2 TIMOTHI 4:18 - Lacid Common Language Bible

¹⁸ Hau" Aseing: gi akhyeing" ashoeb khyoo: dangain" jang" mo nya: moug: khoung: mungdain: moo ju" sho' goem, loem byid: wigi shu" loo" wa zi nghoid nyid. Nyang: moo apyaid' atoo: mo myonhoo: phung" yoeb, gi dabo, jo, nyid baja" o". Amen.

2 TIMOTHI 4:18 Referans Kwoze

COUNG" NGHEI 121:7

Aseing gi gyoug dain khyoo: dangain" jang" mo nang ri goem loem yu byid: wa zi nghoid- nyang: gi nang ri gau: nyu: nhang: wa zi nghoid nyid.

2 THESALONI 3:3

Nghoid loug we' Aseing: gi kyed' su: nghoid nyid yoomo nyang: gi nanu" ri nheigloem: yoem: fain, byid: lho: akhyeing" ashoeb, bang: gyi koid lo jang" mo zung" lhug byid: wa nghoid.

MATHE 6:13

Ngoonu" ri jhu' phyo' jang" moo ayhi: nhang: lo za: yu deizoo: lo, mo khyoid yu we' o". ‹Coid doem: boo" doem: ri vhoeb da" akhang" yo"- phung" yoeb myonhoo: ngilang: gi Apyaid atoo: nang moo za: dajo, jo, baja" o"- Amen.›

1PETERU 1:5

Hau: agyid asoo: gi nanu" shid' re" nghoid- nanu" gi loem, khau loem" jeung" yoomo Mangso yoem: so' yo' lo" thang bidnyid moo yo" toin' shed' wa jen" bye: da" khyoid yu khyoo: yoo" sho' zung" lhug zi shau" mo, nghoid ago".

1THESALONI 5:23

Nyhang" ri ngei pyo: myen, jham" khyoo: byid: nyid da" Mangsoo gi nanu" ri khyoo: khaid gu: khang" moo" moo ced" yung" ced" shang: lho: wigi ngoonu" da" Aseing Yesu Khristu doem ju" re" da" uri nanu" da" venyi nheigloem: yo' gung du: goin" ziri yooboo adab loo: sho' zung" lhug goin, coung" byid: baja".

COUNG" NGHEI 73:24

Re" da" jhau" shed khyoo: yo' ngoo ri vhu" shu" she: nyid lho: Thang" thang phoug" tab, ngi shab khyo" nang gi ngoo ri lhoem: kham: yu wa zi nghoid.

2 TIMOTHI 1:12

Hau: khyoo: yoomo he: da" kyi" khyeug shid: gyoin, noo gyoin khyoo: ri ngoo yo" kham: yu nyid zi nghoid. Nghoid loug we' nga" da" loem, khau: nheigloem: gi ngoo moo byeung" sho' bo jo, Khasu" wim gari Ngoo hang" ri loem, khau: nghe: nyid zigi ngoonyang: se' nyid ziyo' ngoo, nyang: ri ab, byid: to" da" ziyoo dangain" - hau: bidnyid ju" sho' zung" lhug goem, coung; too" byid: wam bye" ein: ngoo nheig shid' nheig deug nyid bye.

2~KORINTHU 1:10

Nyang: gi houg: yhang: te" da" gyoug pho" shid: no khyoo: mo ngoonu" ri yo" khyoid yu bye: yoomo akhid" we' khyoid yu shi" wa ein: wigi ngoonu" nyang: ri damyid byu lang nyid boem shi".

Roma 11:36

mangsoo: gi - jo, moo jo, ri phain" to" lho: hau: zi joem gi Mangsoo: khyo" wigi we' Mangso: shid' re" nghoid loug we' dageing: teing" jo boem. Mangsoo: gi apyaid' atoo: myonhoo: phung" yoeb doug bang nyid baja" o" Amen.

COUNG" NGHEI 92:10

Nang gi ngoo ri nulam" ri yhang: ti" yoem foin' byid: wigi ngoo ri gau yi ziyo' nang mainkaid byid: nyid.

COUNG" NGHEI 37:28

Khasu" wim ga: ri Aseing gi deungmain" da" khyoo: ri jheddab nyid wigi nheigloem: zung" da" nya: byumyu" yiri ashe: pyam. Nyang: gi nyangnu" ri apyaid atoo: moo lhoug zung" goem loem byid: nyid loug we' akhyeing" ashoeb su: da" amyed, ashen yi rigi koin" thu' pyam zi shau" boem wa nghoid.

MATHE 13:43

Hau: uri deung byeung" mo, gi nyangnu" da" nya: pho, Mungdain: moo bid yhangti" doug bang to" boem wa. Nukhyab dab mo dangain" tam" gyo: yu ge'.

