1YOHAN 2:10 - Lacid Common Language Bible

¹⁰ Hang" nghoid loug we' nya: mang: nya: nhung" ri se' jheddab su: gi hau: bidbang moo nyid nyid su: nghoid lho: wigi nyang: moo gi byu dayug yug ri yooboo koid nhang: wa khyoo: ci" we' aboo.

1YOHAN 2:10 Referans Kwoze

1YOHAN 3:14

Ngoonu" gi mang nhung" yi ri jheddab nyid bye yoomo ngoonu" gi shid: jo, jang" mo dei nyid shoid khyoo: yo" rhue, lid loo" bye: ziri ngoonu" se' boem bye nya: mang nya: nhung" ri ase' jheddab su: gi hau: shid: lo" da" yoem: so' khoug: moo danyid nyid shi" su nghoid.

Roma 14:13

Houg: yoomo ngoonu" gi nyang: cang" nyang: yooboo foin: go" da" khyoo: akoid' looza re" mang: nhung" phoo thoem: tho: leung jang: khyoo: kyoo" age kaid' byid. Houg su" anghoid lang" gi yu" shoid' wa da" akyang" daja: we' azei: shug wa shid' re" myid phyed' too" ge'.

HOSEA 6:3

Ngoonu" gi Aseing ri si' wa shid re" yoem: kaid shang. Nyang: gi nab soin: moug: bo" re" ziyo' dakhyo"- mougmyid mo vo khyo' da" gyu moug: yu: yhang: ti" ngoonu" jhang re" loo wa» ga: tid ago".

2PETRU 1:10

Hougsu" nghoid yoomo nga" mang: nhung" yi we' nanu" ri Mangso wigi khe: yu ziyo' khyen: yu bye: ein: da" khyoo: ri khanham we' shau" myed kham, zo: nyid wa shid re" je" ri yoem: kaid nyid ge'. hougsu" koid nyid boem nghoid rigi nanu" da" loem jeung" khyoo: ri khanham we she: pyam' boem wa zi anghoid.

YOHAN 8:31

Aseing Yesu gi nyang ri loem" jeing" loo mo, ri Nanu" gi ngoo jhoug" byid: khyo" cang zei: loo" lang" gi nga" da" cangzoo: agyeing" yi nghoid bye.

MATHE 18:7

Mougmyid moo loem" jeung" khyoo: ri lhu: phyo da" thei' leung jang: joyoo mo mougmyid gi joem: lo" nyid bye. Nheugloem: thei leung jang: gi gyeing" nyang: jo,- nghoid sho loug thei leung jang: koid thu' su: gi gyeing" nyang: joem: loo" wa zi nghoid.

MATHE 13:21

Nghoidloug we' nheigloem: moo agyi: no, no, azug yoomo daso' za: te: bo jo, lho: mungdang: tarha" yoomo sei: daja: ja: thu' lo lho: su" juang" yi shen" yhen zi thoung" shau" lo da" uri hau: yug gi dalheing: dam doem phoug lo" bye- houg: yhangti" su: ri tid nau zi nghoid.

PHILIPI 1:10

Houg: lang" she' nanu" gi Khristu doem ju" re" da" bidnyid moo ayung" alhoo, aco' ajhoid khyoo: mo loid lo" lho: - yooboo adab bang: bue" wa zi nghoid.

COUNG" NGHEI 119:165

Re" tarha" ri jheddab mo, gi joeb byeung" da" goem loem khyoo: yoo" bang: nghoid wigi ce: khyo" we' nyangnu" ri yo" tu: khyo' pyam wa zi anghoid loo.

YOHAN 11:9

Yesu tid zigi danyid" ri daxe: eig nayi: bo anghoid goo" la". nyid kyoug mo bidbang khoug: mooso" yen" mo, gi he mougmyid bidbang moo myo, yo" myang wigi khyid: vhu" athung" loo: yo" so" yen" ago".

YOHAN 12:35

Yesu phougtu" da" zigi Bid' bang gi nanu" moo daso date: jo, loo- wa. Nanu" ri moug coid alo nghoeb' pyam wa da" shid' re" bidbang jo shi" da" uri so" yen" ge'. Moug coid khoug: moo so" yen" mo gi nyang: nyang: kha: khyoo: so" lo" zi asi nghoid ago".

1YOHAN 2:11

Nghoid loug we' nya: mang: nya: nhung" ri anoug angei koid nyid su: koem gi hau: moug: coid moo danyid nyid shi" su: nghoid lho: wigi nyang: gi moug coid' khoug: moo so" loo" yoomo nyang: khakhyoo: lo" nyid zi ashi, Khasu" wim gari hau: moug: coid gi nya: myojid" ri lhu: ced' pyam' byid: bye.