2 TIMOTHI 3:15 - Lacid Common Language Bible

¹⁵ Nang gi zoonu" pyaid mo nyang:- se' da" akhyoo" bo jo, wigi Khristu Yesu ri loem" jeung" khyoo: yoomo khyoid yu khyoo: ri shau" yu wa shid re" khyoo: shed' vhu" she: da" hau: gyeungshang: da" jhoem: mougsoug" ri goolhoo" za: si' bye: su nghoid ziri we' daboin: nyid we'.

2 TIMOTHI 3:15 Referans Kwoze

LUKA 24:45

Hau: thang: ri cangzoo: yi gi jhoem: mungdang: ri se' gyoo: wa da" shid' re" nyangnu" da" nheigloem: khoem" duang: byid.

DANG: ZHOEM 22:6

Zooshang: ri nyang: cang ge da" khyoo: ri jhau" byid: we' Houg: lang" nyang: gi dapyaid goin" xoem" ci: wa zi nghoid.

LUKA 24:27

Hau: thang: ri-Yesu gi xang: shi" da" Moshe da" mougsoug" pug moo boda" jhoem: dang: mo wigi Lapi: yi tid to" da" mungdang: dangain" moo nyang yo" sen: da" jhoem: mungdang: dangain" ri he: eig yug ri tid pang kyo".

MATHE 22:29

Yesu nyangnu" ri «nanu" gi jhoem: dang: yo" Mangso yoem: so' ri ase' gyo: boem. houg: su" nghoid yoomo myid shoid nyid abye: go.

2 TIMOTHI 1:5

Nang gi re" phyid" Lu-i yo' re" myhi, Uni moo xang: shed" bo jo, afain" avo da" - loem" jeung nheigloem: nang moo bo jo, ziri ngoo boin: nyid. Nya: eig yug moo bo jo, da" loem" jeung" khyoo: gi nang moo we' bo jo, wa ziri ngoo loem, nyid.

LUKA 2:40

Zoonu" gi gyi: sheung: yang" zain: loo bye. Nyan phajhi" we je se' lo- Mangso da" jeju" we' nya: tho' moo dajo, jo.

COUNG" NGHEI 19:7

Aseing: da" tarha" gi joeb byeung" nyid yoomo yoem: vhoo" aseig ri lung: byid: nyid. Aseing: da" dangsoo" khoin" gi loem ge" nyid. Phajhi' abo mo, ri phajhi" byid: nyid.

Roma 16:26

Nghoidloug we' Akhid" uri hau: tarha" gi Lapi yi da" jhoem: dang: khyo" wigi bang myang thu' loo nhang: abye:. Byumyu" bain sho' mo gi Mangso: da" mungdang: ri yo" tam" gyo: lo boem wa shid' re" apyaid' atoo: dei nyid da" Mangso: amyeing" yo" dakhyoo" ti" hau tarha" ri tid fu" kaid' bye.

Roma 1:2

Goonham' mo Mangsoo: gi nyada" lapi: yi khyo" hau: ngei bu lu dang: ri kyo" kaid' wa ga: dang: soo" to" zi yo" dakhyoo" gyeungshang: jhoem: mungdang: moo lhid" to".

ACTS 10:43

Nyang: ri loem" jeing" bang: yug khang" moo" gi nya: myeing mo amyeing" akhang" khyo" wigi yooboo khyoid pyam' byid: zi shau" wa shid re" nya: khyoo: yo' sen: lho: lapi: yi dangain" bang: gi tid boem abye: go" ga: tid.

LUKA 24:32

Nya: eig yug gi khyoo: moo nyang: gi yha" eig yug ri dang: tid nyid da" uri we' Jhoem: mungdang: phoid: kyo" uri we' yha" eig youg da" nheigloem: moo myi: yham: dab nyid yhangti"- wim nyid anghoid la"» ga: nyang: cang" nyang: tid go" nyid.

DANG: ZHOEM 8:17

Ngoo ri jheddab bang: ri ngoo jheddab nyid ngoo ri shoo: bang: hang" we' ngoo ri shoug" sho: myang ago".

COUNG" NGHEI 71:17

Ngoo ngi shi" da" pyaid mo nyang:- nang gi ngoo ri jhau" byid: abye:. Re" da" mau" pho" moo" zoo" joem ri akhid" ju" sho' ngoo tid fu" nyid.

ACTS 17:2

Polu gi nyang: khanham we' lhoung koid ziyo' dakhyoo" ti-Yuda Tarha jung khyoo: yhe: lo"- Houg: moo labain' nyid" ri jhoem: mungdang: yo' cang lho: mung" byu yi yo' doem, go" nyid.

1 SAMUELA 2:18

He: ayo, ri zooshang: zoo: Samuela gi gyeung" shang: da" zin: yung" pain" byikua" ri void ci: wigi Aseing ri dei byid: nyid da:.

Pang Shug 19:10

Ngoo gi nyang: ri pid' wa ein:- nya: khyid: yang: moo goeb khyoo, nghoid loug we' Nyang: gi " Houg: su" akoid- ngoo gi nang yo' re" mang: nhung" yi yo' dakhyoo" te"- dei zoo: dayug nghoid lho: Yesu da" pang shug da" deingmain" khyoo: ri zei: ci: mo, danghoid. Mangso ri noku we' ga: ngoori tid. Khasu" wim gari Yesu da" pang (shug deingmain" da" khyoo: gi Lapi: yi ri venyi yoem: byid: nyid zi nghoid.

