1 TIMOTHI 1:11 - Lacid Common Language Bible

¹¹ Hau: jhau" mho' da" khyoo: gi myonhoo: phung" yoeb, bo lho: wigi ngi lho, da" Mangso jang" mo, ngei bu: lu dang: yo' dakhyoo" ti" nghoid- hau" ngei bu: dang: ri tid fu" wa shid mo Mangsoo gi ngoori ab, byid: too' bye.

1 TIMOTHI 1:11 Referans Kwoze

GALATI 2:7

Nyang: nu" gi ngoori phajhi' aseig byid: wa gungkhoo:- Mangsoo gi Petru ri athang: yham" kham' byid: da" Yuda yi ri hau: ngei bu: lu dang: kho" kyoo" wa yoovoin, byid: to" ziyo' dakhyoo" ti"- ngoori gi athang: aphyed' da" tung bau byumyu" yi ri kho" kyoo" wa yoovoin, ab, byid: bye: da" khyoo: ri nyangnu" myang se' boem bye.

TITU 1:3

Ayo, bidnyid khyag byid: da" hau: apyaid ato: kangso' ri nya: mungdang moo pang shug to. Hau: mungdang: gi ngoori ab byid: bye: yoomo yha" da" khyoid yu Aseing: pyeung: to" Mangsoo mungdang: yo' dakhyoo" ti"- hau khyoo: ri ngoo kho" kyo" nyid.

1 TIMOTHI 6:15

Dayug kyeing" nghoid lho: myonhoo: phung" yoeb, bo wigi vhoeb, khang" nyid da" kho: kham" yi tho' mo khokham" Aseing: yi tho' mo Aseing:- Mangsoo gi ayo, akhyeing: ju" lang" Aseing Yesu ri dalheing: doem thu' myang: loo wa zi nghoid nyid.

2~KORINTHU 4:4

He: da" mougmyid tho' mo akhyeing" ashoeb da" - Mangsoo ga: da" yu satan phoo gi nyangnu" da" neig loem: ri mougcoid, yo' nghoeb too" byid: bye: yoomo nyangnu" aloem" ajeung" boem loo. myo, jed too" nhang" bye. Nyhang" gi Mangso da" veddu, gungdu nyang: nghoid nyid nghoid loug we' Khristu da" phung" yoeb da" khyoo:- hau: ngeibu: ludang: mo thu' lo da" bidbang ri amyang nhang: loo: nghoid da.

Roma 2:16

Houg: yoomo - ngoo phyed" kyo" da" ngeibu lu dang: seig yo" dakhyoo" ti" - tarha" dang: phyed' da bidnyid moo Mangsoo: gi - Yesu Khristu khyo" wigi - byu dangain" mo, - zau" nyhoem" to" da" myid soin: khyoo: yi ri - tarha" dang: phyed' loo wa nghoid.

2 TIMOTHI 2:2

Sagsi: myoo" sho' bang: da" shid' khoin" moo nga" jang" mo nang jhau" yu gyo: yu bye: da" jhoug" myeing" jhoug" thui: ri ci: lho: byu gooji" ri we' yo" doem, jhoug" byid: wa zi nghoid ein: wigi nang leom, ge" da" byu yi ri doem, thoid' ab, byid: wa.

2 TIMOTHI 1:14

Nang ri loem, wigi ab, byid: too" bye: ge, da" ziyoo joem ri nyhang" moo bo loung" jo, bye: da" hau" gyeungshang: venyi yoem: so' khyo" dazoem: ci: nyid we'.

2 TIMOTHI 1:11

Hau: da" ngei bu: lu dang: ri tid fu" loo' wa shid re" mangsoo gi ngoori lagyoo; dayug khyo" we' jhau" mhoo, byid: da" sara: khyo" we' nyheung soin' too" bye.

1 TIMOTHI 6:20

Timothi we"- nang ri ab, byid: to" da" aya: ri goolhoo: za: zoem: shoung: too" we'. Aco' ajhoid da" khoin" co, loeb, khyoo: ri we' phajhi" dang: nghoid ga:. byu jha" bang: tid shoid' myid da" akoo" afang: ga: ngeig goo" yang: go" dang: ri we' jang" pyam' nyid we'.

