2 TIMOTHI 1:3 - Lacid Common Language Bible

³ Nga" phoug" phyid" yi koid yhang: ti" gyeungshang: da" e" myed yo' ngoo loemkhau: nyid da" Mangsoo ri ngoo coung" byid: nyid ngoo gi nyid" ri myen" ri akyu' mho' da" jang" moo nang ri ajang" daboin: so" nyid ziyo' Mangso jeju" ri boin: coung" nyid.

2 TIMOTHI 1:3 Referans Kwoze

HEBRE 13:8

Yesu Khristu gi anyi nab, akhid" nyid"- thang: phyang" apyaid atoo: moo we' - dakhyoo" ti" danyid nyid.

ACTS 23:1

Polu gi Yuda tarha" yabdo, goin" bang: ri yu" zhug to" lho: Nga" mang: nhung" Israela byumyu" yi we" - akhid" nyid" ju" sho' ngoo gi Mangso da" shid' khoin" moo nheigloem: gyeing: gyeing: za: kang: so' dei, lid loo bye- ga: tid.

ACTS 24:14

Shoid ga: nyangnu" tid da" houg: khyoo: ein: da" phung: loem khau: da" khyoo: moo cang yhe: khyo" wigi-Ngoo gi nyangnu" phoug" phyid" yi da" Mangsoo ri noku nyid ein: - he: khyoo: rigi re" shid' khoin" moo ngoo yhen: yu bye. Nghoid loug we' ngoo gi Moshe tarha" yo' lapi: yi da" mougsoug" joem moo lhid" to" khyoo: dangain" ri loem, khau: cang pyeung nyid.

1 TIMOTHI 1:19

Hau: tho' moo gootu: nang moo loem" jeung" khyoo: yo' gyeungshang: da" boin: gyeing: se' nheigloem: bo jo, baja"- byu dayham" bang: gi houg: yhang: te"- gyeungshang: boin: soo" se' da" nheigloem: soozoo: wigi tid poin" tid kyeung ziri atam" gyo: boem yoomo nyangnu" da" loem" jeung" nheigloem: ri lhu: phyo' pyam' boem ago".

1 TIMOTHI 1:5

Hidsu" pyeung: to" da" myid soin', khyoo: gi gyeungshang: nheigloem: khoug: mo thu' lo da" phug soo" lheig se' myid yu" da" e" myed, yo' akug ase' void loem" jeung" khyoo: mo thu' lo da" jheddab da" nheigloem: ri nhau" to' kaid' wa shid re" nghoid nyid.

ACTS 24:16

Hougsu" nghoid yoomo ngoo gi Mangso shid' khoin" moo we' - byu yi da" shid khoin" moo we' nheigloem: gyeing: gyeing: za: nghoid wa shid re" khanham we' ge bue" yhi' mo yoem: kaid' nyid su nghoid.

ACTS 22:3

Ngoo gi Kiliki mung" Tarshu voogung moo khu: lo da" - Yuda byu dayug nghoid. Nghoid loug we' he: da" Yerusalem voomoo" mo Gamale da" jung nu" dayug khyo" nyid gyi: loo su: nghoid- nanu" da" phoug" phyid" yi da" tarha" khoug: moo thain: khyo" jhoug" byid: ziri we' - ngoo kham: yu lo yu" bye. Akhid" nyid" hid: moo nyid boem da" nanu" dangain" mo, yo' dakhyoo" ti" ngoo we' Mangso shid' moo kang: lung bu lo yu" su: nghoid bye.

2 TIMOTHI 3:15

Nang gi zoonu" pyaid mo nyang:- se' da" akhyoo" bo jo, wigi Khristu Yesu ri loem" jeung" khyoo: yoomo khyoid yu khyoo: ri shau" yu wa shid re" khyoo: shed' vhu" she: da" hau: gyeungshang: da" jhoem: mougsoug" ri goolhoo" za: si' bye: su nghoid ziri we' daboin: nyid we'.

