2 TIMOTHI 2:10 - Lacid Common Language Bible

¹⁰ Hougsu" nghoid nyid yoomo ngoo gi Mangso khyen: yu shau" nyid da" byu yi shid re" kyi" khyeug yau: khe" zi: kham' zo: nyid hougsu" kham, zo: nyid da" khyoo: gi nyang: nu" we' Khristu Yesu da" khoug: moo khyoid yu da" jeju" yo' hau: apyaid' atoo: mo da" myonhoo: phung yoeb, ri shau" kham: yu wa da" khyoo: nghoid.

2 TIMOTHI 2:10 Referans Kwoze

KOLOSE 1:24

akhid" koem gi nanu" da" shid re" ngoo thoung" shau" da" shid: gyoin, noogyoin, moo gau yi ngei pyo: nyid Khristu gi nya: gung du: ein: da" phoung: shid re" kyi" khyeug khyoo: thoung" shau" ziyo' dakhyoo" ti"- ngoo gi ngoo nya: gung du: shid re" kyi" khyeug kham, khyo" wigi Khristu gi nya: gung doem: ein: da" hau" phoung: shid re" kham, da" kyi" khyeung khyoo: moo ca" nyid shi" da" kyi" khyeug khyoo: ri nga" da" gung moo kham, zo: nyid da" kyi" khyeug khyoo: yo' joeb byeung" byid: nyid.

1PETERU 5:10

Nghoid loug we' nanu" gi daso' za: shen" yhen ziri thoung" shau" thang: ri Khristu yo' dage" apyaid' ato: myonhoo: phung" yoeb, ri shau" kham: yu wa shid re" nanu" ri khe: yu da" jeju" dangain" Aseing: Mangsoo nyang: nanu" ri joeb, byeung" mo, bui" nhang: lho: wigi geung: teung khyoo: yoem: zeing so' moo" yo' loem, ge" da" apoem: ayang: qei" byid: wa nghoid.

2 TIMOTHI 2:3

Khristu Yesu tho' moo nheigloem: zung" da" gyi zoonu" yhang: ti"- kyi" khyeug khyoo: ri bo kham: voin, we'.

2~KORINTHU 1:6

Ngoonu" shid: gyoin noogyoin thoung" shaug" zo: da" khyo gi nanu" ri: nheig teung ung: teung da" jeju" yo' khyoid khyi yu da" khyoo: ri shau" kham: zo: ri nanu" we' hau: jeju" ri yo" kham: yu wigi Ngoonu" kham zeung: nyid da" yau: Khe kyi" khyeug khyo yo du go" da" yau: khe" kyi: khyeig da" khyoo rinanu" we' nheigloem: gyi: sheung: ziyo' kham: yu wa yoem: vhoo" yo" yu nyid boem bye.

2~KORINTHU 4:17

Hau: lho: ngoonu" daso' dadam thoung" shau" nyid da gyoug dain phoo: dajhi' dathang: gi je" gyi: ziyo' apyaid atoo: mo myonhoo: phung" yoeb ri kham: yu nhang: wa zi nghoid nyid.

1PETERU 2:10

Mangsoo seung: ci: da" byumyu" yi nghoid bye. Nanu" gi xang: shed" ri Mangso da" byumyu" anghoid- akhid" koem gi Mangso da" byumyu" nghoid bye- xang: shed" ri nanu" gi nheig khyeug zi shau" mo, anghoid- nghoid loug we' akhid" koem gi nanu" nheig khyeug zi shau" boem bye.

1THESALONI 5:9

Mangsoo gi nya: nheig khoo" yo" da" khyoo: ri kham, zoo: wa shid re" nyhang" ri khyen: yu t o" zi anghoid- Aseing Yesu Khyo" wigi khyoid yu da" khyoo: ri yo" seung: yu wa shid re" khyen: yu to" zi nghoid.

