2 TIMOTHI 1:12 - Lacid Common Language Bible

¹² Hau: khyoo: yoomo he: da" kyi" khyeug shid: gyoin, noo gyoin khyoo: ri ngoo yo" kham: yu nyid zi nghoid. Nghoid loug we' nga" da" loem, khau: nheigloem: gi ngoo moo byeung" sho' bo jo, Khasu" wim gari Ngoo hang" ri loem, khau: nghe: nyid zigi ngoonyang: se' nyid ziyo' ngoo, nyang: ri ab, byid: to" da" ziyoo dangain" - hau: bidnyid ju" sho' zung" lhug goem, coung; too" byid: wam bye" ein: ngoo nheig shid' nheig deug nyid bye.

2 TIMOTHI 1:12 Referans Kwoze

2 TIMOTHI 1:8

Hougsu" nghoid yoomo ngoonu" Aseing: da" shid re" sagsi: kham, jang" moo asho' gyoug nyid, thung: loung" jo, su: ngoo yoomo we' nang asho' nyid Mangsoo gi hau: khyoo: ri zei: wa shid re" yoem: so' byid: to" bye: ziyo' dakhyoo" ti"- hau: ngei bu: lu dang; yoomo kyi" khyeug jam jau kham, da" khyoo: moo ngoo yo' dage" shoin" kyi" khyeung nyid goo"

YUDA 1:24

Nanu" ri ajhoid leung nhang: sho' zung" lhug byid: su: yo' ce: yooboo we' aboo nhang: loo: za: gau, yi ngei pyo: ziyo' myonhoo: phung: yoeb, doug bang da" Aseung: shid' khoin" khyoo: - yo" shu" vang yi su.

1PETERU 4:19

Hougsu" nghoid nyid yoomo Mangsoo byid: to" ziyo' dakhyoo" ti"- sho" jhen: jam jau shau" mo, gi ge da" moo" ri zei: lho: nya: dang: thang" cab, ri zei pyeing byid: su: da" lo, moo nyangnu" da" kangso' ri ab, pyam ca.

2 TIMOTHI 4:8

Akhid" mo wigi deingmain" da" tarha" agyi ein: da" hau" Aseing: gi tarha" dang: phyed' da" bidnyid moo ngoori byid: wa nghoid da" hau: deing byeung" da" kangso' dei khyoo: yo' sen: da" oung: doid lo" bidmug gi nga" shid re" shoung: too" bye- ngoori za: we' anghoid- nyang: doem, ju" ri" wa da" khyoo: ri vho: ngei ziyo' lang" nyid bang: dangain" ri we' ab, byid: wa zi nghoid nyid.

HEBRE 7:25

Hougsu" nghoid nyid yoomo-nyhang" gi nyang: ri loem, nghe: khau: lho: Mangso jhang khyoo: yu: tain" vang loo bang: ri-khanham we' khyoid khyu: yu wa da" yoem: moo" bo nyid. Khasu" wim gari" nyang: gi nyangnu" nya: shid re" -Mangso jang" moo mho' tung" bain: byid: wa shid' mo khanham we' dadei nyid.

1 TIMOTHI 6:20

Timothi we"- nang ri ab, byid: to" da" aya: ri goolhoo: za: zoem: shoung: too" we'. Aco' ajhoid da" khoin" co, loeb, khyoo: ri we' phajhi" dang: nghoid ga:. byu jha" bang: tid shoid' myid da" akoo" afang: ga: ngeig goo" yang: go" dang: ri we' jang" pyam' nyid we'.

NAHUM 1:7

Aseing gi ge zi nghoid. Nyang: gi nya: byumyu" yi yau: khi" zi shoug" nyid da" uri goem loem byid: nyid. Nya: jhang khyoo: lheung: loo mo, ri nyang: gi yu" goin yu" coung: nyid.

Roma 1:16

Ngoo gi ngeibu lu dang: ri nheig shid: nheig deig loem jeung" bye. Hau: lu dang: gi loem" jeing" mo, dangain" da" Yuda byumyu" yi yo" ngheizain byumyu" yi ri xang: shid" khyoid' yu da" Mangsoo: yoem: so' phung" yoeb nghoid.

MATHE 24:36

«Houg: su" nghoid loug we' He: da" moozoo" bue" loo wa da" ayo, bidnyid rigi nga" phoo mo lid' lho: hang" we' asi- mougkhung moo nyid da" lagyoo: yi we' asi- nya: zoo: we asi.

