ACTS 1:25 - Lacid Common Language Bible

²⁵ Too" kho' da" nya: jo yoo moo lagyoo: dayug khyo" moo" voin vu, wa shid mo-he: eig yug mo kha: yug ri nang khyen: yu bye: khyoo: ri ngoonu" ri toin" shid' byid: we-ga: mho' nyid ago".

ACTS 1:25 Referans Kwoze

1Korinthians 9:2

Byu gooji ngoori lagyoo: dayug khyo" alhoem: kham: yu boem nghoid ri lang" gi nanu" gi gyeing" gyeing" nyang: lheom: kham: yu eung: nyid. Khasu" wim ga: ri Khristu yo' daloem: za: bue" lo wigi- kangso dei nyid mo, nanu" nyang- ngoo lagyoo: dayug nghoid deung da" sagsi: yi nghoid.

Roma 1:5

Mangsoo: gi hau Khristu khyo" wigi - byu dangain" mo, ri loem khau loem" jeing" tam" gyo: loo wa shid' re" - ngoori phoug" dab thang da" - shu" u" lagyoo: zeing dayug khyo" aya: tang: byid: bye.

YOHAN 17:12

Ngoo gi houg: bang: yo" dage" nyid shi" da" uri nang ab byid: to" da" re" voolang myeing khyang" yoem: vhoo" yo' nyangnu" ri goem loem zung" lhug byid: bye. Ngoo gi nyangnu" ri zung" lhug goin coung: nyid. Yoomo Jhoem: mungdang: moo bo ziyo' dakhyoo ti"- shid: no byo, yoin" loo" wa da" dayug mo jan" lho: gootu: hang" we abyug loo" wa.

GALATI 2:8

Khasu" wim gari Mangso da" yoem: moo" so' zeing khyo" Petru ri Yuda byumyu" yi shid re" lagyo: aya moo tang: too" byid: ziyo' dakhyoo" ti"- ngoori we' tung bau byumyu" yi shid' re" lagyo: aya moo tang: too" byid: bye.

YOHAN 13:27

Hau: zoo: yho' ri Yuda zo: kaid ziyo' dage" satan gi nya: nheigloem: khoug: moo vang loo" bye. Yesu gi nyang ri nang koid; wa da" moo" ri myab myab zei: we' ga: wigi tid.

MATHE 26:24

Jhoem: mungdang: moo nya: khyoo: ri tid to" ziyo' dakhyoo" ti"- shid: wa zi nghoid. Nghoid loug we' Byu nya: Zoo: ri ab pyam su: shid' re" khayhi' gyoug. Yuggi he: yug ri akhu: kaid nghoid rigi nya: shid re" je gi wa zi nghoid, ga: tid.

MATHE 25:46

Houg: yoomo houg: bang: gi apyaid ato: da" yooboo dam shau" kham: zo: wa jang moo ju" lo" boem wa. Nghoid loug we deung byeung" mo, koem gi apyaid ato: da" kangso' khyoo shau" vang lo" boem wa".»

MATHE 25:41

«Hau: da" thang: ri khokham" gi lo, koung" shoid khyoo nyid mo, ri ‹joem: so: zhung" da" byu yi we"- nga" jang" mo gang: loo" ge'. Yu satan: yo' nya: lagyoo: yi shid re" ein: nyheing to" da:- moo myi: apyaid atoo: thoem" khyoo vang loo" ge'› ga: tid.

COUNG" NGHEI 109:7

Nyang: gi myid: phe: sho: zi thoung" shau" wigi shoid vhang: yooboo ri shau" myang nyid baja"- nya: da" akyu" mho' thui: ri lang" youg: soin: jhen: soin: goo" baja".