ACTS 1:12 - Lacid Common Language Bible

¹² Hau: thang: ri lagyoo: yi gi Yerusalem voomoo" yo' khyoo: main: agung kho' koo: vi: go" da- Zhainlun boem mo wigi Yerusalem voomoo" khyoo: doem lo" boem.

ACTS 1:12 Referans Kwoze

LUKA 24:52

Cangzoo: yi gi Yesu ri noku lho: gye" gau yi ziyo' Yerusalem voo khyoo doem lo boem.

MATHE 21:1

Aseing yo" cangzoo: yi gi Yerusalem voo moo jhang lo boem ri Zhainlun boem mo Bedphage voo moo ju" lo" boem.

LUKA 24:50

Nyang: gi nyangnu" ri Yerusalem mo, - Bethani voo yam khyoo: khe: shu" yhe: lo. Nya: lo, tu: lho: mainkaid byid.

YOHAN 11:18

Bethani voo gi Yerusalem voo yo"-eig main: koo: date: ve:.

LUKA 21:37

Yesu gi hau: danyid" goin" noku yhoem: moo" moo jhau" mho' byid: nyid lho: myenthang: zoo" rigi zhainlun ga: da" boug khyoo: do, lo" lho: damyen goin houg: moo lo" nyid.

MATHE 26:30

Hau: thang: ri Yesu yo" cangzoo: yi gi jihkoin" ri bain coung" ngei lang" zhainlun boem khyoo thu' yhe: lo" ago".

MATHE 24:3

Yesu gi zhainlun boem tho' moo zhoung: jo, da" uri cangzoo: yi gi nya: jang" moo nyangnu" kyeing" re" lho: nyangnu" myid: da" zigi «Hau: khyoo: gi kha: yo, kha u" moo bue" loo wa lha". Aseing doem gyoo" loo wa da" bidnyid yo' he: da" thang lo" da" jang" moo ce: ja: alhoo: again myang thu' loo wa lha". ngoonu" ri tid kyoo" we'» ga: zheung: myid: boem.

ZEKHARIA 14:4

Hau: bidnyid ri Aseing gi Yerusalem bidthu shoid mo zhainloin: boem moo re" yab wa zi nghoid. Houg: lang" zhainloin: boem gi bidthu shoid khyoo: dakhyam"- bidvang shoid khyoo: dakhyam" gyam: lo" wigi lang: khoug: moo" zeing bue" lo lho: boem dakhyam" gi gyid moin khyoo: - dakhyam" gi gyid byeing: khyoo: yu: loo" wa.

LUKA 19:29

Zhainlun ga: da" boem mo Bedphage voo yo" Bethani voo yam moo jhang loo" lang" nya: cangzoo: eig yug ri shid' mo voogung khyoo: nhang: lho:

MATHE 24:20

Nanu" cae: thu' lo" da" ayo, gi xung" thu' yo, yo"- Dougno: Bidnyid ri aeung: loo wa shid re" Mangsoo jhang akyu" mho' nyid ge'.