1 KHOKHAM MHOOMYID: 4:10

Nghoid loug we' Yabed gi Israela Mangsoo ri akyu" mho' da:. Nyang: gi «Mangsoo we"- ngoo ri mainkaid byid la- ngoo ri mougmyid myoo" sho' byid: la. Ngoo yo' dage" nyid byid la- ngoo ri noo nhang: wa da" akhyeing" da" ja: khang" moo" mo we' goem loem byid: la o"» ga: akyu" mho' da:. Houg: lho: Mangsoo gi nyang: mho' ziri byid: da:.

YOHAN 17:15

Nyangnu" ri he: mougmyid mo shu" thu' loo" wa da" shid' re" ngoo mho' nyid zi anghoid. Nyangnu" gi akhyeing" su da" lo, mo zung" lhug byid: wa shid' re" za: ngoo mho' nyid.

LUKA 12:32

Yang" phung: zoo: we"- agyug goo. Khasu" wim gari nanu" da" nya: phoo gi Mungdain: byid: nau nyid.

1 TIMOTHI 6:16

Nyang: kyeing" za: ashid: abyug su: nghoid wigi nyang: gi hang" we' ayo" tain" tab yhe: da" bidbang moo loung" jo. hang" we' nyang: ri amyang yu" ziyo' hang" we' nyang: ri age myang. Nyang: moo myonhoo: phung yoeb, yo' apyaid' atoo: moo ashoem: apyang: zi dajo, jo, baja" o"- Amen.

1Korinthians 10:13

Nanu" thoung" shau" yu" da" agung alau" gi byu hang" we' thoung" shau" yu" ja: za: date: nghoid. Nghoid loug we' Mangsoo gi dang: zung" Aseing nghoid nyid yoomo- Nanu" atho' kham' wa yhi' da" agung" alau" jham" ca: yu" khyoo" gi shoug" nhang: wa zi anghoid. Houg: su" jham" ca: yu" zi shau" nyid da" ayo, moo- yo" zeung: kham, wa da" yoem: so' byid: lho: wigi- houg: mo yo" loid thu' loo" wa da" khyoo: nyang: nyheung byid: wa nghoid.

APOEM AYANG: 48:16

«Ngoo ri dam dab zu: azang" sho' khyoid khyu: lo da" moug: lagyoo: gi nyangnu" ri mainkaid byid: baja". Nga" myeing khyang" yo' nga" phoug" phyid" Abraham yo' Isag da" myeing khyang" gi he: zooshang: tang: khyo" xo' geing: jo, baja". Nyangnu" gi zooshang: myoo: sho' amyed ashen myoo: sho' yo" loo goo" baja"» ga: mainkaid byid:.

1PETERU 5:11

Nya: jang" moo apyaid' atoo:- myonhoo: phung" yoeb, bug thu' seing" jhu" jo, baja" o" Amen.

1 TIMOTHI 1:17

Akhe" apyaid' atoo: mo Khokham" nghoid wigi abyo, ayoin" lo: khyoo: ri myojid" yo' ayo" myang- dayug kyeung" da" Mangso jang" moo myonhoo: phung yoeb, bug thu sheing" jhu" khyoo: gi apyaid' atoo: moo dajo, jo, baja"- Amen.

MATHE 25:34

Hau: thang: ri khokham" gi lo, yo shoid moo nyid mo, ri ri" ge' nga" phoo da" mainkaid Jeju" ri shau" kham: zo: mo we"- Moug: aphain" myid aphain" shi" re, nanu" da" shid re" nyheing to" da" Mungdain: ri re" seing: loo ge' ga: tid wa.

YUDA 1:1

Phoo, Mangsoo jheddab da" ziyo' Mangsoo khe: yu to" lho: Aseing Yesu lhoug zung" nyid mo, Mangsoo khe: yu shau" mo, dangain" bang: jhang khyoo:- Aseing Yesu da" dei zoo: yo' Yaku da" nya: no, Ngoo Yuda mo wigi-moug soug" lhid" foin: kaid'.

GALATI 1:5

Hau: Phoo Mangsoo moo apyaid' atoo:- myonhoo: phung" yoeb dabo jo, baja"- Amen.

Roma 16:27

Dayug kyeing" nghoid lho: dangain" ri yo" myang se' da" Mangsoo: gi Aseing Yesu Khristu khyo" wigi apyaid' atoo: moo bug thu' sheing" jhu" da" myo nhoo: phung" yoeb dajo jo nyid baja" o" Amen.

LUKA 22:29

Phoo Mangsoo gi ngoori vhoeb khang" wa da" amyeing" byid: to" ziyo' dakhyoo" ti"- ngoo we nanu" ri vhoeb khang" wa da" amyeing" ri byid: bye.

