1YOHAN 2:11 - Lacid Common Language Bible

¹¹ Nghoid loug we' nya: mang: nya: nhung" ri anoug angei koid nyid su: koem gi hau: moug: coid moo danyid nyid shi" su: nghoid lho: wigi nyang: gi moug coid' khoug: moo so" loo" yoomo nyang: khakhyoo: lo" nyid zi ashi, Khasu" wim gari hau: moug: coid gi nya: myojid" ri lhu: ced' pyam' byid: bye.

1YOHAN 2:11 Referans Kwoze

YOHAN 12:35

Yesu phougtu" da" zigi Bid' bang gi nanu" moo daso date: jo, loo- wa. Nanu" ri moug coid alo nghoeb' pyam wa da" shid' re" bidbang jo shi" da" uri so" yen" ge'. Moug coid khoug: moo so" yen" mo gi nyang: nyang: kha: khyoo: so" lo" zi asi nghoid ago".

TITU 3:3

Khasu" wim gari shid' phyang" gi ngoonu" nyang: we' myid fang: boem- atam" gyo: ziyo' shoid vhang: khyoo: dam: dam: bang: nghoid nyid boem. ngoonu" gi aco' ajhoid ziyo' mougmyid pyo: da" khyoo: aja: ja: ri cang lo yu" boem bye. Hau: khyoo: mo join, we' nghoid nyid boem bye. Ngoonu" moo khanham we' anoug angei go" ziyo' noo" goo" zoo go" ziza: bo nyid boem- gootu: byu yi ngoonu" ri anoug angei ziyo' dakhyoo" ti"- ngoonu" we' subi" ri anoug angei bang: nghoid.

Pang Shug 3:17

Ngoo gi yoo" su: di su: nghoid yoomo ci: we' aca" loo:- ga: nang tid nyid. Nghoid loug we' nang gi khayhi' gyeung" da" asho" ajhen: nheig khyeig cang boo su: nghoid nyid ziri Nanyang: gi ase' nhung: lha". Nang gi sho" jhen: su:- byumi adab su: myo, jed, nu loem: su: danghoid nyid.

1YOHAN 1:6

Ngoonu" gi nyang: yo' shau" zoem" khau: nyid bye- ga: lho: wigi moug: coid khoug: moo kangso' dadei so" yen" shi" nghoid boem rigi ngoonu" tid da" dang: moo we' ngoonu" zei nyid da" moozoo" moo we' mhoug mo, ngoonu" danghoid nyid boem shi.

1YOHAN 2:9

Hang" nghoid loug we' ngoo gi bidbang moo nyid su: nghoid ga: yhen: tid lho: wigi nya: mang: nya: no, ri anoug angei zi dakoid nyid shi" rigi akhid" ju" sho' moug: coid moo danyid nyid shi" su: nghoid nyid.

2~KORINTHU 4:4

He: da" mougmyid tho' mo akhyeing" ashoeb da" - Mangsoo ga: da" yu satan phoo gi nyangnu" da" neig loem: ri mougcoid, yo' nghoeb too" byid: bye: yoomo nyangnu" aloem" ajeung" boem loo. myo, jed too" nhang" bye. Nyhang" gi Mangso da" veddu, gungdu nyang: nghoid nyid nghoid loug we' Khristu da" phung" yoeb da" khyoo:- hau: ngeibu: ludang: mo thu' lo da" bidbang ri amyang nhang: loo: nghoid da.

YOHAN 12:40

Nyangnu" abyang" yu yu gi nyangnu" da" myojid" joem gi ayo" myang wigi Nyangnu" da" nheigloem: gi a oung: se' gyoo: wa ziyo' nyangnu" nya: jhang khyoo: ayo" tau" loo wa shig re" Mangsoo gi-nyangnu" da" myo, ri jed' nhang: lho: nyangnu" nheigloem: khoem" ri myhid" too" bye: ga tid.

2~KORINTHU 3:14

Israela byumyu" yi da" nheugloem: joem gi gyeung" nyang: myhed" nghoeb to" boem ago". Akhid" nyid" ju" sho' lang" gi dang: theung mougsoug" xoug" ri nghab khang" moo" nyangnu" da" nheigloem: ung: khoug: joem moo hau: da" myo, nghoeb za: pain" yo, danghoeb to" shi" ago". Byu dayug gi Khristu moo kangso' dei loo" lang" she-hau: myo, nghoeb ri dayo" she' pyam.

DANG: ZHOEM 4:19

Akhyeung" bang: da" khyoo: koem gi myen" mo moug coid khoug: yhang: ti"- teing" teing: no, jo. Nyangnu" gi leung loo" nghoid loug we' nyangnu" khyid: vhu" khayoo: thoung" lho: leung lo" ziri" asi, nghoid ago".

XOIN" NGEI" 19:17

«Hang" ri we' anau ashoo" thougtheung khyoo: akoid goo". Nghoid loug we' hau: yug yoomo nang yooboo ashoid wa shid re" nyang: yo' shai" go" da" khyoo: joem ri nyheing koid pyam wa.

2 SAMUELA 13:22

Absalom koem' gi nya: nhung" ri shoid vhang: bye: yoomo Amnon ri gye" yu" ngheung" pyam lho: nyang: ri khanham we' dang: aji loo: da:.

PHAJHI" DANG: 2:14

Phajhi" juyhi: boo bang: gi nyangnu" kha khyoo: yhe: lo" nyid ziri se'. Nheig agyeing: bang: gi asi' nghoid ago". Nghoid loug we' dangain" bang: shid re" daja: kyeing" da" vhu" pi: lo, kyo' gi ngoonu" dangain" ri lang" nyid ziri ngoo se' da:.

2PETRU 1:9

Nghoid loug we' hau: yoem: so' ri ayo" yu bang: hang" nghoid loug we' vi: vi ayo" myang se' da" myo, amyang su: nghoid yoomo nyang: zei: lid loo bye: da" yougnoo yooboo mo wigi cid" khyoid' cid" shang: pyam shau" bye: ziri to" myhed' pyam su: nghoid.

1YOHAN 2:10

Hang" nghoid loug we' nya: mang: nya: nhung" ri se' jheddab su: gi hau: bidbang moo nyid nyid su: nghoid lho: wigi nyang: moo gi byu dayug yug ri yooboo koid nhang: wa khyoo: ci" we' aboo.

1YOHAN 3:15

Nya mang nyanhung" ri anoug angei su: hang" nghoid loug we' byu ri said pyam nyid su nghoid. Byu ri said pyam nyid su gi nyang: moo apyaid ato: kang so' ayo" yu ziri nanu" se nyid.