KOLOSE 1:27

Mangsoo nyheung soin' to" khyoo: gi byumyu" bain' sho' bang: shid re" nyang: yo" jo, da" myo: tham: phung" yoeb myonhoo: bo da" yhoem" shoung: to" da" phajhi" ri nya: da" byu yi jhang moo-pang shug byid: da" khyoo: nghoid- hougsu" yhoem" to" da" phajhi" gi nyangnu" da" nheigloem: ung: khoug: moo vang jo, bye: ein: da" khyoo: nghoid- hau: da" dangkang: gi nanu" Mangsoo yo' dage" hau: phung" yoeb, ri coem kham: yu da" khyoo: nghoid.

Ephesu 3:13

Hougsu" nghoid yoomo ngoo nanu" ri mho' sang: nau- ngoo gi nanu" shid re" sho" jhen: jam jau kham nyid yoomo nheigloem: moo agyug yoem: ashoin:- hau: khyoo: joem dangain" zigi nanu" da" akyu" shid re" danghoid nyid.

2~KORINTHU 4:15

He: da" khyoo" dangain" gi nanu" moo akyu" ara: bo loo wa shid mo nghoid bye. Mangso da" jeju" ri kham: yu da" byu yi we' je" je myo: lo ziyo' dakhyoo" ti"- Aseing: da" myonhoo: phung" yoeb ri jeju" boin: coung" nghei - akyu" mho' da" khyoo: joem moo we' je" wigi myo, tham: loo wa zi nghoid.

1Korinthians 9:22

Ngoo gi Mangsoo ri loem khau: khyoo: moo- yoem: nu: mo, da" akhoug: moo- vang lo" byoug da" ayo, moo- nyangnu" ri yo" khyoid yu sho'- nyangnu" mo dayug yhang: ti" ngoo bue" nyid. Hougsu" dayham" ri ge' bue" khyo" yo" khyoid yu sho'- ngoo gi byu aja" ja: bang: da" akhoug: moo: nyangnu" yo' dakhyoo" ti" danyid nyid.

Roma 9:23

Hau tho' mo gootu: Mangsoo: gi nyang: nheig khyeug nyid mo ri nya: da" joeb byeung" myonhoo: phung" yoeb ri shau" myang nhang: wa shid' re" vho: ngei nyid. Houg: bang: gi Mangso: da myo nhoo: phung" yoeb yo" bo vang kham: zoo: nhang: wa da" shid' re" - Mangsoo: nyang: nyheing too" mo, nyang: nghoid bye.

Roma 2:7

Ge da" moozoo" ri xo' zei lho: myonho: phung" yoeb ri we' ayo" shid: lo" da" pyaid ri we' -sho: nyid da" byu yi rigi - Mangsoo: gi - aphaid' ato: kangso' ri byid wa nghoid.

YOHAN 17:24

O" nga" phoo we"- Moug aphain" myid aphain" shi" mo Nang ngoori jheddab yoomo byid: to" da" myonhoo: phung" yoeb' ri Ngoori nang byid: too" mo, myang se' loo wa shid' re" ngoo nyid da" joyoo moo nyangnu" ri we' nyid nhang: nau.

YOHAN 17:9

Ngoo gi nyangnu" shid' re" akyu" mho' nyid. Mougmyid byu yi shid' re" akyu" mho' nyid zi anghoid. Nghoid loug we' nang ngoo ri ab byid: too" mo, shid re" akyu" mho' zi nghoid ciwim ga ri nyangnu" gi nang seing ci mo, nghoid.

YOHAN 11:52

He: zigi nyangnu" shid' re" za anghoid byo sain" nyid da" Mangso byumyu" yi bain sho' ri dadeing: daloem: za: bue" loo wa shid' re" we' nghoid nyid.

MATHE 24:31

Byu da" nya: zoo: gi laboo" zeing myeing: lo da" uri nya: da" moug: lagyoo: joem ri mougmyid myonhoo: myid: shoid khyoo nhang: kaid wigi Mougmyid dashoid mo zi dashoid khyoo thang sho' moo nyid da" Aseing khyen: too" mo, ri nyangnu" zeung: foem: nyid wa.