LUKA 11:4

Ngoonu" ri subi" shoid da" yooboo- ngoonu" khyoid pyam byid: yhangti"- ngoonu" da" yooboo ri we' khyoid pyam byid: we'. Ngoonu" ri yau: da" jhu, phyo' ca: yu" jang" khyoo: ayhi: nhang.

1 SAMUELA 25:39

Akhid" Nabala shid: bye: ga: da" ludang ri David shoug" goo: lang" nyang: gi «Aseing ri coung" nghei o"- nyang: gi ngoo ri anoug akhyoid koid da" Nabala ri latoo: phug bye: ziyo' shoid da" moo" zoo" ri koid thu wa da" nya: dei zoo: ngoo ri we' toem pyam bye: zi nghoid. Aseing gi Nabala ri nyang: koid da" age da" moo" zoo" yoomo yooboo dam byid: bye: zi nghoid» ga: tid da:. Hau: thang: David gi Abigela ri lo, xo' yu wa shid re" lagyoo: dayug ri nhang: kaid bye:.

YAKU 2:5

Jheddab da" mangnhung" yi we"- tam" gyo: yu" ge'. loem khau: khyoo: moo joeb byeung" mo, byui: wa shid re" Aseing: ri jheddab mo, shid re" gi dang: theung to" mungdain moo yo" vang loo" wa shid mo Aseing: gi moug myid' mo sho" jhen: mo, ri khyen: yu zi nghoid.

1 SAMUELA 17:37

Aseing gi ngoo ri khangkhyi joem yo' voem joem lo, mo khyoid yu bye: zi nghoid. Akhid we' he: Philisti byu da" lo, mo khyoid yu wa zi nghoid» ga: tid bye:. Sholu gi «nghoid bye:- yhi: we' Aseing gi nang yo' dage" nghoid nyid baja"» ga: doem tid.

DANG: ZHOEM 14:32

Athoug" akhyoug: da" byu yigi nyangnu" da" akhyeung" moo" zoo" joem khyo" wigi nyangnu" nya: da" joem: lo" khyoo: ri koid nyid ago". Byugi yi koem gi nyangnu" deing: byeung" moo" zoo" wigi nyangnu" ri goem loem byid: zi shoug" nyid ago".

1Korinthians 1:21

Khasu" wim ga: ri byu xangsu: yi gi nyang: nya: da" phajhi" juyi: yo' za: Mangsoo ri se' loo baja" ga:- Mangsoo gi nyang: phajhi" khyau" too" bye. Hau: da" gung khyoo: moo- Mangsoo gi ngoonu" kho" kyo" da" akoo" apyoid' da" mungdang: yo' loem" jeing" loo mo, ri khyoid yu wa shid re" myid phyed' to" abye.

1Korinthians 15:50

Mang: nhung" yi we"- ngoo nanu" ri tid kyoo" nau da" dang: gi suid" shoo" yo' phain" so: to" da" gung doem: gi Mangso mungdain ri- agyid asoo: khyo" ayo" kham: yu ziyo'- se' shid: byug da" gung doem: gi ase' shid: byug da" gung doem: ri ayo" seing: yu.

2 TIMOTHI 4:1

Mangso da" shid' khoin" moo we' dei nyid bang: yo' shid: jo, mo, ri tarha" dang: phyed' wa da" Khristu shid' khoin" moo we' hau: Aseing; gi vhoeb, khang" wa da" kho: kham" khyo" ju" ri" wa zi nghoid wigi

HEBRE 11:16

Akhid" koem gi hau: tho' mo je" pyo: da" moug: khung: moug di mo voogung mungdain ri nheig nge nyid boem- houg: su" nghoid yoomo Mangsoo gi nyangnu" da" Mangsoo ein: wa ziri sho: nyid zi anghoid. Khasu" wim gari Mangsoo gi nyangnu" nyid wa da" joyoo daloem: ri nyheung too" byid bye.

HEBRE 12:22

Nanu" koem gi Sina, boem da" gung khoo: - Zion boem yo' moug: lagyoo: yi moin, sen, nyid da" dadei nyid Mangso voogung ein: da" - moug: khung: mo Yerusalem moo ju" nyid boem abye: go.

2PETRU 1:11

Khyoo: he: khaid khyo" cang lo" boem nghoid rigi ngoonu" da" Aseing: yo' khyoid khyi: yu su:- Yesu Khristu da" athang agoin da" mungdain: khyoo:- yo" vang loo" wa da" akhang"- nanu" ri joeb joeb byeung" byeung" byid: wa zi nghoid.

2PETRU 3:18

Nanu" gi; ngoo nu" da" khyoid yu Aseing Yesu Khristu da" jeju" yo' nyang: ri se' lo khyoo: moo je wigi gyi: xo' lho geung: teung loo goo" baja"- akhid" nghoid loug we' apyaid atoo: moo ju" sho' nghoid loug we' Yesu Khristu jang" moo myonhoo: phung" yoeb gi dajo, jo, baja" o". A men