2 TIMOTHI 2:9 - Lacid Common Language Bible

⁹ Khasu" wim ga: ri ngoo gi hau: ngei bu: lu dang: kho" kyoo" yoomo kyi" khyeug zi shau" nyid. youg: shau" jhen: bo nyid su: yhang: ti"- myheug tei" to" zilang" thoung" shau" nyid. Nghoid loug we' hau: Mangso da" mungdang: koem gi myheug tei" too" shau" nyid zi anghoid.

2 TIMOTHI 2:9 Referans Kwoze

PHILIPI 1:7

Ngoo nanu" da" atho' moo too" byid: da" myid' gi young" du nyid khasu" wim ga: ri nanu" ri jheddab nyid da" khyoo: gi nga" da" emyid moodabo jo. Nanu" dangain" bang: gi ngoo thung: loung" jo, uri nghoid loug we' ngoo ngei bu: lu dang: ri kho" kyo" zoore"- geung: teing jo, nhang: uri nghoid loug we' Mangsoo ngoori byid: da" akhang" jeju" ri bo kham zoo; mo, nghoid ago".

ACTS 28:31

Nyang: gi Mangso mungdain khyoo: ri kho" kyo" nyid ziyo' Aseing Yesu da" khyoo: ri agyug avoem, - ciri" we' alung" loo: za: jhau" mhoo, byid: nyid.

2 TIMOTHI 1:8

Hougsu" nghoid yoomo ngoonu" Aseing: da" shid re" sagsi: kham, jang" moo asho' gyoug nyid, thung: loung" jo, su: ngoo yoomo we' nang asho' nyid Mangsoo gi hau: khyoo: ri zei: wa shid re" yoem: so' byid: to" bye: ziyo' dakhyoo" ti"- hau: ngei bu: lu dang; yoomo kyi" khyeug jam jau kham, da" khyoo: moo ngoo yo' dage" shoin" kyi" khyeung nyid goo"

KOLOSE 4:3

Aseing Yesu da" no, thang mungdang: ri yo" kho" kyoo" wa shid re" amyeing" akhang" akhyoo" ayo, ge zi Mangsoo gi nyhang" ri byid: baja" ngoonu" shid re" we' akyu" dabo mho' nyid ge'- Khasu" wim gari Khristu da" no, thang mungdang: ri kho" kyoo" yoomo akhid" ngoo gi thung moo loung" jo.

2 TIMOTHI 4:17

Nghoid loug we' Aseing: gi ngoo yo' dage" nyid nyid yoomo ngoori yoem: lung: byid: nyid wigi ngoo gi tungbau byumyu" yi dangain" bang: shaug" gyoo: sho' hau" ngei bu: lu dang: gi ri joeb joeb, byeung" byeung" yo" tid kyoo" baja"- said' pyam wa ga: dang: phyed' too" bye: jang" mo khyoid yu ziri ngoo shau" kham: yu bye.

1PETERU 2:12

Aseing Yesu ri aloem" jeung"- aloem, khau: mo, gi nanu" ri age da" moo" ri zei: nyid mo, nghoid ga- yooboo foin: nyid uri nanu" koid ge da" moozoo" ri shau" yu" myang wigi Yesu doem gyoo" lo da" bidnyid moo Mangsoo riyo" coung" nghei byid: goo" baja"- nanu" gi nanu" nya: da" shid' khoin" moo ge, lho, da" asam" aved, yo' kang: so dei nyid ge'.

1PETERU 4:15

Nanu" mo hang" nghoid loug we' byu dayug yug shen" yhen shau" nyid zigi hau: yug gi byu said' khyoo:- khau" da" khyoo: tarha" ri shoid yoomo houg: su anghoid lang gi sube" da" moozoo" moo bo lhu: phyo' yoomo dam kaid' dang: phyed' zi kham' zoo: mo, abui" goo.

2 TIMOTHI 1:12

Hau: khyoo: yoomo he: da" kyi" khyeug shid: gyoin, noo gyoin khyoo: ri ngoo yo" kham: yu nyid zi nghoid. Nghoid loug we' nga" da" loem, khau: nheigloem: gi ngoo moo byeung" sho' bo jo, Khasu" wim gari Ngoo hang" ri loem, khau: nghe: nyid zigi ngoonyang: se' nyid ziyo' ngoo, nyang: ri ab, byid: to" da" ziyoo dangain" - hau: bidnyid ju" sho' zung" lhug goem, coung; too" byid: wam bye" ein: ngoo nheig shid' nheig deug nyid bye.