MATHE 24:24

Khasu" wim gari mhau' da" Meshia yo" mhau' da" Lapi: po" thu' lo lho: ge bue" rigi Mangsoo khyen: yu too" bye: mo, ri lang" khyoo yo" shu" vhang: sho'- alhoo: again mau" pho" moozoo" zeing yo"- zei: shug lo boem wa zi nghoid.

MATHE 24:22

Nghoidloug we' Mangsoo: gi hau: ayo, bidnyid ri ashoung" kaid nghoid rigi xangsu: byu yi hang" kangso' we yo" loid wa zi anghoid. Nghoidloug we' Mangsoo gi nyang: khyen: yu too" mo, shid re" hau: ayo, bidnyid ri shoung" kaid byid: wa nghoid.

DANG: ZHOEM 8:35

Ngoo ri shoug" shoo: su: gi Kangso, ri shau" shoo: wa Aseing we' nyang: ri vho: ngei nyid wa zi nghoid.

2 THESALONI 2:14

Mangsoo gi nanu" ri ngoonu" kho" kyo" da" hau: ngei bu: lu dang: khyo" wigi khe: yu zi nghoid bye- nyang: gi yha" da" Aseing Yesu myonhoo: phung" yoeb, khyo" nanu" kham: yu eung: da" gam, boem ri yo" yu goo" baja" ein: wigi khe: yu to" zi nghoid.

LUKA 18:7

Khyen: yu shau" nya: byu yi da" nyid" myen" bo pang" wa shid' re" yoid mho' ngau nyid boem nghoid rigi Mangsoo gi dang: akho: byid: loo: nyid wa la". nyang: gi houg: bang: ri pang" thoug byid: wa shid' re" nhe" nyid wa la".

1Korinthians 1:21

Khasu" wim ga: ri byu xangsu: yi gi nyang: nya: da" phajhi" juyi: yo' za: Mangsoo ri se' loo baja" ga:- Mangsoo gi nyang: phajhi" khyau" too" bye. Hau: da" gung khyoo: moo- Mangsoo gi ngoonu" kho" kyo" da" akoo" apyoid' da" mungdang: yo' loem" jeing" loo mo, ri khyoid yu wa shid re" myid phyed' to" abye.

2~KORINTHU 12:15

Ngoo gi nanu" ri pang" thoug wa ein: nghoid rigi ngoo yo" zi dangain" yo' nga" gungdu: lhang ri ci: yhoung: pyam wa zi vho: ngei nyid su: nghoid. ngo nanu" ri gye" jheddab yoomo nanu" gi ngoori dajhi' za: te" jheddab wa zi nghoid la".

2 TIMOTHI 1:1

Mangsoo nyang: myid' vho: ziyo' dakhyoo" ti"- Khristu Yesu da" lagyoo: bue" lho: Khristu Yesu yo' dadeing: daleom: za: bue" nyid yoomo ngoonu" yo" yu wa da" dang: soo" khoin" yo' sen: lho: kangso' khyoo: tid fu" kyoo" wa shid re" nhang: kaid' zi shau" su: ngoo Polu gi

2 TIMOTHI 2:1

Nga" zoo: we"- yha" da" Aseing: Khristu Yesu moo dadeing: daloem: za: bue" lho: wigi kangso' dei khyoo: mo yo" yu da" jeju" moo yoem: bo nyid we'.

TITU 1:1

Mangso join yo, Yesu Khristu da" lagyoo: ngoo Polu gi mougsoug" lhid" kaid. Mangsoo gi nyang: khyen: yu byu yi da" loem" jeung" khyoo: ri pang" thoug byid: wa shid re" we' Yha" da" loem khau: khyoo: moo jhoug" byid: da" deingmain" khyoo: ri shau" se myang sho' khyoo: toin" shid wa shid re" we' ngoori khyen: yu lho: nhang: kaid bye.

LUKA 22:57

Nghoidloug we' Peteru gi myiyi: zoo: nang we"- hau: yug ri ngoo asi lhe"- ga: ngeig pyam.