1PETERU 1:5

Hau: agyid asoo: gi nanu" shid' re" nghoid- nanu" gi loem, khau loem" jeung" yoomo Mangso yoem: so' yo' lo" thang bidnyid moo yo" toin' shed' wa jen" bye: da" khyoid yu khyoo: yoo" sho' zung" lhug zi shau" mo, nghoid ago".

COUNG" NGHEI 25:2

Nga" da" Mangso- ngoo gi nang ri za: loem khau: nyid. Joem: lo" lho: sho' thu da" khyoo: mo ngoo ri khyoid yu we'. Nga" gyivoo joem gi ngoo ri ayu" juang" nyid nhang:.

2 TIMOTHI 1:18

Aseing: gi nyang: ri hau: tarha" dang: phyed' da" bidnyid moo nheig khyeug khyoo: byid: baja"- Ephesu voogung moo nyang: gi ngoori khayhi' pang" thoug bye: khyoo: ri nanyang: goo" lhoo: si' bye.

PHILIPI 3:21

Nyang: gi jo, moo jo, ri nya: vhoo: moo yo" kaid' pyam da" phung" yoeb, yoem: moo" bo nyid ziyo' dakhyoo" ti"- ngoonu" da" shid: loo" se' gung du: joem ri thed' pyam' lho: nya: da" myonhoo: phung" yoeb bo gung du: yo' du goo" sho' aseig thid' byid: loo wa zi nghoid.

COUNG" NGHEI 9:10

Aseing we" nang ri si bang: gi nang ri loem" jeung" loem khau: lo boem wa zi nghoid. nang gi re" jhang khyoo: tain" tab, loo bang: hang" ri we' alhoem: khaid pyam.

ESAIA 12:2

Mangsoo gi nga" khyoid yu aseing nghoid ngoo gi nyang: ri khoug nghe: lho: ngoo agyug nghoid da:. Aseing gi ngoo ri yoem: so' yo' yoem: boo nhang: da:. Nyang: gi nga" khyoid yu Aseing nghoid da:.

2 TIMOTHI 2:9

Khasu" wim ga: ri ngoo gi hau: ngei bu: lu dang: kho" kyoo" yoomo kyi" khyeug zi shau" nyid. youg: shau" jhen: bo nyid su: yhang: ti"- myheug tei" to" zilang" thoung" shau" nyid. Nghoid loug we' hau: Mangso da" mungdang: koem gi myheug tei" too" shau" nyid zi anghoid.

PHILIPI 3:10

Ngoo gi Khristu ri yo" se' lo khyoo: Nyang: doem dei to'' lo da" yoem: vhoo" ri shau" myang kham, zo: wigi ngoo nya: gung du: nyang: shid: jang" mo doem dei to'' yu wa ziri nheig byu zoore- nya: da" shid: kham: ziyo' du goo" wa ziri za: ngoo vho: ngei nyid.

PHILIPI 3:8

Mau: tho' moo gootu- nga" da" Aseing Yesu Khristu ri yo" se' boin: gyeung: lo da" khyoo: gi gu, jhoo: aphoug" dangain" tho' moo je" phoug" dab, thang zi nghoid yoomo ngoo yoo" mayoo" dangain" gi soem" pyam' bye" ein: soin: pyam bye- ngoo yoo" mayoo" dangain" gi soem" pyam bye- ngoo Aseing: shid' re" nga" ziyoo jonu" dangain" ri she: pyam' bye- Khristu ein: da" amyaid' ri yo" yu wa ziyo' Khristu yo' dadeing: daloem: za: yo" bye" loo" wa shid re" jo, moo jo, ri joid' nhoin soid' boem ti" soin: pyam bye.

1Korinthians 3:13

Byu yug khang" mo" da"-zhang qei" do, lo" khyoo: ge age ein: da" khyoo: gi Khristu da" bidnyid moo: thoid pang shug wa zi nghoid. Houg: su" kyeung shoug loo wa nghoid yoomo- hau: myi: gi byu yug khang" mo" da" moozoo" ge age ziri:- nghe, kyeung shug wa zi nghoid.

YOHAN 17:15

Nyangnu" ri he: mougmyid mo shu" thu' loo" wa da" shid' re" ngoo mho' nyid zi anghoid. Nyangnu" gi akhyeing" su da" lo, mo zung" lhug byid: wa shid' re" za: ngoo mho' nyid.

MATHE 12:21

Byumyu" bain sho mo da" nheig nhei: jang: gi nyang: moo za: dajo, jo, wa.»

