ACTS 10:33 - Lacid Common Language Bible

³³ Houg: yoomo ngoo gi houg: jang: nyang- re" jhang khyoo: byu nhang: kaid' bye- nang ju" ri" yoomo gye" goug bye. Nyang: nang ri tid nhang: kaid' da" mungdang: dangain" ri tam" gyo: yu wa shid mo akhid" ngoonu" dangain" mo, gi-Mangso shid' khoin" moo lang" nyid boem- ga: tid kyo.

ACTS 10:33 Referans Kwoze

YAKU 1:19

Jheddab da" mangnhung" yi we"- he: khyoo: ri xoem" too" ge'.Nanu" gi tam" gyoo: wa jang" moo myab, ge' dang: tid wa jang" moo nheig yoo: wa jang" moo gi ahain: goo".

GALATI 4:14

Nga" da" yang" zain" khyoo: agi yoomo nanu" ri lhu: kyoo, lhu: keug khyo" bui" nhang: bye: nghoid loug we' nanu" ngoori aphoug" akhyoid' akoid- nheig ano pyam' tho' moo agoo"- moug khung: tho' mo moug: lagyoo: dayug ri yhang: ti" lhoem: kham: yu boem bye- gyeing" nyang: Khristu ri yhang: ti" ngoori lhoem: kham: yu boem bye.

YAKU 1:21

Hougsu" nghoid yoomo nanu" gi aco' ajhoid da" aved asam" yo' akhyeing" ashoeb da" khyoo: bain sho' ri she: pyam ge'. Nanu" da" nheigloem: ung: khoug: moo Mangso wigi kaid' byid: to" da" yo" khyoid yu da" nya: mungdang: ri nu" nham, da" e" myed, yo' kham: yu nyid ge'.

1Korinthians 3:18

Hang" nghoid loug we'- nyang: gung nyang: ri amhau, nyid goo- nanu" mo byu dayug yug gi he: moug: myid da" zhang khyo" soin: lho: nyang: nya: gung ri phajhi" boo su: nghoid ga- si' boin" nyid nghoid rigi- gyeing" nyang: phajhi" boo su: bui" wa shid re" akoo" apyoid da" byu bui" ca" nyid.

ACTS 28:28

Houg: lang" Polu gi dang: thang khyo" (Dang: thang khyo" Polu gi) Hau: Mangso da" khyoid khyi: yu da" mungdang: ri tungbau byumyu" yi khyoo: byid: pyam' lho: wigi nyangnu" gi hau: da" mungdang: ri tam" gyo: yu lo" boem wa khyoo: ri nanu" se' too" ge" -ga: tid kaid' bye.

MARKU 10:15

Ngoo nanu" ri deung" deung tid zigi Mangsoo mungdain ri zooshang: dayug yhang ti" alhoem: yu su: gi hau: mungdain: khyoo: khanham we' ayo" vang yhi: wa ga: tid.

MATHE 18:4

He: zooshang: yhangti"- nya: nheigloem: nyhoem: khyo su: gi Mougkhung: Mungdain: moo je gyi: thang su: nghoid wa.

DANG: ZHOEM 25:12

Goolhoo: za: tam" gyoo: noug su: rigi aja: ja: thoung" shoug" yu" bye: su: wigi phajhi" byid: da" dang: gi ge thang da" sheing: anghoid lang" phau" thang da" lug nyoug yo' koid da- sheing: lo, pain" yo' du nyid.

DANG: ZHOEM 1:5

He: da" dang: zhoem joem gi- phajhi" boo su: da" lasi laleug rilang" lung: byid: nyid tho' moo: agoo- phajhi" boo mo, ri we' khyoo: yo" toin" shed byid: nyid.

2 KHOKHAM MHOOMYID: 30:12

Mangsoo gi Yuda mung" moo we' moo" zei: wigi khokham yo' nya: gyizoug: yi da" amyeing" dang: ri cang wigi nya: myid vho: ziri cang wa shid re" nyangnu" myid phyed jang" moo mung" byu yiri myid shoin" nhang: da:.

1THESALONI 2:13

Hau: lho: wigi Mangso jeju" ri anoo: atheing: loo- coung" nghei byid: nyid wa da" khyoo:- gootu: dakhaid bo jo, shi"- nanu" jang" moo ngoonu" hau: Mangso da" mungdang: ri re" kho" kyo" da" uri byu yi da" mungdang: ri yhang: ti" anghoid- Mangso mungdang: nghoid deung nyid ziyo' dakhyoo" ti"- nanu" shau" gyo: wigi loem" jeung" ziyo' lhoem: kham: yu boem bye- hau: mungdang ri loem" jeung" bang: nanu" da" nheigloem: ung: khoug: moo moo" zei: nyid.

MATHE 19:30

Nghoidloug we' byu myoo" sho' mo, gi akhid" shid' khyoo: nyid nyid mo, myoo" sho' gi thang: mo mo' bui" wa. Akhid" thang: moo nyid mo, myoo" sho' gi shid moo nyid mo, bui" wa zi nghoid.

DANG: ZHOEM 18:15

Vhu" nug gi mo, gi khanham we' so, kho' tung" jhau" yu wa ga: jen" jen" nyang: nghoid boem ago".

ACTS 10:32

Houg: yoomoo Yopa voogung khyoo: byu nhang: kaid' lho: wigi Simun Petru ga: su: ri khi: nhang: kaid' we'. Nyang: gi panglai gyid yam, mo shooyid' moo" zei: da- Simun ga: su: yhoem: moo being" do, nyid da- ga: ngoori tid.

ACTS 10:34

Houg: lang" Petru gi Mangsoo gi yug khang" moo" ri myonhoo: vhuzung akhyen: loo: za: koid nyid ziri akhid" ngoo gyeing" nyang: si' bye.

TARHA" TID POIN" 30:13

Hau: zigi panglai: thu: tab shoid moo: jo, ziwe' anghoid. Nanu" gi ‹Panglai: thei: tab khyoo: hang" gu: yhe: wigi hau: ziri ngoonu" shau" gyo: wigi yo" tam" gyo: cang yhi: wa shid re" hang" yu loo byid: wa lug la" ein: amyed: ca" goo" wa.