ACTS 10:27 - Lacid Common Language Bible

²⁷ Petru yo' koneli gi doem, go" zoore yhoem: khoug: khyoo: vang lo" boem ri yhoem: khoug: moo mung" byu yi myoo" sho' - zeung: foem: nyid ziri Petru lo" myang.

ACTS 10:27 Referans Kwoze

2~KORINTHU 2:12

Khristu da" ngeibu: ludang: kho" kyoo" wa shid mo Troa voo moo ngoo ju" yhe: uri hau: joyoo moo moo" yo" zei: baja"- nga" shid re" Mangsoo gi khoem" phang byid to.

ACTS 10:24

Hau: thang: nyid" moo koneli gi kesare voogung moo nya: byumyu" mang: nhung" bidnoem yi yo' nyang: khe: to" da" bidnoem yi yo' dage" Petru ri lang" nyid boem ago".

YOHAN 4:35

‹‹Lham" moo" myid: khyab koo: myang" loo" lang" gug myheing yo, ju" wam: bye: ga: tid -dang: khyang" jo, anghoid goo" la". Nghoidloug we' ngoo nanu" ri tid ba;- Yoo thung" dain" khyoo: lheing: yu" kaid ge' yham" wa gug gi akhid" nyang: byang: yo" ne- myheing voin" jo, bye: ziyo' yham" wa jen" jen" nghoid bye.

1Korinthians 16:9

Khasu" wim ga: ri hau: voo gung moo: ngoori- thoutheung da" gyivoo yi myoo" sho' nyid nyid ago". Nghoid loug we' akyu" bo wigi- gyi: sheung: sho' zei: wa da" moozoo" myoo" sho' zei: soo" wa ge' da" ayo, akhyeing: bo jo.

ACTS 14:27

Nya: eig: yug gi Antioki voogung khyoo: ju" yhe: loo" lang" phung byu yi ri khe: zheung" yu wigi nya: eig yug khyo" Mangsoo gi khate" da" moo" ri zei: loo bye: da" khyoo: dangain" ri we' Mangsoo gi tungbau byumyu" yi Yesu ri loem" jeung" lo boem wa shid' mo khyoo: khasu" phang byid: lo da" khyoo: dangain" ri we' - nyangnu" ri tid kyo" ago".

KOLOSE 4:3

Aseing Yesu da" no, thang mungdang: ri yo" kho" kyoo" wa shid re" amyeing" akhang" akhyoo" ayo, ge zi Mangsoo gi nyhang" ri byid: baja" ngoonu" shid re" we' akyu" dabo mho' nyid ge'- Khasu" wim gari Khristu da" no, thang mungdang: ri kho" kyoo" yoomo akhid" ngoo gi thung moo loung" jo.

LUKA 24:14

Hau: eig yug gi bue" lo da" khyoo: dangain" ri khyoo: moo tid go" lo.