1 TIMOTHI 1:14 - Lacid Common Language Bible

¹⁴ Yha" Aseing: gi nya: da" athang agoin da" jeju" ri nga" tho' moo foid, gyoin: byid: wigi Khristu yo' dadeing: daloem: za: bue" lo" lho: kangso' shau" dei nyid yoomo ngoonu" yo" yu eung: da" loem" jeung" khyoo: yo' jheddab nheigloem: ngoori byid: too" bye.

1 TIMOTHI 1:14 Referans Kwoze

2 TIMOTHI 1:13

Ngoo gi nang ri jhoug" byid: bye: deingmain" da" mungdang: ri nang cang loo" wa da" akhyoo: avoid bui" nhang: wigi geing" geing: zei: ci: lho: Yesu Khristu yo' dadeing: daloem: za: koid wigi kangso' dei nyid khyoo: moo loem" jeung" ziyo' jheddab da" nheigloem: ri geing: geing: dazei: ci: we'.

1Korinthians 15:10

Hougsu" nghoid loug we'- Mangso jeju" yoomo- ngoo gi he: yam" nghoid nyid. Nyang: ngoori: byid: da" jeju" gi akoem: anghoid loo-gootu: lagyoo: yi tho' moo: ngoo moo" ri je" voin, vu, bye. Hougsu" yo" koid da" khyoo: gi nga" da" yoem: so' khyo" anghoid- ngoo yo' dage" moo" zei: nyid da"- Mangso jeju" yoomo za: date: nghoid.

1PETERU 1:3

Ngoonu" gi ngoonu" Aseing Yesu da" nya: phoo Mangsoo ri jeju" boin: nyid boem shang- khasu" wim gari Mangsoo gi atho' tid da" nheig khyeig shoo" myen: si su: nghoid yoomo Aseing Yesu Khristu ri shid: jang" mo doem dei to'' loo nhang: khyo" wigi ngoonu" ri kangso' aseig byid: bye- houg: yoomo ngoonu" moo dei nyid wa da" nheig byu joyoo ri yo" yu boem bye.

Roma 16:20

Myenjham" Aseing: Mangsoo: khamyhang amyang" ri Nanu" da" khavoo: khoug: moo satan: ri nang: zeug pyam' nhang: wa ngoonu" da" Aseing: Yesu da" jeju" ri Nanu" shau" kham zoo: baja" o".

1THESALONI 1:3

Khasu" wim ga: ri nanu" da" loem" jeung" khyoo: moo zei: nyang: khasu" zei: yhe: lo" nyid boem ziri we' nanu" da" jheddab e" myed yo' khayhi' gyeing" - moozoo" ri zei: so' nyid boem bye: ziri we' Aseing Yesu Khirstu moo nanu" da"

2~KORINTHU 8:9

Nanu" gi ngoonu" Aseing Yesu Khristu ri se' nyid boem ago" Aseing Yesu gi nyang: di su: nghoid loug - nanu" da" shid re" nya gungdu: ri sho" jhen: byu bue" loo" nhang: bye. Nyang: asho" ajhen: koid jang" mo nanu" yo" de, lo boem bye.

THU' LO" MOUGSOUG" 34:6

Hau: thang: Aseing gi nya: shidkhoin" khyo" lo" wigi «Ngoo Aseing Mangsoo gi jheddab ziyo' nheig khyeug shoomyen: da" myid byeung" su: nghoid. Ngoo gi lo, lei za: nheig se' yoo: su: anghoid. Ngoo gi jhed myid yo' jhug zug myid ci: shug su: nghoid.

Pang Shug 22:21

Aseing Yesu da" jeju" gi yug khang" moo" yo' dage" dajo, jo, baja" o".

1THESALONI 5:8

Nghoid loug we' nyhang" nu" gi bidbang mo nya: zoo: nya: myid: yi nghoid nyid boem yoomo-boin: gyeung: ziyo' zed" lhed' nyid boem ca"- Ngoonu" gi loem" jeung" khyoo: yo' jheddab ein: da" yang gang nghoeb ri nghoeb, ci: lho: wigi ngoonu" da" khyoid yu khyoo: ri nheig byu nyid ein: da" joto' mug ri zhoung" ci: shang.

