2PETRU 3:4 - Lacid Common Language Bible

⁴ Ngoonu" da" phoug" pho, gi shid: lid lo" boem bye. Nghoid loug we' dangain" gi moug: myed ri phain" da" bidnyid mo dakhyoo" ti" da nghoid nyid shi" nhung: lha"» ga: wigi myed: lo boem wa nghoid.

2PETRU 3:4 Referans Kwoze

YEREMIA 17:15

Byumyu" yigi ngoo ri «Aseing wigi ngoonu" ri thougtheung kyug nhain' da" dang: joem gi khayoo: la". Akhid" nyang: hau: ziri ci: shug baja"» ga: tid.

MALAKHI 2:17

Nanu" gi Aseing ri gyo: ngheing" sho' phibu pu' nyid boem wigi «Ngoonu" gi nang ri ce: ja: mo phibu pu' nyid lha"» ga: myid: nyid boem. Houg: lho: nanu" gi akhyeing" moo" ri zei: nyid mo, hang" we' myhang: thang da" Aseing shidkhoin" moo ge nyid zi nghoid nyang: gi akhyeing" da" moo" zei: nyid su: ri we' jheddab nyid» ga: tid ago". Hau: tho' moo gootu: nanu" gi «Deingmain" da" Mangsoo ga: zi khayoo: nyid» ga: tid nyid ago".

LUKA 12:45

Nghoidloug we' gyeing" nyang: ga: rigi hau: da" dei zoo: gi nga" da" yhoem: seing: doem loo wa zigi myang" shi" wa ga: nheigloem: moo myid lho: wigi dei zoo: myhi, langjhang phoo yi ri baid nhoug zo: yed shug yed dakoid nyid.

PHAJHI" DANG: 8:11

Byu yigi ciwim yoomo yooboo sho: moo" ri lei lei za: koid thu boem loug la". Ciwim gari yooboo moo" ri yooboo dam myab abyid: boem yoomo nghoid da:.

MATHE 24:48

Nghoidloug we' hau: da" deizoo: gang: dayug gi nya: yhoem: seing: gi myab doem loo wa zi anghoid- myang" shi wa ga: myid nyid.

1THESALONI 2:19

Ngoonu" da" Aseing Yesu doem ju" re" uri nya: shid' khoin" moo gooji hang" we' anghoid- nanu" kyeing" za: ngoonu" da" nheig byu gau yi joyoo yo' oung: doid lo" da" phau: khuang bidmug nghoid nyid.

APOEM AYANG: 19:14

Houg: lang" Lod gi nya: zoo: tang: ri yu wa zoo mo, tang: jhang yhe: lho: «Myab too' ge' hid: mo thu loo" loo shang. He: joyoo ri Aseing gi phyo' shoin' pyam wa bye:» ga: yhe: tid. Nghoid loug we' nyangnu" gi Lod ri zoozi" re" ze" nyid ga: jho: boem.

MARKU 13:19

Khasu" wim ga: ri Mangsoo phain" to" da" moug myid jo, shid" jang" mo akhid" nyid" ju" sho' abue" yu" shi" ziyo' thang" phyang" kha" nham we' abue" yu" loo wa da" yaukhe" kyi" khyeug khyoo: gi hau: bidnyid gyoo: moo bue" thu loo wam bye.

PHAJHI" DANG: 1:9

Shid phyang" bue" lid: lo bye: zigi doem bue" loo wa. Shid phyang" koid lid: lo bye: ziri doem koid ri" goo" wa. Da moug: gyab goin" moo aseig ci: we' ajo,.

Pang Shug 3:14

Ladoki phung da" mauglagyo: jhang khyoo: hidsu" ein: lhid" we' He: da" mungdang: gi Mangsoo phain" to" da" ziyoo dangain" da" apoem: ayang: geung: teung jo, ziyo' deing byeung" da" sagsi: phoo- Amen, ga: su: jang" mo mungdang: nghoid.

EZEKIEL 11:3

Nyangnu" gi ‹Ngoonu" khamyhang amyang" ri yhoem: joem: ri doem zhug wa. Voomoo" gi zooxoin" oug" yo' du wigi ngoonu" gi hau: akhoug: mo shoo" yhang: ti" nghoid loug we' hau: zigi neing: thang ngoonu" ri myi: mo goem loem byid: wa› ga: tid da:.

MARKU 10:6

Jhoem mungdang; moo tid ziyo' dakhyoo" xang: shid" mo phain" so: to" uri gi Mangsoo gi yug gi yo" myi yi: ri phain" so: too" bye.

MATHE 24:28

«Mang leung jo, da" khyi' khang" moo" moo Langda joem we' zheung: foem: boem wa nghoid.

MATHE 16:27

Byu da" nya: zoo: gi Nya: pho, da" myonhoo: phung yoeb bang ri void' ci: lho: Mouglagyoo: yi yo" dage" gyoo" loo wa. Hau: da" bidnyid ri mougmyid byu yi dayug yo" dayug ri nyang: nyang: koid: da" moozoo" yo' dakhyoo" ti" doem tau" byid: wa zi nghoid.

MATHE 16:28

Ngoo nanu" ri deung" deung" tid ba,- he: joyoo moo nyid mo, dayham" gi Byu nya: zoo: ri khokham" khyo" nyang gyoo" lo zi amyang shi" rigi ashid: goo" wa» ga: tid.

ACTS 7:60

Nyang: gi poid' thug thoung lho: Aseing: we" - nyangnu" da" yooboo ri axoem" too" byid: o" ga: nyho: kaid' - he: dang: bain tid lang" Stephain gi kang: gyo" loo" bye.

2PETRU 3:12

Nanu" gi Mangso da" bidnyid zeing ri dalang" nyid boem da"-khyoo: moo phyed' ju" loo: baja"- gethang khyo" yoem: kaid thoug shang" zoore" dalang" nyid ge'. Hau: bidnyid moo moug: khung: mougdi joem gi nge" kyu" wigi byo, yoin" pyam wa. Moug khung: mo, bidbang gungdu: joem we' soung ngi" yoo mo. yau, yu: loo" wa zi nghoid.