1YOHAN 2:16 - Lacid Common Language Bible

¹⁶ Moug: myid' yo' sen: da" ziyoo jo, moo jo,- gung shoo" moo nyam, da" nheigloem: joem- byu myojid" mo myang lho: myo, no, vhoo: boo loug gyi: lo ja:- he: mougmyid byu yi da" nghoid boin: phau: khuang da" khyoo: joem yo' ngeig go" phoug tu" go" da" khyoo: khaid khang" moo" gi kha: zi we' Mangso jang" mo thu' lo zi anghoid- hau: khyoo: dangain" gi mougmyid mo thu' lo da" khyoo: joem za: danghoid nyid.

1YOHAN 2:16 Referans Kwoze

Roma 13:14

Hau: tho' moo Aseing Yesu Khristu ri gyi byi: gyimi su" void ci: ge'. Gung shoo" vho: da" nheig shid: said' nau khyoo: moo cang wa asoin' anyheing nyid goo.

GALATI 5:17

Khasu" wim gari gung sho" da" aco' ajhoid khyoo: yi gi venyi da" vho: ngei khyoo: yo' shai jo,- gung sho" da" vhoo: boo myo, no khyoo: yo' venyi da" vho: ngei da" khyoo: he: eig khaid gi gyi bui" go" nyid - hougsu" nghoid yoomo nanu" gi nyang: nya: myid vho: ziyo' dakhyoo" ti"- ayo" koid boem.

APOEM AYANG: 3:6

Myiyi: myhi' gi shigam ri gye" yung" nhung:- nya: ashi" we' gye" zoo: ngham" wa myang ga: yu" thu lho: nyang: gi phajhi" boo su: to' bue" lo nghoid rigi khayhi' gyeing" gi wa lha" ga: myid. Houg: yoomo myiyi: myhi' gi shi" ri phyo' zoo: bye:. Hau: thang: nya: yhoem: seing: phoo ri byid: wigi yhoem: seing: phoo we' hau: shi" ri zoo: bye:.

DANG: ZHOEM 27:20

Xangsu: byu yi da" vho: ngei so' kho' nyid da" khyoo: gi moug: vo, moug: yo' du nyid hougmoo: khanham we' joyoo dajo, nyid.

Ephesu 2:3

Gyeung" nyang: ngoonu" dangain" bang: we' nyangnu" yhang: ti" ngoonu" nya: da" gung sho" aco' ajhoid da" khyoo: moo cang lo" lho: gung shoo" vho: ngei da" khyoo: yo' nheigloem: da" khyoo: ri cang zei: lo yu" boem bye. Ngoonu" da" nyid yab, khyoo: gi gootu: byu yi yo' dakhyoo" ti"- Mangsoo nheig khoo" yo: da" dam shau" moin: mo, nghoid nyid.

YAKU 3:15

Houg: yhang: te" da" phajhi" gi tho' khyo" gyoo" lo da" phajhi" anghoid- moug: myid tho' mo Venyi yo' sen: da" yu join zhadain: da" phajhi" danghoid.

1PETERU 2:11

Ngoo jheddab da" bidnoem yi we"- nanu" ri he: da" mougmyid moo gyung: so" nyid da" tungboug yi yo' phang: yen" mo, ri yhang: ti"- ngoo nanu" ri mho' kaid, nanu" gi khanham we' kangso' ri meing: zain: nyid da" gung shoo" vho: khyoo: moo nanu' da" gung du: ri meing: zain: nyid da" gung shoo" vho: khyoo: moo nanu" da" gung du: ri ab, pyam' ge'.

2PETRU 2:10

Je" wigi gungsho" da" aco' ajhoid- nyam, da" khyoo: mo: zheung: cang nyid boem wigi Mangso da" amyeung" akhang" ri aphoug" akhyoid koid nyid bang: gi houg: yhang: te" khyoo: deung" deung shug wa zi nghoid. He: da" mhau' sara yi gi gye" ngi thu' boem wigi-nghoid boin: boem ziyo' tho' phung" yoeb boo bang: ri phau" myang: khyoo: atoin" loo: za: nyangnu" ri juang" yi geisang: boem da.

YOSHU 7:21

Ngoonu" shau" shoem" yu da" zi joem mo yung" da" Babelon byisheing: dakhyab- ngei soem: kyen" koo: yo' daxe: darung koo: bo da" sheing: thung" dathung" ri myang. Hau: joem ri ngoo gye" vhoo: yoomo yu pyam bye:. Hau: joem ri nga" zoem" akhoug: moo: myhoeb to" wigi ngei ri athi" moo kaid to" ziri nanu" shau" myang wa» ga: tid da:.

TITU 2:12

Ngoonu" gi ngoonu" nya: da- gyi: myhang: da" Mangsoo ein: da" khyoid yu Aseing Yesu Khristu da" myonhoo: phung yoeb, doug bang thu loo wa ngi lho, da" bidnyid ri dalang" nyid Tarha" ri aphau" cang nau da" nheigloem: yo" mougmyid ri vhoo: boo: myo, no, da" nheugloem: ri she: pyam' wa shid re" we' sam" dab, ri young" ziyo' phyoo: phyoo: nghoid nyid wa khyoo:- deingmain" wigi tarha" phau" cang da" kangso' dei khyoo: yo' he: da" mougmyid tho' moo shau" nyid wa shid re" we: hau: jeju" tarha" gi ngoonu" ri jhoug" byid: nyid.

