1 TIMOTHI 6:10 - Lacid Common Language Bible

¹⁰ Khasu" wim ga: ri ngei myo, no, da" khyoo: gi akhyeing" ashoeb, khyoo: aja: ja: ri bue" thu' loo nhang: da" nei yang: nyang: nghoid bye. Byu dayham" bang: gi hau" ngei ri yoo" wa shid re" nheigloem: gye" zhu: vho: ngei nyid boem yoomo loem" jeung" khyoo: mo vhang: lo" boem ziyo' koug shu: khyoo: aja: ja: yo' nyangnu" da" nheigloem: ri gyau: moin" loo" nhang: nyid boem ago".

1 TIMOTHI 6:10 Referans Kwoze

DANG: ZHOEM 1:19

Lhoid zoo: lhoid shoug da" moo" zoo" gi:-lhoid zoo: lhoid shug mo da" kangso' khyoo: ri tid fu" byid: nyid. Athoug" akhyoug: khyo" dei nyid mo, da" shidkhoin" moo: bue" nyid da" moo" nghoid.

1 TIMOTHI 6:9

Nghoid loug we' yoo" noug di noug mo, gi mhoid" jhu, phyo' da" zi shau" boem ziyo' akoo" afang: koid boem ziyo' shid: gyoin, noogyoin, ze" bui" nhang: da" vhoo: boo myo, no, da" khyo: myoo" sho' ja: mo joem: duang: khuang" moo gyoo" loo" se' boem ago". Hau: zigi nyangnu" ri byo, yoin" soem" lo" joem: duang: khyoo: she: vang lo" boem abye: go.

COUNG" NGHEI 32:10

Akhyeing" ashoeb mo, gi- myid myoo: ung: loug khyoo: shoug" lo boem wa. Nghoid loug we' Aseing ri loem khoug: mo, gi nya: da" geung: teung jhed khyeing: kang: khyeing: wigi coung: goem byid: zi shau" boem wa zi nghoid.

TITU 1:11

Nyang: nu" da" tid sang: nyid boem da" nhoid ri nghoeb pyam' byid: boem ca" bye. Ci: yoomo gari nyangnu" gi age jhoug" byid: da" khyoo: ri zheung: jhoug" byid: boem wigi yhoem: goin" goin" ziri byo, sain" loo" nhang: pyam' boem ago". Hau: khyoo: dangain" gi nyangnu" da" asho' ashid: ngei sho: khyoo: za: nghoid nyid.

DANG: ZHOEM 1:31

Hougsu" nghoid yoomo nang koid ziyo' dakhyoo" ti"- shoug" kham: yu wa zi nghoid wigi nanyang: koid moo" zoo" gi nang ri amyen akhyoid shen" yhen zi shoug" nhang: nyid.

YUDA 1:11

Nyang: nu" shid' re" khayhi' gyoug pho" zi nghoid lha". nyangnu" gi Ka-in so" da: khyoo: moo cang lo" boem bye. ngei yoomo Balam shoid vhang: da" yooboo ri bo bain' shoid pyam abye: go- Ko" ra, yhang: ti" thoung" shau" yoomo byo, yoin" loo" nhang: bye.

ESAIA 56:11

Nyangnu" gi khanham we' atho' tham: da" mhain: da" lakhuid" yo' du da:. He: vhujhung: yigi se' gyo: khyoo: ajo, nghoid da:. Nyangnu" mo yugkhang" moo" gi nyang: vho: ngei ziri koid wigi nyang: nya: akyu" shid re" za: sho: ago".

2 TIMOTHI 4:10

Dema gi he: da" mougmyid' ri jheddab yoomo ngoori she: pyam' khare" lho: Thesaloni voo khyoo: loo" khari" bye. Kareka gi Galati mung" khyoo: Titu gi dalamati mung" khyoo:- zheung: yhe: lo" boem bye.

1 TIMOTHI 3:3

Yhid: ashug main: su- angheing" ayang akoid su: nghoid lho: wigi sam" dab, nu" nham, su- myen, jham" khyoo: ri vhoo: su- nyang: gi ngei myo, ano, su: nghoid wigi

MATHE 23:13

«Akug void da" tarha" sara: yi yo' Pharishe nanu" gi joem: loo" goo" wa. Subi" mougkhoung: mungdain: khyoo: vang loo" wa ga: soin' lo" da" uri nanu" gi khoem" myhid" byid: ago". Nanu" nyang: we' avang lo" boem. Vang loo" wa ga: yoem: kaid nyid mo, ri we' vang loo" wa da" akhang" abyid: boem zigi nanu" shid re" khayhi gyoug phyoo" nghoid.

MIKHA 3:11

Voomoo" mo zoug: yigi khougvhoid jhungshug yoo" wa shid re" vhoebkhang" nyid ago". Khainjung yi we' aphoug" yoo" wa gu: za: tarha" ri phid: jhau" byid: nyid ago". Lapi: yigi ngei yoo" wa shid mo nyangnu" nya: da" yoeb myang ri toin" shid nyid ago". Hau: lho: nyangnu" dangain" mo, «Aseing gi ngoonu" yo' dage" nyid» ga: tid fu" nyid ago". Nyangnu" gi «Ngoonu" moo ce" yau: khe" khyoo: we' aju" wa Mangsoo gi ngoonu" yo' dage" nyid» ga: tid.