1 TIMOTHI 2:7

Hougsu" nghoid yoomo Aseing: gi ngori lagyoo: dayug khyo" we' tung: bau byu yi da" jhoug" byid: sara: dayug khyo" we' hau: loem" jeung" da" khyoo: yo' deingmain" da" mungdang: ri kho" kyoo" wa shid re" nhang: kaid' zi shau" bye. Ngoo mhau' tid zi anghoid- deingmain" da" dang: ri tid nyid.

1THESALONI 2:4

Hougsu" koid wa gung khoo:- ngoonu" gi Mangsoo tid nhang": ziyo' dakhyoo" ti"- khanham we' da tid nyid boem-khasu" wim gari Mangsoo gi-nanu" gi moin: yi" mo, nghoid bye: ziri soeb, myang bye: mo, nghoid yoomo hau" ngei bu: lu dang: kho" kyoo" wa shid mo loem, too" bye- ngoonu" gi byu yi vho: ngei boem wa khyo" yoem: kaid' nyid mo, anghoid- nanu" myid soin: da" khyoo: joem ri phoid: sho: pe: yu" se' da" Mangsoo ri vho: ngei nhang: wa shid re" yoem: dakaid' nyid boem.

KOLOSE 1:25

Nanu" shid re" ge, da" khyoo: ri koid baja"- Mangsoo gi phoung: da" moo" voin, su: dayug khyo" wigi ngoori soin' nyheung to" zi shau" bye- ngoori ab, byid: to" da" yoovoin, gi hau: ngei bu: lu dang: ri myhed' to" zi aboo loo: sho' kho" kyoo" wa shid re" nghoid nyid.

Ephesu 3:10

Hougsu" koid da" khyoo: gi akhid" pyaid moo vhoeb khang" nyid da" moug: lagyoo: yi yo' moug: khung: moug di mo yoem: so' yoo" mo, gi Mangso phajhi" aja: ja: ri noku phung mo se' yu wa shid re" nghoid.

Ephesu 2:7

Nyang: hidsu" koid da" khyoo: gi Khristu Yesu moo ngoonu" ri toin" shid da" nya: jhed khyeing: kang: khyeing: khyo" wigi nya: da" jeju" gi gooki" lid' gyi: sheung: jo, da" khyoo: ri myang se' loo wa shid re" toin" shid nyid.

Ephesu 1:12

Hougsu" nghoid rigi Khristu moo xang: shid" mo myid byu too" bang: ngoonu" gi Mangso da" myonhoo: phung" yoeb ricoung nghei nyid boem loo shang o".

Ephesu 1:6

Nyang: jheddab da" nya: zoo: khyo" wigi aphoug" amho, loo: ngoonu" ri byid: da" jeju" jhung: shug yoomo phung" yoeb, bo da" nya: jeju" ri coung" nghei boem shang.

2~KORINTHU 4:6

Yesu khrsitu da" myonhoo: mo bang lo da" - Myo nhoo: phung" yoeb khyoo: nanu" se' loo baja"- yha" da" nheig loem: moo bidbang zhoo: byid: da" Mangsoo: gi Moug coid mo bidbang bang loo wa ga: wigi tid da" Mangsoo nyang: nghoid bye.

1Korinthians 9:17

Ngoo he: da" moozoo" ri- nga" myid khyo" khyen: yu lho: dato' zei: nghoid rigi- la, ga, yoo" wa ziri: ge myid yu" nyid. Nghoid loug we' he: da" moozoo" gi Mangsoo myid loem wigi ab byid: to" moo" nghoid yoomo- zei: ca" da" yoovoin' daloem: nghoid ein: ngoo dazei: nyid.

LUKA 2:14

Mougkhung: moug: di moo Mangsoo gi myonhoo: phung" yoeb bo nyid baja"- Myidjang: tho' moo we' nyang: vho: ngei da" byu yi moo myen, jham" ngei pyo: khyoo: gi dajo, jo, baja" o"- ga: Mangso da" myeing khyang" ri coung" nghei boem ago".

COUNG" NGHEI 138:2

Ngoo gi re" da" gyeung" shang: Noku Yhoem: Moo" khyoo: myonhoo: shu"- goeb, pid lho: nang nheig khyeug shoo" myen: khyoo: jeju" boin: coung" nyid wa nghoid. Khasu" wim ga: ri re" myeing khyang" yo' re" da" amyeing" dang: gi dangain" tho' moo: je gyi: je nghoid thang nyid.