1 TIMOTHI 4:7 - Lacid Common Language Bible

⁷ Nghoid loug we' Mangsoo yo' asen: khyo" tid wa zigi ce" akyu" we' aboo. mhoo: myid: byuxeig shab, khyoo: ri jang" pyam lho: nyhang" nya: da" kangso' dei yhe: lo" khyoo: moo tarha" phau" cang da" khyoo: ri gyi: sheung: yang" deung loo" nhang: we'.

1 TIMOTHI 4:7 Referans Kwoze

1 TIMOTHI 1:4

Gyeing" nyang: bue" yu" bye: da" mhoo: myid: shendam joem- phoug" phyid" yi da" byuxeig shab, da" khyoo: ri to" no: pyam boem wa shid re" nyangnu" ri tid poin" we'. Hau: khyoo: joem gi myeing" myoo: yhoo: she:- byo, goo" ngeig go" da" khyoo" riza: dabue" thu' loo nhang: nyid wigi loem" jeung" khyoo: khyo" za: dayo" se' da" Mangsoo nyheung soin' da" khyoo: ri ayo" bui" nhang: nghoid nyid da.

2 TIMOTHI 2:16

Mangsoo yo' gang: go" loo" nhang: da" avoid avhu: anyhoin: athoung" moozoo" koid ziyo' akoo" afang: ga: tid da" dang: ri jang" pyam' nyid we'.

TITU 2:12

Ngoonu" gi ngoonu" nya: da- gyi: myhang: da" Mangsoo ein: da" khyoid yu Aseing Yesu Khristu da" myonhoo: phung yoeb, doug bang thu loo wa ngi lho, da" bidnyid ri dalang" nyid Tarha" ri aphau" cang nau da" nheigloem: yo" mougmyid ri vhoo: boo: myo, no, da" nheugloem: ri she: pyam' wa shid re" we' sam" dab, ri young" ziyo' phyoo: phyoo: nghoid nyid wa khyoo:- deingmain" wigi tarha" phau" cang da" kangso' dei khyoo: yo' he: da" mougmyid tho' moo shau" nyid wa shid re" we: hau: jeju" tarha" gi ngoonu" ri jhoug" byid: nyid.

TITU 3:9

Nghoid loug we' ce: akyu" abo da" akoo" afang: ga: myed: da" ngeug se: dang: myid: joem- thang ase da" byuxeig shab khyoo: myeing" myoo: yhoo: she: khyoo: yo" tarha" joem ri jang" pyam we'.Khasu" wim garihau: da" khyoo: joem gi akyu" abo ziyo' akoem: za: danghoid nyid.

HEBRE 5:14

Thain: da" zoo: noem, koem gi ludaid' yi shid' re" nghoid nyid wigi nyangnu" gi cang zei: jhau" lo" khyo" ge: ziyo' age zi ri se' soin: se' kho' mo, nghoid nyid boem. .

2 TIMOTHI 2:23

Nghoid loug we' afang: akyi: koid ziyo' athung" azhug koid ngeig goo" yang: go" da" dang: khoin" joem ri jang pyam' nyid we'. Houg: yhang: te" mo, da" lo" thang jang" moo gi myeing" myoo; yhoo: she: da" khyoo: za: bue" lo nyid ziri nang se' nyid gu nghoid.

2 TIMOTHI 4:4

Nyang: nu" gi hau" deingmain" da" khyoo: ri tam" gyo: nyid jang" mo phoug lo" boem wigi byu yi da" byuxeig mhoo: myid: ri tid nyid bang: jhang khyoo:- tam" gyo: lho: nheigloem: vang zo: lo" byug boem wa nghoid.

1 TIMOTHI 6:11

Nang koem gi Mangso da" byu phoo we"- he: khyoo: dangain" ziri yoem: kaid' nyid we'. Deing byeung" khyoo:- tarha" phau" cang khyoo:- loem" jeung" khyoo: jheddab khyoo: moo yoem: kaid' lho: thoug shang" ziyo' nu" nham, da" nheigloem: yo" yu sho' yoem: kaid' nyid we'.

ACTS 24:16

Hougsu" nghoid yoomo ngoo gi Mangso shid' khoin" moo we' - byu yi da" shid khoin" moo we' nheigloem: gyeing: gyeing: za: nghoid wa shid re" khanham we' ge bue" yhi' mo yoem: kaid' nyid su nghoid.