2 THESALONI 3:1

Ngoonu" da" mang nhung" yi we"- lo" thang moo nanu" ri pyeung" kaid' nau da" khyoo: gi Aseung: da" mungdang: gi nanu" moo bue" lo yhang: ti"- xo' lho: wigi gye" myab, khyo" byo ngam loo" wa shid re" phoug" tab zoore" kham: yu goo" baja"- ngoonu" shid re" akyu" bo mho' byid: nyid ge'.

KOLOSE 4:18

Ngoo Polu nyang:- nga" lo, yo' he: da" vhu" kaid' mougsoug" ri lhid" kaid' zi nghoid - ngoo gi thung: moo loung" jo, uri we' nanu" ato" myhed, pyam goo" lhe"- Mangso jeju" gi nanu" yo' dage" dabo jo, baja".

Ephesu 3:1

He: da" khyoo: yoomo nanu" ngi zain byumyu" yi shid re" Khristu Yesu da" thung: byu ngoo Polu gi Mangso jang" moo akyu" mho' nyid.

ACTS 9:16

Nga" myeing yoomo nyang: dayam, dayoo: kham, zoo: ca" gu: ri dangain" ngoo, Nyang: ri toin" shid' wa nghoid- ga: tid.

1PETERU 3:16

Nghoid loug we' nu" nham, phau" myang: khyo" phoid: kyo" nyid ge'- nanu" da" yeug koung nheigloem: moo ce" yooboo we' adab baja"- Houg: su" wigi nanu" ri juang" yi zi shau" nyid da" uri Khristu da" thang: cang mo, khyo" nanu" da" asam" aved, joem ri ge, khyo" tid mo, gi sho' thu goo" wa zi nghoid.

1PETERU 2:14

Age da" moo" zei: mo, ri dam byid: wa ziyo' ge da" moo" zei: mo, ri coung" byid: wa da" mung" zoug: yi ri tam" gyoo: ge'.

2 TIMOTHI 1:16

Hau" Aseing: gi Onesiphuru da" yhoem: bang: ri jeju" dabyid: nyid baja" Khasu" wim ga: ri nyang: myoo" sho' lheing:- ngoori nheigloem: yoem: yo" yu nhang: bye: wigi nyang: gi ngoo thung: loung" khyoo: ri asho' su: nghoid.

LUKA 23:32

Byu yi gi said pyam moin: da" byu eig yug ri we' Yesu yo" dage" said wa ga: bo shu" yhe: lo" boem.

ACTS 21:33

Gyizoug: moo" gi Polu jhang khyoo: yhe: lo" lho: myheug yu lho: jangcoo" eig khaid yo' tei" too" wa shid re" amyeing" khyo' kaid' bye. Hau: thang: ri gyizoug: moo" gi he: yug hang" nghoid lha". Nyang: ce: noem koid shoid lha". myed: yu.

PHILIPI 1:17

Hau: lho" gootu: dayham" bang: gi gyeungshang: da" nheigloem: yo' anghoid loo: za: nyang: nya: da" akyu" sho: khyo" kho" kyo" ago- nyangnu" gi ngoo thung: moo loung jo, uri nga" tho' moo shid: gyoin noo gyoin je myo: loo wa shid re" myid soin' nyid ago".

1THESALONI 1:8

Khasu" wim ga: ri nanu" jang" mo wigi hau" Aseung: da" mungdang: gi Makedoni mung" yo' Akhaia mung" goin" jang" moo fu" nheung lo" ziza: we' anghoid loo- Mangsoo moo nanu" da" loem" jeung" loem, khau: khyoo: ri we' joyoo khyi khang" moo" moo byo ngam, loo" bye- Koug: su" nghoid yoomo nanu" ri citid' cang aboo loo.

2 TIMOTHI 2:3

Khristu Yesu tho' moo nheigloem: zung" da" gyi zoonu" yhang: ti"- kyi" khyeug khyoo: ri bo kham: voin, we'.