MALAKHI 1:10

Yoem: moo" bo da" Aseing hid: su" ga: tid nyid «Nanu" gi nga" da" phoin: tho' moo akyu" abo da" myi: ri are" tab wa shid re" nanu" yugkhang" moo" gi nga" gyeung" shang: da" yhoem: khoem" ri myhid" byid: rigi gi wa zi nghoid. Ngoo gi nanu" ri yu" ngei wa khyoo" aboo- nanu" da" jhungshug ri we' ngoo avhoo:.

TARHA" TID POIN" 16:19

Nyangnu" gi tarha" dang phyed moo" moo tarha" adeingmain" khyo" age koid. Anghoid lang" myonhoo: age khyen:. Houg: lho: nyangnu" gi khougvhoid jhungshug joem ri age yu zoo: goo" wa. Ciwim gari hau: jhungshug joem gi phajhi" boo bang: yo' deingmain" bang: rilang" myo, jed nhang: wigi nyangnu" ri shoid da" khyoo" dang: phyed nhang: nyid da:.

YAKU 5:19

Nga" mang: nhung" yi we"- nanu" mo dayug yug gi deungmain" da" khyo: mo khyoo: vhang: vhang: lo" lho: gootu: dayug yug ge" doem shu" tau" ju" lo ri

1 TIMOTHI 6:21

Khasu" wim ga: ri byu dayham" bang: gi hau: ja" phajhi" si' bang: nghoid ga: boem lho: wigi hau: loem" jeung khyoo: mo vhang: lo" boem ago". Mangso da" jeju" gi nanu" dangain" mo, yo' dage" dajo, jo, baja" o".

EZEKIEL 22:12

Re" byumyu" yi mo dayham" gi aphoug" yoo" wa shid re" byu said da:. Dayham" gi nyangnu" da" Israela byumyu" nyang: cang" ngei jhid" byid: lho: atu" amyaid yu zo: ago". Houg: bang: jang" mo atu" amyaid yu nyid lho: nyangnu" yoo" zoo: yoo" shug lo ago". Nyangnu" ngoo ri to" myhid pyam bye:». Yoem moo" bo Aseing tid bye:.

EZEKIEL 16:33

Shava myhi' rigi ngei byid: ago". Nghoid loug we' nang gi re" da" zooyam phoo yiri jhungshug byid: wigi nyangnu" khyi' khang" moo" mo re" lho: nang yo' yhoeb wa shid re" khougvhoid jhungshug byid: da:.

EZEKIEL 13:19

Nanu" gi Yoono, dajhi' yo' zooyho' dajhi' ri yo" shau" yu wa shid re" nga" byumyu" yi shidkhoin" moo ngoo ri ngi: yoem" nhang: da:. Nanu" gi shid: wa amoin: bang: ri said pyam lho: nanu" gi dei nyid wa amoin: bang: ri dei nyid nhang: da:. Houg: lho: nanu" gi nga" byumyu" yiri mhau' dang: tid wigi nyangnu" gi nanu" ri loem ago"» ga: tid da:.

ESAIA 1:23

Re" vhujhung: yigi thougtheung gyi koid mo, yo’ khoug" hoeb yi da" byencang" yi za: nghoid ago". Nyangnu" gi khanham we' jhungshug joem yo’ khougvhoid joem ri kham: yu mo, nghoid ago". Nyangnu" gi coug" zoo: yiri tarha" yung" moo khanham we' abo goem loem byid:. Cougmoo" yi da" moo" ri khanham we atam" gyoo byid: bang: nghoid ago".

TARHA" TID POIN" 23:18

He: moo" khyo" yo" da" ngei ri we' nanu" Aseing Mangso da" Noku Yhoem: Moo" khyoo: thang" cab pyeing byid: wa shid re" age ci: vang yhi: goo" wa. Aseing gi noku yhoem: mo shava phoo shava myhi' ri ngheing" nyid da:.

APOEM AYANG: 29:26

Laban gi «Bi zeing yug shi" lo, axo' ri nya: nhung" ri lo, xo' byid: da" thung" hid: moo ajo,.

Pang Shug 18:13

Seig cang" phyeig - zooxoin" moo kaid' da" nam, pyo: zi aja: ja:- moo" ra:- lo" bain- zabyid yhid: yo' xu: joem- sung: soo: phei" yo' sung: soo: cen:- Nukyung yang kyung myang: kyung yo' myang: rheing" joem- join yi yo' byu yi da" kangso lang" bo boem ago".

2 KHOKHAM 5:27

Akhid" Naman da" dam gi re" gung moo bue" loo wa. Nang yo' re" amyed shen" yi moo hau: zi apyaid atoo: bue" ri" wa» ga: tid da:. Gehazi to' thu loo" yo' nyang: gi manggam dab re" lho: nya: shooyid gi gyu: yhang: ti" phyu: lo" byug da:.