ESAIA 54:4

Agyug- nang ngi: yoem" zi doem shoug" wa zi anghoid. Nang nyhoem: khyo' pyam zi shoug" wa zi anghoid. Apyaid nge da" yhoem: seing: myhi' yo' dakhyoo" ti" re" da" jhug azug ziri yo' Cougmoo" myhi' yhang: ti" re" da" nheig kyoo" nheig nge bue" ziyo' nheigloem: gyau: ziri nang to" myhid pyam wa.

COUNG" NGHEI 31:5

Ngoo gi ngoo nya: gung du: ri re" da" lo, khoug: moo: ab too" bye:. Aseing nang gi ngoo ri khyoid yu wa zi nghoid. Nang gi nga" deingmain" da" Mangsoo nghoid nyid.

Roma 9:33

Jhoem: mungdang: moo- Tam" gyoo: ge' - byu yi thoung" thoe: leung loo" nhang: wa shid' re" lug daloem: ri Zion boem tho' moo ngoo zhug too" wa. Byu yi gi hau: lug loem: ri thoung" lho: leung: loo" goo" wa. Nghoidloug we' hau: lug loem: ein: da Khristu ri nheigloem: ung: khoug: bain" sho' loem" jeing" su: gi - Khanham we' nheigloem: byo loo" wa zi anghoid.- ga: wigi bo jo da.

1PETERU 4:16

Nghoid loug we'-Khristain byu dayug nghoid yoomo shen" yhen zi shau" nyid nghoid rigi ce: sho' cang aboo. Khristu da" myeing voin, su: yo" bui' yoomo Mangsoo ri jeju" boin: nyid ge'.

HEBRE 12:2

Ngoonu" da" loem" jeung" khyoo: ri Apoem: mo aphyoo" thang loo" sho' joeb, byeung" nhang: su:- Yesu Khristu ri yu" zhug too" shang. Aseing: gi nyang: kham: yu wa nghoid da" hau: gau yi, ngei bu: khyoo: yoomo hau: pyang" zeing moo kham, shid: khyoo: ri asho' agyug loo za: kham: yu lho: akhid" Mangso lo, yo shoid mo zhung: tang moo lo" zhoung: jo, bye.

HEBRE 2:18

Akhid" nyang: gi Lahung" thoung" shau" zoore- nya: gung nyang: kyi" khyeug khyoo: shau" kham: yu bye: yoomo lahung" thoung" shau" mo, yo' kyi" khyeug zi shau" nyid mo, ri yo" pang" thoug nyid. .

1THESALONI 2:16

Tung: bau byumyu" yi khyoid yu zi shau" wa shid re" houg: yo' sen: da" mungdang: ngoonu" dakho" kyo" ri lang" nyangnu" gi toung: nghoed, pyam wa shid re" yoem: kaid' lo boem ago- he: lid khyo" nyangnu" shoid vhang: lid lo yu" bye: da" yooboo joem ri joeb, sho' koid boem abye: go"- Houg: yoomo lo thang jang" moo gi Mangsoo nheig yo: da" khyoo: gi nyangnu" da" atho' moo ju" gyo" loo bye.

PHILIPI 1:20

Ngoo gi khanham we' ngoo nya: yoovoin moo sho' athu sho' ayo, khang" moo" moo nghoid loug we' je" wigi akhid" uri nghoid loug we' agyug avoem da" yoem: vhoo" azeing yo' byeung" jo, zoore"- ngoo gi dei nyid loug shid: loo" loug we' nga" da" kangso' gyung: khyoo: bain sho' moo Khristu da" myonhoo: phung" yoeb, ri bang thu loo nhang: wa da" khyoo: gi nga" da" vho: ngei thang ziyo' nheig byu khyoo: nghoid.

ACTS 21:13

Nghoid loug we' polu gi nanu" cenoem wim wigi hid: su" ngau, lho: ngoori shoo" byo, nhang: go" lha". Ngoo gi Aseing Yesu gang mo Yerusalem voomoo" moo tei" zi shau" wa shid re" za: we' anghoid- shid: wa zi lang" gi jen" jen" nghoid bye"- ga: phoug tu.

ACTS 13:50

Nghoid loug we' Yuda byumyu" yi gi Mangsoo ri noku coung" nghei mo, nghoid da- Byu nyid azhang" myhang: bye: da- tungbau byu myiyi: yi ri we' hau: voogung moo vhu" jhung: koid nyid mo, ri we' myid lhu: zhuang" to' kaid ago". Houg: lang" nyangnu" gi Polu yo' Barnaba eig yug ri shen" yhen lho: nya: eig yug ri nyangnu" da" mung" mo khaid thu' kaid' ago".