2 TIMOTHI 1:5

Nang gi re" phyid" Lu-i yo' re" myhi, Uni moo xang: shed" bo jo, afain" avo da" - loem" jeung nheigloem: nang moo bo jo, ziri ngoo boin: nyid. Nya: eig yug moo bo jo, da" loem" jeung" khyoo: gi nang moo we' bo jo, wa ziri ngoo loem, nyid.

1THESALONI 3:10

Ngoonu" gi nanu" yo' myo, moo gyo, nyang: shau" myang goo" wa ziyo' nanu" da" loem" jeung" khyoo: moo ca" nyid shi" gu: ri joeb, byeung" loo nhang: wa shid re" ngoonu" da" e" myed, dangain" ziyo' nya: jhang mho' nyid boem.

Ephesu 1:16

Nanu" da" shid mo Mangsoo ri anoo: ayab, jeju" boin: zoore"- nga" akyu" mho' jang" moo nanu" ri daboin: so" nyid.

GALATI 1:14

Yuda noku thung" ri khyag cang zei: lo khyoo: moo ngoo gi nga" da" byumyu" mo, yam: cang" yi myoo: sho' bang: tho' moo jain" lho: wigi nheigloem: zug ci: ziyo' phoug" phyid" yi da" jhoug" myeing" joem ri cang pyeung lo yu" bye: zi nghoid.

2~KORINTHU 1:12

Ngoonu" da" nheigloem: khoug: moo gyeung" nyang: phau: khuang wa khyoo: dakhaid bo. Hau: zigi he: da" moug: myid tho moo ngoonu" da" kangso' dei nyid khyoo:- je" wigi nanu" yo' tei" xo' zoem" khau: da" khyoo: moo byu da" se' yeug khyoo: moo anghe: khoug: loo: za: Mangso da" jeju" yoem: vhoo" khyo" ngoonu" gi Mangsoo byid: da" deungmain" gyeungshang: da" nheigloem: gye" myed wigi vhoeb khang" khyo" moo" zei: lo" khyoo: nghoid.

Roma 9:1

Ngoo gi Khristu yo' nyid. Ngoo amhoug - main" da" dang: ri tid. Ngoo main: da" dang: ri da tid da" khyoo: gyeungshang: da" Venyi: vhoeb' khang" khyo" wigi nya: ung: jeung" nheigloem: gi thangcab nghoid.

ACTS 27:23

Khasu" wim gari Ngoo noku nyid da" nga" Aseing: - Mouglagyoo: dayug gi amain' nga" jang" moo ju" re" lho:

ACTS 26:4

Ngoo gi zooyam, pyaid mo khasu" kang: so' dei nyid lid lo da" khyoo: ri Yuda byumyu" yi dangain" se' boem ago". ngoo gi xang: shed" ayo, moo ngoo nyang: khu: lo da" meing: moo nyid lho: hau: thang: rigi Yerusalem voomoo" moo- nga" da" pyaid goin" nyid lo da" khyoo: ri nyangnu" se' ago".

1 SAMUELA 12:23

Ngoo koem gi nanu" da" shid mo akyu" amho' byid: nyid loo: nghoid yoomo Aseing ri ngoo shoid bye: khyoo: ri Aseing gi khyam" sa: byid: nyid baja". Hau: gungthid nanu" cang yhi: wa shid re" kha: zigi ge ziyo' deingmain" khyoo: nghoid ga: ziri ngoo nanu" ri jhau" byid: wa zi nghoid.

1 TIMOTHI 5:5

Lo, ti" phyeug lhoo: nyang: ri yu" goin, coung: wa byu hang" aboo lo: da" cougmoo" myhi, gi Mangsoo ri myid' loin" nyid ziyo' nyid" ri myen" ri akyu mho' nyid wigi Mangso pang" thoug wa ziri vho: ngei nyid.