2PETRU 1:7 - Lacid Common Language Bible

⁷ Tarha" phau" cang jang" moo mang: nhung" ri jheddab zi mang: nhung" ri jheddab tho' moo" - athang agoin zi dakaid loung: nyid ge'.

2PETRU 1:7 Referans Kwoze

HEBRE 13:1

Nanu" gi khristain mang: nhung" nyang: cang" nghoid ziyo' dakhyoo" ti"- nyang: cang" nyang: jheddab go" nyid ge'.

Roma 12:10

Nanu" dayug yo' dayug gi mang: seing: nhung" seing: ri yhang: ti" jheddab kang: tei" go" nyid ge'. Dayug wigi dayug ri coung" byid wa so' phyed' nyid ge'.

1THESALONI 3:12

Nyang: cang" nyang: da" atho' moo we' byu gooji yi dangain" bang: da" atho' moo we' nanu" to" to" da" jheddab nheigloem: gi je je gyi: lo wigi Hau: da" jheddab nheigloem: gi nanu" da" atho' moo ngoonu" to" to" da" jheddab nheigloem: yo' dakhyoo" ti"- gyi: loo wa shid' re" - Aseing: gi nanu" ri pang" thoug byid: baja" o.

GALATI 6:10

Hougsu" wigi ngoonu" gi ayo, akhyeing: bo jo, shi" uri ge bue" da" ayo, yoo" khang" moo"- byu dangain" mo, shid re" ge lho, da" moo" ri zei: nyid boem shang nghoid loug we' loem" jeung" da" ikoin deungkhu: yi shid re" je" wigi zei: nyid boem shang.

1YOHAN 3:16

Khristu gi yha" da" gung leig xoin" khyo" - nya: kangso' ri xoin" to' pyam byid: bye yoomo jheddab nheigloem: gyeung" zigi cite" zi nghoid ein: ziri gi ngoonu" se' boem bye. Houg su" nghoid yoomo ngoonu" we' mang nhung" yi shid re" ngoonu" kangso' xoin" to' pyam wa zi gi ge byid bye.

1YOHAN 3:14

Ngoonu" gi mang nhung" yi ri jheddab nyid bye yoomo ngoonu" gi shid: jo, jang" mo dei nyid shoid khyoo: yo" rhue, lid loo" bye: ziri ngoonu" se' boem bye nya: mang nya: nhung" ri ase' jheddab su: gi hau: shid: lo" da" yoem: so' khoug: moo danyid nyid shi" su nghoid.

1PETERU 2:17

Byu danghoid moo nghoid rigi phau" myang: nyid ge'- loem" jeung" da" mang nhung" gootu: yi ri jheddab nyid ge'- Mangsoo ri gyoug phau" nyid ge'- Khokham" yi riphau" myang: nyid ge'.

1PETERU 1:22

Nanu" gi deingmain" da" tarha" ri cang so" loo" yoomo nanu" da" nheigloem: ung: khoug: ri ced" yung ced" lho, wigi nanu" nyang: cang" we' nheigloem: ung: khoug: bain sho' yo' jheddab go" nyid ge'.

KOLOSE 3:14

Hau" yoem: so' dangain" da" atho' moo joeb, byeung" da" nheigloem: shikain" shoin" khyoo: bue" loo sho'-houg: dangain" tho' moo ziyoo jo, moo jo, ri yo" myeug deung: da" jhed' khyeing: kang: khyeing: ri pug void ci: ge'.

1PETERU 3:8

Lo" thang moo tid shed' nau da" khyoo: gi nanu" gi e" myed, nheigloem: daloem: za: dabo nyid ge'- dayug yo' dayug nheig khyeig shoo" myen: go" nyid ge'. dayug yo' dayug gi mang: kang nhung" kang yi yhang: ti" jheddab go" nyid ge'. nheig se' khyeug da" nheigloem: bo nyid ge'. khyo, nyhoem: ziyo' zoem" khau: nyid ge'.

1THESALONI 5:15

Hang" ri nghoid loug-shoid' su: ri shoid khyo" latoo: aphug goo" goo"- nanu" nyang: cang" moo we' byu dangain" bang: shid' re" we' ge da" moo" zei: wa jang" moo nanu" da" nheigloem: moo khanham we' soin' jen" too" ge'.