3 Yohan 1:4 - Lacid Common Language Bible

⁴ Nga" zooyi- hau: deingmain" da" khyoo: moo cang so" lo" nyid ga: da" lu dang: shau" gyo: da" tho' moo gootu: je gau yi jang: gi ajo, loo.

3 Yohan 1:4 Referans Kwoze

GALATI 4:19

Jhiddab, da" myi yi: yug gi nu" yi we"- Khristu da" gung du: avoid nanu" moo joeb, byeung" lo da" ayo, moo ju" sho' ngoo gi zoonu" co' phyed da" myhi' zeing yhang: ti" nanu" shid re" zoo khu: noo dalheing doem no nyid.

2 TIMOTHI 1:2

Ngoo jheddab da" nga" zoo: Timothi ri dang: pyeung: kaid. Yha" phoo Mangsoo yo' yha" da" Aseing Yesu Khristu gi nang ri nheig khyeug jeju" ngei pyo: khyoo: dabyid: nyid baja" o".

1 TIMOTHI 1:2

Hau: da" loem" jeung" khyoo: moo nga" da" zoogyeing" nyang: nghoid da" Timothi jhang khyoo: mougsoug" lhid" foin: kaid. Phoo Mangsoo yo' ngoonu" da" aseing: Yesu Khristu jang" mo jeju" yo' nheig khyeug nheigloem: mo, ngei pyo: khyoo: gi man' shau" kham: yu baja" o".

DANG: ZHOEM 23:24

Deingmain" su: da" nya: phoo gi gye" ngei pyo: gau, yi wa khyoo: bo jo,- phajhi" juyhi: bo da" yug gi zoo: yoomo nang myonhoo: ngilang yo" nyid.

2 KHOKHAM 20:3

«Aseing we"- ngoo nang ri dang: zung" jhug zug tung" dei byid: wigi ngoo gi nang koid nhang: da" ja: ri khanham we' yoem: kaid koid lo ziri myid boin: byid: la o"» ga: akyu" mho' da:. Hau: thang: nyang: gi nheig khoo" sho' ngau lo da:.

1 KHOKHAM 3:6

Sholumon tid zigi «Re" dei zoo: nga" phoo David gi nheig bo- dang: zung" ziyo' loem: lug khyo" nang yo' xo' go" nyid yoomo nang nyang: ri khanham we' jheddab nheigloem: ci: shug bye: zi nghoid. Nya: khokham vang" moo vhoebkhang" wa shid re" yuggi zoo: dayug ri we' akhid" nyid" nyang: ri byid: wigi re" gyi: sheung: geing: teing jheddab myid ri xo' wigi ci: shug nyid da:.

1 KHOKHAM 2:4

Nya: dang: ri nang tam" gyo: nghoid rigi nga" amyed ashen yi nya: da" amyeing" dang: ri loem jeing" wigi nyangnu" da" oung: khoug: nheigloem: dangain"- Venyi dangain" ziyo' loem jeing" nyid nyid gi Israela mungdain: ri shoug" vhoebkhang" nyid wa zi nghoid ga: nyang: ngoo ri tid too" bye: da" dang: theing gi Aseing pyeing byid: wa zi nghoid.

GALATI 2:14

Akhid" nyangnu" gi ngei bu lu dang: da" deingmain" da" khyoo: moo dain: dain: aso" nyid boem ziri ngoo shau" myang lang" gi nyangnu" dangain" bang: da shid' khoin" moo Petru ri nang gi Yuda byu nghoid lho: wigi Yuda byu yhang: ti" anghoid- tungbau byu yi yhang: ti" kangso dei nyid lho: tungbau byumyu" yi ri Yuda byumyu" yi yhang: ti"- kangso dei wa shid' re" khasu" koid yo" nyen" nhang: wa lha". ein: wigi ngoo tid pye.

PHILIMON 1:10

Khristu moo nga" da" zoo: gyeing" nghoid nyid da" Onesimo shid re" ngoo nang ri mho' tungpain: kaid. Khasu" wim ga: ri ngoo thung: loung" jo, jang" moo nya: da" Venyi shoid mo, nya: phoo bue" loo bye.

ESAIA 8:18

Ngoo gi Aseing wigi byid: to" da" zooshang: yi' yo' dage" nghoid. Ziun boem mo zhungtang moo zhung: da" myhang: thang Aseing gi Israela byu yi shid re" dei nyid da" mungdang: khyo" ngoonu" ri nhang: to" abye:.

ESAIA 38:3

«Aseing we"- ngoo nang ri dang: zung" jhug zug tung" dei byid: wigi ngoo gi nang koid nhang: da" ja: ri khanham we' yoem: kaid koid lo ziri myid boin: byid: la o"» ga: akyu" mho' da:. Hau: thang: nyang: gi nheig khoo" sho' ngau lo da:.

2~KORINTHU 6:13

Nanu" da" nheigloem: khoem" duang: ri phang hain" too" ge' akhid" ngoo nanu" ri nga" zoo yi ri yhang: ti" tid sang: nyid. Nanu" we' ngoonu" ri-houg: yo' du khyo" myid khyoo: ri doem phug tu" kaid ge'.

1THESALONI 2:11

Nya: phoo gi nya: zooyi ri yu" goin, coung: nyid yhang: ti"- nanu" yug khang" moo" ri ngoonu" yu" goin, coung: lid loo bye: khyoo: ri nanu" nyang: se' nyid gu nghoid boem bye.

1YOHAN 2:1

Nga" zoo: yi we"- nanu" gi yooboo akoid loo: goo" baja" ein:- he: mougsoug" ri nanu" jhang khyoo: ngoo lhid" kaid' bye. Nghoid loug we' byu dayug yug gi yooboo doem shau" koid nghoid rigi hau: pho, da" shid khoin" moo ngoonu" shid re" mho' tung" pain: byid: su:- Yesu Khristu ein: da" deing byeung" Aseing: gi ngoonu" yoo" shi".

2 Yohan 1:4

Re" zooyi dayham" gi phoo Mangsoo gi ngoonu" ri amyeing" tarha" byid: too" bye: ziyo' dakhyoo" ti"- hau: deing main" da" khyoo: moo kangso' dei cang yhe: lo" boem yoo mo ngoo gyi" sho' gau yi ngei pyo: nyid.