ACTS 13:46

Nghoid loug we' Polu yo' Barnaba eig yug gi je" ri agyug avoem, loo: za: Mangso mungdang: gi nyangnu" rishi" - xang: shed" tid kyoo" wa da" khyoo: eung: nyid. Nghoid loug we' nyangnu" gi hau: mungdang: ri ngeug pyam lho: hau: apyaid' atoo: mo, kangso' yo' amoin: yi" ga- nyhang: nu" nyang: dang: zheung: phyed' yu lho: nga" eig yug gi nanu" ri too" kho' lho: tungbau byu yi jhang khyoo: yhe: loo" wa zi nghoid.

ACTS 9:16

Nga" myeing yoomo nyang: dayam, dayoo: kham, zoo: ca" gu: ri dangain" ngoo, Nyang: ri toin" shid' wa nghoid- ga: tid.

ACTS 7:59

Nyang: nu" gi Stepain ri houg: su" lug go' wigi du" go" nyid da" uri stephain gi Aseing" we" Aseing: we" - nga" Venyi ri kham: yu byid: we' ga: Aseing: ri mho' yoid nyid.

YOHAN 6:44

Ngoori nhang: kaid da" phoo Mangso wigi amhoid" shu" lo rigi hang" we' nga" jang" moo ayo" loo. Nga" jhang ju" loo su: ri ngoo gi lo" thang da" bidnyid moo shid: jang" mo doem dei to'' loo nhang: wa.

LUKA 23:46

Yesu gi O" nga" phoo we"- Aseing: da" lo, moo nga" Venyi: ab byid: bye" ga: thui: zeing: yo" gyi" sho' nyho: lho: kang: gyoo" khari" bye.

ESAIA 50:7

Nghoid loug we' yoem: moo" bo Aseing wigi ngoo ri pang" thoug byid: yoomo nyangnu" rue" zigi ngoo ri dam ayo" tab nghoid da:. Ngoo hau: joem ri yo" zeing: kham: wa ngoo nya: gung ngoo nyang: zeing: ci: da:. Ngoo ngi: ayoem" wa ziri ngoo se'.

COUNG" NGHEI 56:9

Ngoo nang ri yoid khe: nyid bidnyid moo nga" gyivoo joem gi zoid phang: lo" boem wa. Mangsoo gi nga" shoid khyoo: bo nyid ziri ngoo se'.

1THESALONI 5:4

Nghoid loug we' mang nhung yi we"- nanu" koem gi moug coid khoug: moo nyid nyid, mo, anghoid boem lo: yoomo hau" Aseing: doem ju" re bidnyid gi khoug" su: yhang: ti" nyid, dain' tung" nanu" ri re" myhi: wa zi nghoid.

LUKA 10:12

Ngoo deing" deing tid nau zigi tarha" dang: kho" da" bidnyid moo Sodom voo tho' re- hau: voo je noo: wa ga: tid.

MATHE 7:22

Hau: bidnyid moo ‹Aseing we"- Aseing we"- ngoonu" re" da" myeing yo" tarha" we' gye" kho" boem bye:- re" da" myeing yo" yu khaid pyam' ziyo' re" da" myeing mo mau" pho" moozoo" ri gye zei: boem bye: anghoid la"› ga: myoo" sho' mo, ngoori tid boem wa.

1Korinthians 1:8

Ngoonu" da" Aseing Yesu Khristu doem ju" re" wigi- Tarha" dang: phyed' lo da" bidnyid moo- yooboo foin: cang aboo loo: sho'- nyang: gi nanu" ri lo" thang moo: ju" sho'- geung: teung jo, nhang: wa zi nghoid.

2 TIMOTHI 1:14

Nang ri loem, wigi ab, byid: too" bye: ge, da" ziyoo joem ri nyhang" moo bo loung" jo, bye: da" hau" gyeungshang: venyi yoem: so' khyo" dazoem: ci: nyid we'.

2 TIMOTHI 1:16

Hau" Aseing: gi Onesiphuru da" yhoem: bang: ri jeju" dabyid: nyid baja" Khasu" wim ga: ri nyang: myoo" sho' lheing:- ngoori nheigloem: yoem: yo" yu nhang: bye: wigi nyang: gi ngoo thung: loung" khyoo: ri asho' su: nghoid.

TITU 3:8

He: da" dang: gi dang: deing khoin" nyang: nghoid bye:- Mangsoo ri loem, khoug: bang: gi byu yug khang" mo" shid mo akyu" bo lho: ge lho da" moo" ri zei: wa shid re" ayo, byid: wa khyoo: ri gooki" lid' ayang: koid lho: jhau" shed nyid wa ziri ngoo vho: ngei nyid.