1YOHAN 3:1 - Lacid Common Language Bible

¹ Yu" ge' Mangsoo gi ngoonu" ri khayhi' jheddab nyid lha". Nya: da" jheddab nheigloem: gi gye" gyi: zi nghoid wigi ngoonu" ri Mangso nya: zoo: yi ga: myeing byid: bye: ziyo' dakhyoo" ti"- gyeing" nyang: ngoonu" gi Mangso nya: zoo: yi nghoid boem bye- Nghoid loug we' mougmyid gi Mangsoo ri asi yoomo ngoonu" ri we' asi nghoid da.

1YOHAN 3:1 Referans Kwoze

YOHAN 1:12

Nghoidloug we' dayham" koem gi nyang ri lhoem: yu lho: loem" jeung" lo boem bye:- houg: su" nyang: ri loem" jeing" mo ri Mangso da" nya: zoo: yi yo" bue" loo wa akhang" byid: bye.

GALATI 3:26

.Khasu" wim gari Khristu Yesu khoug: moo loem" jeung nyid boem bye: yoomo nanu" dangain" bang: gi Mangso da" nya: myid: nya: zoo: yi nghoid boem bye.

2~KORINTHU 6:18

Nanu" da" nya: phoo ngoo byui" wa nghoid wigi nanu" gi nga" da" yuggi zoo: yo' myiyi: zoo: yi bui" wa zi nghoid- ga: wigi athang agoin yoem: moo" bo da" Aseing: gi da tid nyid.

YOHAN 17:25

Deing: byeung" nyid da" nga" phoo Mangsoo we"- moug myid gi nang ri ase' boem nghoid loug we' ngoo gi nang ri se' nyid. Hid: bang: gi ngoori nang wiginhang: kaid zi se' nyid boem.

YOHAN 3:16

Khasu" wim gari Mangso da" nya: zoo: ri loem" jeing" bang: hang" nghoid loug we' ashid: loo za. Apyaid ato: kangso' yo" yu baja" ga: Mangsoo gi nya: zooti" zoo: ri byid: pyam jang moo ju" sho' Mougmyid xangsu: byu yi ri jheddab nyid.

Pang Shug 21:7

Oung: doid loo" su: hang" nghoid loug we' nga" jang" mo he: da" khyoo: ri shau" yu wa zi nghoid. Ngoo gi nya: da"Mangsoo bue" lo lho: nyang: gi nga" zoo: bue" loo wa zi nghoid.

Roma 5:8

Nghoidloug we' ngoonu" gi yooboo shoid' mo danghoid nyid shi" uri Khristu gi ngoonu" shid' re" shid: kham too" bye. Houg khyo" Mangsoo: gi ngoonu" ri khayhi' jheddab da" khyoo: toin" shid' too" bye.

GALATI 3:29

Akhid" nanu" gi Khristu yo' sen: mo, nghoid nyid boem rigi Abraham da" amyed ashen yi nghoid nyid boem ziyo' hau: dang: soo" bo ziyo' dakhyoo" Mangso jang" mo agyid asoo: yo" kham: yu wa mo, nghoid nyid boem bye.

Roma 8:32

Mangsoo: gi nya: zoo: gyeing" ri - vhoo" abyid' looza: - ngoonu" dangain" mo shid' re" gung leig xoin" to' pyam' bye: nhung. Ngoonu" shid' re" nya: zoo: ri byid: da" Aseing gi zi jo, moo jo, ngoonu" ri noug noug za: abyid: loo: khasu" se' nyid wa la".

YOHAN 16:3

Nyangnu" gi phoo ri ase' boem ngoori we' azheing: se' boem. Houg: yoomo hid: su" nanu" ri we' koid; lo boem wa.

KOLOSE 3:3

Khasu" wim ga: ri nanu" gi shid: bye: mo, nghoid- nanu" da" kangso' gi Khristu yo' dae"- Mangsoo moo yheom" shoung: to" boem bye.

2 SAMUELA 7:19

Nghoid loug akhid" gi nang je koid byid: nyid da:. Myhang: thang Aseing we"- ju" loo wa da" ayo, akhyeing: moo nyid yhe: loo" wa da" nga" akung: ako' joem yo' sen: da" dang: theing joem ri we' nang jang deing too" bye: zi nghoid. Myhang: thang Aseing we"- nang gi he: khyoo: myang nhang: nyid nhung: lha".