APOEM AYANG: 38:16

Nyang: gi khyoo: yam mo hau: myiyi: myhi' jhang khyoo: yhe: lho: «Nghoid bye:- gu gi khasu" yu» ga: yhe: tid (Hau: myiyi: myhi' gi nya: dumoo" nghoid ziri asi' nghoid da) Myiyi: myhi' gi «Nang ngoo ri cibyid: wa» ga: myid:.

APOEM AYANG: 29:14

Laban gi «Gi bye:- nang gi ngoonya: soid" shoo" nyang: nghoid bye:» ga: tid. Yaku gi hau: moo lhammoo" dakhyab goin" nyid nyid.

YOSHU 7:21

Ngoonu" shau" shoem" yu da" zi joem mo yung" da" Babelon byisheing: dakhyab- ngei soem: kyen" koo: yo' daxe: darung koo: bo da" sheing: thung" dathung" ri myang. Hau: joem ri ngoo gye" vhoo: yoomo yu pyam bye:. Hau: joem ri nga" zoem" akhoug: moo: myhoeb to" wigi ngei ri athi" moo kaid to" ziri nanu" shau" myang wa» ga: tid da:.

COUNG" NGHEI 62:10

Athoug" akhyoug: khyoo ri nanu" anghe: khau: nyid goo- lhoid zoo: lhoid shoug khyo" yo" yu da" zi ce: ja: ri we' nheug myid abyu nyid goo". Nanu" yo" loo de loo nghoid loug we' hau: ziri nheug anhei: nyid goo".

DANG: ZHOEM 15:27

Atu" amyaid ri adeing amain" khyo" sho: yoem: kaid nyid khyoo: gi re" yhoem: byu yi moo: yau: khe" kyi" khyeug shau" loo wa nghoid. Khougvhoid jhungshug ayu zo: rigi nang kang: sheing" wa zi nghoid.

PHAJHI" DANG: 2:19

Houg: lho: nyang: gi phajhi" bo ri boo wa.- nheig agyeing: ri agyeing: wa hang" se'. Nghoid loug we' he: mougmyid tho' moo ngoo moo" zei: da" akyu" ja: khang" moo" ri nga" phajhi' yo' shoug" yu to" da" ja: khang" moo" ri nyang: seing: yu ri" wa. Hau: zi dangain" akoem: danghoid.

MATHE 6:19

«Nhau: yo" zo: wi zo: shoin, lho: khoug" mo, yo" khau" baid' thoid yu lo" se' da:- myidjang: tho' moo nanu" da" ziyoo jonu" ri ayoung: too" goo.

MATHE 13:22

Ju: byab moo gyoo" lo" da" myoug: shi" gi Tarha" mungdang: ri shau" gyo: lho: Mougmyid tho' mo myid myoo: ung: loug khyoo: yo' ziyoo jonu" ri myo, no, vhoo: bo khyoo: yoomo mungdang: tarha" myoug: shi" ri nghoeb zeig pyam lho: wigi ashi" ayo" zei: dakhyoo: ri tid nau zi nghoid.

MARKU 4:19

He: moug myid byu nyid yo, boin: shid re" myid myoo: ung: loug zi ngei sheing: jo, nu" amyung ashoo" yoo" jo, nau: ziyo' gootu: aja: ja: ri myo, no, vhoo" byed da" ze wigi hau: mungdang: ri foeb pyam lho: ashi" ayo" zei: loo nghoid ago".

KOLOSE 3:5

Houg: yoomo nanu" da" akhoug: moo bo da" aved, avhu: moo"- myo, jang anyau, da" moo"- nyam, da" moozoo"- akhyeing" ashoeb, khyoo: yo' vhoo: boo loug gyi: da" khyoo: gi soolhoo: no" da" khyoo: daja: nghoid- hau: ziri said' pyam' boem ge'.

2 TIMOTHI 3:2

Byu yi gi nyang: nya: da" akyu" ri za: shoo: mo, myo, no, vhoo: boo mo, nghoid thui: gyoo: mo, nheigloem: myhang: phau: khuang mo, za: bue" loo wa. Nyang: nu" gi juang" yi gei sang: yen" mo, myhi, phoo ri thougtheung mo, - jeju" ase' boin: mo, noku loem, khoug: khyoo: ci: aboo mo, bue" lo boem wa nghoid.

APOEM AYANG: 34:27

Byu said moo" bain zei: thang: ri Yaku da" zooshang: yi goo" bang: gi nya: tang: yi da" nhammoo" ri sho' phu" nhang: yoomo voo khoug: khyoo: vang yhe: lho: jonu" lhoid wigi latoo: yhe: phug boem ago".

1 KHOKHAM 2:40

nya: join tang: ri yhe: shoo: wa ga: nya: loo zei: moo: zhung: wigi Gad voogung moo: khokham koid nyid da" Akhisha jhang khyoo: yhe: loo" bye:. Nya: tang: ri myang lang" yhoem: khyoo: doem shu" loo bye:.