COUNG" NGHEI 78:18

Nyangnu" gi nyangnu" zoo: nau da" zoo: noem ri mho' khyo" wigi Mangsoo ri pa: yhi: yhi: jham" yu" nyid boem ago".

2PETRU 2:18

Nyangnu" gi shoid vang: khyoo: dam: dam: lo" byu phung: khoug: mo aseig shi" daloid thu' loo bang: ri ce: akyu" abo da" nghoid boin: dang: tid lho gungshoo" aco' ajhoid da" nheig" loem: yo' lhoem: tau, yu lho: khyoo shu" vhang: lo" boem.

1PETERU 1:14

Mangsoo ri tam" gyoo: ge' - shid' phyang" aboin: asi shi' da" ayo, moo nanu' cang lo yu" bye: da" vhoo: boo myo, no, kangso' dei khyoo: akoid loo: za:.

TITU 3:3

Khasu" wim gari shid' phyang" gi ngoonu" nyang: we' myid fang: boem- atam" gyo: ziyo' shoid vhang: khyoo: dam: dam: bang: nghoid nyid boem. ngoonu" gi aco' ajhoid ziyo' mougmyid pyo: da" khyoo: aja: ja: ri cang lo yu" boem bye. Hau: khyoo: mo join, we' nghoid nyid boem bye. Ngoonu" moo khanham we' anoug angei go" ziyo' noo" goo" zoo go" ziza: bo nyid boem- gootu: byu yi ngoonu" ri anoug angei ziyo' dakhyoo" ti"- ngoonu" we' subi" ri anoug angei bang: nghoid.

MATHE 5:28

Ngoo nanu" ri tid zigi nheigloem: moo yu" ngei ziyo'- myiyi: zoo: ri yu" yu" lho: vho: da" nheigloem: boo su: gi nya: da" nheigloem: khoug: moo hau: da" myiyi: zoo: yo' myi: lhoid' da" moo" zei bye.

COUNG" NGHEI 73:6

Hougsu" nghoid yoomo nyangnu" gi hau khuang khyoo: rigi yi: yhang: ti" athoug" akhyoug: koid khyoo: rigi adang byisheing: yhang: ti" void ci: boem ago".

YOBA 31:1

Ngoo gi khanham we' myiyi: nu" dayug ri yu" mhain: da" khyo" ayu" wa ein: geing: teing dang: soo" to" too" bye:.

LUKA 4:5

Hau: uri yu satan gi Yesu ri boem tho' khyoo doem shu" do, lo" lho: Mougmyid Mungdain: jo, moo jo, ri dalheing: dam toin" shid lho: wigi

GALATI 5:24

Khristu Yesu yo' sen: bang: koem gi nyang: tu: nya: gung sho" nheigloem: yo' aco' ajhoid khyoo: ri vhoo: boo myo, no, khyoo: yo' dage" pyang" zeing moo bo baid' jen" too" bye.

GYUNG: SOO" 11:4

Hougmoo: tungbau byu yigi Israela byu yi yo' dage" gyung: bo so" nyid. Nyangnu" gi shoo" gye" mhain: mo, nghoid. Israela byumyu" yi lang" nyangnu" nyang: myeing" myo: lo boem zigi «Ngoonu" shoo" dajhi' khyalang" shoug" zoo: yhoo: o".

MATHE 4:8

Hau: thang: ri yu satan: gi Yesu ri gye" myang: da" boem tho' khyoo shu" do, lo" lho: Moug: myid mungdain: dangain" yo' hau: zi joem khayhi' yung" bang da" khyoo: ri dalheing: dam lo" toin" shid lho: wigi

COUNG" NGHEI 78:30

Nghoid loug we' nyangnu" gi houg: yhi' shoug" zoo: nghoid loug- nheug atho' shid: boem shi" nghoid ago".

GYUNG: SOO" 11:34

Hau: joyoo ri Kibrod Hatava ga: myheing ago" (mhain: mo, da" loeb boug). Ciwim gari: hau: joyoo moo: shoo" shu: mhain: da" byumyu" yiri myhoeb too" yoomo nghoid.

DANG: ZHOEM 6:25

Nyangnu" da" young" ziri ayu" ngei nyid nyangnu" da" mhau, mhoid" langi: koid myojid" moo: ayhe: myi" nyid.

1Korinthians 10:6

Akhid" he: da" khyoo: dangain" gi nyangnu" koid ziyo' dakhyoo" ti" age, da" khyoo: ri ngoonu" age, myono, ziyo'- ngoonu" nyangnu" dayham" bang: yhang: ti"- phara" soolhoo: ri abo no" wa khyoo- ngoonu" ri yu" gyoug yu" ci, wa da"- khoo" shid: toin" shid too" bye.

APOEM AYANG: 6:2

Mougkhung: mougdi nu" yi dayham" gi myiyi: nu" yi yung" ziri myang yoomo yu" ngei yug ri yhoem: seing: myhi' khyo" khyen: yu boem ago".

DANIELA 4:30

Nyang: gi «Babelon khayhi' gyi: sheung: ziri yu" yu" shige'- ngoo gi nga" da" yoem: so'- yo' yoem: vhoo"- nga" da" phung: yo' phung" yoeb ri ci: shug byid: wa shid re" hau: ziri nga" voomoo" khyo" tam: to" zi nghoid» ga: tid da:.

YAKU 4:16

Akhid" nanu" koem gi nheigloem: gyi: lho: phau: khuang se' nyid ago"- hougsu" phau: khuang da" khyoo: bain sho' gi shoid da" khyoo: nghoid.