1 TIMOTHI 6:20

Timothi we"- nang ri ab, byid: to" da" aya: ri goolhoo: za: zoem: shoung: too" we'. Aco' ajhoid da" khoin" co, loeb, khyoo: ri we' phajhi" dang: nghoid ga:. byu jha" bang: tid shoid' myid da" akoo" afang: ga: ngeig goo" yang: go" dang: ri we' jang" pyam' nyid we'.

TITU 1:14

Yuda yi da" pyeing: dang: mhoo: myid: joem ri we' zei: zeung nghe: khau: khyoo: akoid' loo: wa ziyo' deingmain" khyoo: ri aloem: da" byu yi jang" mo thu' lo da" pyeung: to" dang: soo" khoin" joem ri loem" jeung" nghe: khoug: mo, jhoug" byid: ca" bye.

2 TIMOTHI 3:12

Gyeing" nyang: Khristu moo kangso' dei lho: tarha" ri phau" cang khyoo: moo kangso' dei nyid noug mo, hang" nghoid loug we' shen" yhen kyi" khyeug da" jam, jau ri shau" boem wa zi nghoid.

1 TIMOTHI 3:16

Yha" noku thung" mo loem" jeung" da" no, thang khyoo: gi kha: yhi' gyi: lam: jo, ziri hang" we' ngeug gyang: joyoo abo zigi vhoo: moo lhid" to" ziyo' dakhyoo" ti" nghoid nyid. xang: su byu da" gung du: khyo" thu' yab, loo bye: ziyo' deing su: nghoid da" khyoo:- hau: gyeungshang: da" venyi gi toin" shid nyid Mouglagyoo: yi we' nyang: ri shau: myang boem bye- nya: khyoo: gi byumyu" bain sho' mo, ri kho" kyo" tid fu" boem abye: go. Moug: myid byu dangain" gi nyang: ri loem" jeung" boem abye: go- houg: su" nyang: ri moug: khung: tho' khyoo: shu" to' yu zi shau" abye:.

1 TIMOTHI 2:10

Loem, khau: khyoo: moo goolhoo: za: cang lo" da" myiyi: zooyi lhoo, yhung eung: da" ziyo' dakhyoo" ti"- yu" du, yu" ge, da" asam" avoid, yo' nyang: nya: gung ri lhoo, yhoung nyid goo" baja".

1 TIMOTHI 1:9

Gyeing" nyang: ein: rigi ngoonu" se' gyo: too" ca" da" khyoo: gi hau: toung: to" da" tarha" gi byugi yi shid re" anghoid. Tarha" ri shoid nyid mo, yo' yooboo yoo" bang:- Mangsoo ayoo" mo, yo' yooboo dab, bang:- loem, khau: da" noku thung ri acang bang:- loem" jeung" khyoo:- hougsu" anghoid lang" gi Venyi khyoo: moo nheigloem: aboo mo, nyang: nya: myhi' phoo yi ri said' pyam' bang: yo' byu ri said' mo,

1 TIMOTHI 4:8

Gung shoo" yo' sen: da" khyoo: moo zei: zhang: so' zhang: zigi akyu" dajhi' zoo: boo nghoid loug we' Venyi loem" jeung" khyoo: moo zei: zhang: so' zhang: da" khyoo: gi khyoo: khhaid' khang" moo" moo akyu" bo zi nghoid. Khasu" wim ga: ri hau: khyoo: gi he: da" pyaid yo' thang: phyang" pyaid shid re" dang: soo" bo nyid.

1 TIMOTHI 6:3

Hang" nghoid loug we' adu go" khyo" atoug" khyo" shoid vhang: khyoo: ri jhoug" byid: nyid su: gi ngoonu" Aseing: Yeesu Khristu da" deingmain" joeb, byeung" da" mungdang: joem yo' ngoonu" loem" jeung" da" khyoo: jhoug" byid: ziri abo cang soo" loo za:

1 TIMOTHI 6:5

Hau: tho' moo gootu:- nheig abo ziyo' deingmain" khyoo: ri amyang ase' bang: jang" mo ngeig goo" byo, go" da" khyoo: gi daso' so' bue" thu lo nyid. loem, khau: da" noku thung" eing: zigi yoo" zoo: yoo" shug da" de lo khyoo: nghoid- ga: nyangnu" myid yu ago".

2 TIMOTHI 3:5

Nyang: nu" gi yha" da" noku thung ri ri atho' dapyam: za: bo cang mhau' boem lho: wigi hau: noku thung" mo, phung" yoeb, rigi ngeug pyam mo, nghoid nyid boem ago". Houg: yhang: te" byu yi ri we' jang" pyam' nyid we'.