yi gi Yesu yo" sen: lho: so' so' ga: gau" doem go" nyid boem. Byu dayham" bang: gi he: yug gi byu gi nyang: danghoid ga: tid go" nyid boem. Dayham" tid nyid zigi byu gi anghoid mung" byu yi ri khyoo: shu" vhang: loo" su: danghoid ga: tid go" nyid.

LUKA 23:50

Hau: uri Yuda mung" Aramathi ga: da" voo mo Yoseb ga: da" Yuda mo zoug: dayug nyid. Nyang: gi deung main" da" byu gi dayug nghoid lho: wigi Mangso da" mungdain: ju" ri" wa ziri lang" nyid su: dayug nghoid.

MATHE 19:17

Yesu gi «nang gi ge da" moo" yo" sen: lho: cikoid: ngoori myid:- gi su: gi dayug za: date: nyid. Nang apyaid ato: da" kangso' yoo" nau nghoid rigi Mangso da" amyeing" tarha" ri cang we'» ga: tid.

MATHE 12:35

Ge da" byu gi nya: zi gi kaid to" da" boin" mo ge da" zi ri shau" thoid yu da:- akhyeing" ashoeb su: gi nya: da" akhyeing" ashoeb zi kaid to" da" boin" mo age zi za: dashau" thoid yu nyid.

DANG: ZHOEM 14:14

Byugang yigi nyangnu" yo' moin: yi" ziyo' dakhyoo" ti"- shoug" kham: yu wa zi nghoid. Byugi yi we' nyangnu" zei: to" ziyo' dakhyoo" ti"- aphoug" ri shoug" kham: yu boem wa nghoid.

DANG: ZHOEM 13:22

Byu gi yigi nya: myid: nya: zoo: yi shid re" jonu" young: too" byid: khoo, wa nghoid. Nghoid loug we' yooboo dab, mo, da" jonu" koem gi deing: byeung" da" byu yi jhang khyoo: ju" loo wa nghoid nyid.

DANG: ZHOEM 12:2

Aseing gi byu gi ri vho: ngei nyid nghoid loug we akhyeung" da" moo" zoo" ri myid soin: nyid mo, rigi Nyang: gi yooboo dam kaid byid: nyid.

COUNG" NGHEI 37:23

Aseing gi byu ri nyang: yhi: eung: da" khyoo: moo vhu" she: nyid lho: nyang: vho: ngei bang: ri lhoug zung" byid: nyid.

ACTS 2:4

Nyangnu" dangain" bang: gi gyeungshang: da" Venyi: byeung" lo wigi Hau: Venyi wigi yo" tid wa yoem: so' byid: ziyo' dakyoo" ti" gootu: myeing" aja: ja: ri tid thu lo boem.

ACTS 2:47

Nyangnu" gi Mangsoo ri coung" nghei nyid zoore- byu dangain" bang: da" shid khoin" moo myonhoo: bo nyid ago". Aseing: gi khyoid yu zi shau" bang: ri nyid" khang" moo" nyangnu" phung: moo myo: loung: loo nhang: nyid.