ACTS 10:39 - Lacid Common Language Bible

³⁹ Yerusalem voogung yo' Israela mungdain goin" Yesu koid da" lo, moo" dangain" yo' sen: lho: wigi ngoonu" gi sag si: nghoid nyid. Hau: tho' moo nyangnu" gi Yesu ri pyang" zeing moo jen" said' pyam' abye: go.

ACTS 10:39 Referans Kwoze

LUKA 24:48

Nanu" gi hau: da" moozoo" yo" sen: lho: wigi myo, moo gyo, bo myang da" sagsi: yi nghoid.

ACTS 10:41

Yug khang" moo" ri anghoid loo: za: sag si: joem ga: Mangso wigi khyen: yu too" mo ngoonu" ri za: toin" shid' lho: nyang: doem dei, to' lo thang: ri- nyang: yo' dage" zoo: noem shoin" zo: boem bye.

ACTS 1:8

Nghoid loug we' nanu" da" a tho' moo gyeungshang: Venyi ju" gyoo" loo lang" gi-nanu" gi yoem vhoo" pyeung byid: zi shau" wigi Yerusalem voomoo" mo zi Yuda meing: goin- Samari meing: yo' moug: myed thang sho' moo nga" sagsi: yi bue" loo" goo" wa-ga: tid.

1PETERU 2:24

Ngoonu" gi youg: noo yooboo ri she: pyam kho lho-deing main" mo, khyo" kangso' yo" dei nyid wa shid re" nyang: gi ngoonu" da" yooboo ri nya: gung du: moo nyang: voin, lho: pyang" zeing tho' khyoo: yhe: loo" bye-

ACTS 2:32

Mangsoo gi he: da" Yesu ri dei to'' loo nhang: abye:- hougsu" ngoonu" dangain" gi he: khyoo: yo' sen: da" sagsi: nghoid bye.

GALATI 3:13

Seig zeing moo jen" lhang" too" shau" su: hang" nghoid loug we' Mangsoo da" tarha" dang: phyed' zi shau" su: nghoid nyid, ga: wigi jhoem: mougsoug" moo tid to" ziyo' dakhyoo" ti"- Khristu gi ngoonu" da" shid re" tarha" dang: phyed zi shau" byid: khyo" wigi toung: to" da" tarha" dang: phyed jang" mo ngoonu" ri khyoid khyi: yu bye.

ACTS 13:31

Galile mung" mo Yerusalem voomoo" khyoo: nyang: yo' dage" yhe: lo" nyid mo, ri bidnyid myang" sho' nyid" nyid, shug yen" da- nyangnu" gi akhid" Israela yi ri sag si: kham, byid: nyid mo, nghoid ago". Houg: bang: gi sag si: nghoid nyid.

ACTS 7:52

Nanu" da" phoug" phyid" yi wi gi ashen" yhen, yu" da" lapi: ga: zi kha: yug nyid yu go" Nyang: nu" gi Mangso da" deingmain" su: ju" ri" wa ga: da" khyoo: ri tid fu" kyo" da" Mangso lagyoo: yi ri we' said' pyam boem abye: go. Akhid" nanu" gi hau: yug ri ab, byid: pyam' lho: said' pyam' boem abye: go.

ACTS 4:10

Nanu" gi Nyang: ri pyang" zeing moo jen" said' pyam lho: Mangso wigi shid: jang" mo doem dei to' loo nhang: da-hau: Nazared mo yesu khristu da" myeing khyang" yoem: so' khyo" hau: khyid: yoin" su: gi nyeing" za: ge yang" loem" lo wigi he: khyi, nanu" da" shid khoin" moo yab, jo, ziri-nanu" dangain" bang: yo' Israela byumyu" yi dangain" mo, se yu loo: ge'.

YOHAN 15:27

Nanu" we' xang: shid" mo nyang:- ngoo yo" dage" nyid boem yoomo nga" da" khyoo: ri sagsi: kham: boem wa zi nghoid.

LUKA 1:2

Houg: yoomo hau: da" khyoo: joem ri myojid" myang da" sagsi: yi nghoid wigi Aseing: Yesu da" khyoo: lu dang: gi, ri kho" kyo" da" byu yi kho" to" ziyo' dakhyoo" ti" Jhoem: mougsoug" sara: yi gi koid: lhid" xoem" to" da" khyoo: nghoid.