ACTS 15:11

Ngoonu" we' nyangnu" yo' dakhyoo" ti" loem" jeing" yoomo Aseing Yesu da" jeju" khyo" wigi khyoid yu khyoo: ri shau" yu boem bye- ga: tid.

1Korinthians 3:10

Mangsoo ngoori: byid: da" jeju" jhung: shug ri ci: lho: gye" se' da" yhoem: zhoug lag sama phoo yhang: ti" ngoo gi apoem: ayang: ri qei" too" byid: bye. Gootu: byu dayug yug gi hau: da" apoem: moo: doem bo zhang qei" do, lo" nyid nghoid loug we' zhang qei" do, loo" mo, dayug yo, dayug gi nyang: tu: nyang: khasu" zhang qei" do, lo" nyid ziri:- zid" lhid' nyid goo" baja".

2~KORINTHU 4:15

He: da" khyoo" dangain" gi nanu" moo akyu" ara: bo loo wa shid mo nghoid bye. Mangso da" jeju" ri kham: yu da" byu yi we' je" je myo: lo ziyo' dakhyoo" ti"- Aseing: da" myonhoo: phung" yoeb ri jeju" boin: coung" nghei - akyu" mho' da" khyoo: joem moo we' je" wigi myo, tham: loo wa zi nghoid.

GALATI 1:13

Ngoo gi Yuda noku thung" moo danyid nyid shi" uri khasu" koid nyid lid loo bye: da" khyoo: nanu" nyang: shau" gyo: yu" boem bye- ngoo gi Mangso da" phung ri neig khyeug myid aboo loo za: pyi: sho: shen" yhen lo ziyo' lhu: phyo' mhoin' pyam wa shid re" yoem: kaid' lo yu" bye.

1 TIMOTHI 2:15

Nghoid loug we' myiyi: zoo: gi asam" a void, ge lho: loem" jeung" khyoo: jheddab khyoo: moo gyeungshang: khyoo: moo xo' lho: yoem: kaid' lo nghoid rigi myiyi: gi zoo: ri khu: kaid' su: nghoid yoomo nyang: gi khyoid yu zi shau" wa nghoid.

1 TIMOTHI 4:12

Nang gi apyad' ngi shi" ved yam" zoo: nghoid nyid shi" yoomo hang" we' nang ri gam vhoo: ayu" khyo, pyam' goo" baja"- ji, sang: da" khoin" thui: moo we' aved asam" moo we' jheddab jang" moo we' loem" jeung" loem, khau: khyoo: yo' nheigloem: young" khyoo: moo we' leom" jeing" bang: shid re" yu" yu wa da" khoo" shid: bue" nyid we'.

1 TIMOTHI 6:11

Nang koem gi Mangso da" byu phoo we"- he: khyoo: dangain" ziri yoem: kaid' nyid we'. Deing byeung" khyoo:- tarha" phau" cang khyoo:- loem" jeung" khyoo: jheddab khyoo: moo yoem: kaid' lho: thoug shang" ziyo' nu" nham, da" nheigloem: yo" yu sho' yoem: kaid' nyid we'.

2 TIMOTHI 2:22

Zoolu: ayo, mo nheigloem: aco' ajhoid khyoo: ri jang" pyam' lho: Mangsoo ri gyeungshang: da" nheigloem: yo' pang" thoug wa ga: mho' nyid mo, yo' dage" deing byeung" khyoo:- jheddab da" khyoo:- ngei pyo: myen, jham" khyoo: joem ri yoem kaid' cang sho: nyid we'.

TITU 2:2

Apyaid gyi: bye: da" phoug" mang: yi ri yhid: ri nheig atei" loo: zed" lhid' nyid wa shid re" yug yoo sam" dab ri young" nyid wa shid re" nyang: nya: da" gung ri yo" vhoeb khang" nyid wa shid re" we' jo da" laloem, lakhoug: bo nyid a shid re" jheddab myid yo' kham zeung: da" nheigloem: bo jo, wa shid re" jhoug" byid: we'.

MATHE 20:9

Houg: lang" vhu" shi: su: gi myenthang: wim: nayi: ri vang zei: mo, gi ngei phyu: dakyab kyab yo" yu boem bye.