ACTS 13:29

Nyang: nu" gi nyang: yo' sen: lho: jhoem: mougsoug" moo bo ziyo' dakhyoo" ti" dangain" nyang: ri bain' koid lang" gi nyang: gi nyang: ri pyang" zeing tho' mo phoid: khyo, yu lho: loeb, daloem: akhoug: moo yhe: kaid' to" ago".

2 KHOKHAM MHOOMYID: 34:3

Yoshia khokham bue" thang: shed zain bo lho: nyang: gye" ngi shi" uri nyang: gi nya: phoug" phyid" khokham David da" Mangsoo ri noku shid" da:. Myid: zain kyo: thang: ri nyang: gi tungbau yu phara" ri no' da" joyoo joem yu phara" myhi' Ashera da" soolhoo: joem gootu: yu phara" soolhoo: joem dangain" ri nyang: phyo' shoin' pyam da:.

2PETRU 3:16

Polu gi he: khyoo: yo' sen: lho: nyang: lhid" da" mougsoug" jhoem moo houg yo' dakhyoo" ti" lhid" shed nyid. Nya: mougsoug" moo bo da" akhyoo" dayham" gi-se' gyoo: wa zi youg; yoo mo akoo" afang: bang: yo' nheig loem: khyeing" khyang: avim bang: gi shoid' vang ago" khyo" dangkang: phoid: yu ago". Gootu: da" Jhoem: mungdang: ri we' hougsu" shoid yoomo nyangnu" da" byo, yoin ‹ lo" khyoo: ri nyangnu" nyang: koid yu boem ago".

PHAJHI" DANG: 12:1

Houg: yoomo nang ngi shi" da" ayo, nang nheigloem: thang da" bidnyid joem yo' «Kangso' gyung khyoo: moo ngoo apyoo:» ga: tid wa zain nyid aju" shi" ri re" phain" so: Aseing ri myid boin: we'.

LUKA 1:15

Nyang: gi Mangso da" shid' khoin" moo gyi: sheung: su: nghoid wa. Nyang: gi zabyid yhid: yo' yed coid ja: yhid: ri shug wa su: anghoid.

TARHA" TID POIN" 4:6

Hau: dang: joem ri jhug zug za: tam" gyo: cang yhe: nyid ge'. He: zigi nanu" khayhi' phajhi" boo mo, nghoid da" khyoo: ri gootu: byumyu" yiri ci: shug wa zi nghoid. Nyangnu" he: tarha" dangain" ri shoug" gyoo: lang" nyangnu" gi ‹He: gye gyi: myhang: da" byumyu" gi phajhi" yo' lasi laleug gye" boo mo, nghoid goo" nhung:› ga: tid boem wa.

YOHAN 5:47

Nghoidloug we' nanu" gi Moshe lhid" toin" shid to" da:- khyoo: ri aloem" jeing" boem yoomo khasu" koid; wigi nga" da" dang: ri yo" loem" jeing" goo" wa lha".

ACTS 16:1

Polu gi Debe yo' Lustra voogung khyoo: yhe: lo- Lustra voogung moo Timothi ga: da" Khristain phung byu dayug nyid nyid. Nya: myhi' gi Yuda Byumyu" Khristain nghoid wigi Grid" byumyu" nghoid.

ACTS 26:24

Polu gi hid: su" nya: gung ri tid ve, yu nyid uri Phestu gi Polu we" «Nang ko" abye:. Nang gi phajhi" sung jhau" ci: wigi ko" lo" byug bye: nhung:» ga: nyho: tid kaid.

Roma 2:27

Nang gi lhid" cab' wim lhid" to" da" sho" yid thang: yham" da" khyoo: ri cang loug we'. tarha" ri shoid' nyid. Houg: yoomo tungbau byumyu" yi gi - nanu" Yuda byumyu" yiri tarha" dang: phyed boem wa nghoid.Nyanu" gi gungshoo" yo" sen: da" sho" yid thang: yham" zi akham: boem nghoid loug we' tarha" rigi cang boem.

1Korinthians 1:21

Khasu" wim ga: ri byu xangsu: yi gi nyang: nya: da" phajhi" juyi: yo' za: Mangsoo ri se' loo baja" ga:- Mangsoo gi nyang: phajhi" khyau" too" bye. Hau: da" gung khyoo: moo- Mangsoo gi ngoonu" kho" kyo" da" akoo" apyoid' da" mungdang: yo' loem" jeing" loo mo, ri khyoid yu wa shid re" myid phyed' to" abye.

Ephesu 6:4

Myhi, phoo yi we"- nanu" da" nya: zoo: yi ri nheigloem: yoin" wa khyo" ci" we' akoid byid nyid goo"- hau" gung khoo:- nyangnu" ri Khristain byu nyid byu yab, khyoo: khyo" jhau" mo, khu: gyi: kaid' ge'.

1 TIMOTHI 4:13

Ngoo ju" re" da" ayo, ju" sho' mung" byu yi shid khoin" moo jhoem: mungdang: nghab kyo" khyoo:- mungdang: ri kho" kyo" ziyo' jhau" mho' nyid khyoo: ri ayo, byid: wigi yoem: kaid' lho: zei: so' nyid we'.

2 TIMOTHI 1:1

Mangsoo nyang: myid' vho: ziyo' dakhyoo" ti"- Khristu Yesu da" lagyoo: bue" lho: Khristu Yesu yo' dadeing: daleom: za: bue" nyid yoomo ngoonu" yo" yu wa da" dang: soo" khoin" yo' sen: lho: kangso' khyoo: tid fu" kyoo" wa shid re" nhang: kaid' zi shau" su: ngoo Polu gi