Roma 8:21

Hau da nheig byu jang: gi danyid" da" bidnyid ri he phain" too" shau" da mougmyid gi - fain" vo byo yoin da' zi wigi myheig tei" to" jang mo loid byoin lo" lho: - Mangso: da nya: zoo: yi yo" da ge" loid byoin khyoo yo" myo nhoo: phung" yoeb ri shau" kham: zoo: wa.

YEREMIA 3:19

Aseing tid zigi «Israela we"- ngoo gi nang ri nga" zooshang: khyo" khab yu nau da:. Houg: lho: nang ri nyid pyoo: tung" da" mougmyid- moug: gyab goin" mo young" thang da" mougmyid ri byid: nau da:.. Ngoo gi nang wigi ngoo ri phoo we" ga: yoid wigi ngoo mo khanham we' aphug loo" wa ziri vho: da:.

COUNG" NGHEI 31:19

Nang ri gyoug voem phau" myang: nyid mo, shid re" nang shoug: too" byid: da" ge lho, khyoo: joem gi khayhi' mau" pho" khyoo: nghoid nyid lha". Nang gi khayhi' gi su: nghoid ziri we' nang ri nghe: khoug: mo, ri lhoug zung" goin coung: byid: da" khyoo: ri we' yugkhang" moo" se' nyid bye:.

HOSEA 1:10

Israela byumyu" yigi panglai: mo midcoo: yhang: ti" atho' nghab- atho' leig loo: sho' myo: loo goo" wa. Akhid" Mangsoo gi nyangnu" ri «Nanu" gi nga" byumyu" anghoid» ga: tid. Nghoid loug we' danyid" nyid" rigi «Nanu" gi Dei nyid da" Mangso nya: zoo: yi nghoid» ga: tid wa bidnyid ju" loo wa.

TARHA" TID POIN" 14:1

Nanu" gi nanu" Aseing Mangso da" byumyu" yi nghoid ago". Houg: yoomo shid: da" yug shid re" koug ngau uri gootu: byumyu" yi koid yhang: ti" nanu" nya: gung ri ayham" khang" goo". Nanu" vhuloem mo xam: ri ayug pyam goo".

LUKA 20:36

Nyangnu" gi moug: lagyoo: yi yhangti" nghoid yoomo yo" shid: loo: wa zi anghoid. Nyangnu" gi shid: da" jang" mo doem dei to'' loo mo, nghoid yoomo Mangso da" nya: zoo: yi nghoid boem bye.

YOHAN 11:52

He: zigi nyangnu" shid' re" za anghoid byo sain" nyid da" Mangso byumyu" yi bain sho' ri dadeing: daloem: za: bue" loo wa shid' re" we' nghoid nyid.

YOHAN 15:21

Nghoidloug we' nyangnu" gi ngoori nhang: kaid da" Aseing: ri ase' boem yoomo nga" myeing yoomo nanu" ri shen" yhen boem wa zi nghoid.

Roma 8:19

Moug: myid goin" mo phain" too" shau" su: gi Mangsoo: nya: zoo: yi ri thu' myang loo nhang: wa da" moozoo" joem ri gye nheig byu myid lang" nyid boem.

1YOHAN 3:2

jheddab bang: we"- ngoonu" akhid: gi Mangso nya: zoo: yi nghoid boem bye- Nghoid loug we' nyhang" thang: phyang" cibui" wa zi gi bain' sho' ase' boem shi". Nghoid loug we' Khristu nyang: doem thu' lo da" bidnyid rigi ngoonu" gi nyang: yo' du, goo" wam: bye"- Khasu" wim gari nya: gung doem: ri nyang: ngoonu" shau" myang boem wam: bye.

1YOHAN 3:10

Hau: khyoo: gi Mangso da" nya: myid: nya: zoo: yi yo' yu satan da" nya: myid: nya: zoo: yi gi gyi" sho' shai" go" da" khyoo: ri bang bang nyang: myang se' da" khyoo: nghoid. Hang" nghoid loug we' deing byeung" da" moo" ri azei: ziyo' houg: su" anghoid lang" gi - nya: mang: nya: nhung" yi ri ajheddab bang: gi Mangsoo da" nya: zoo: yi anghoid.