1YOHAN 1:6 - Lacid Common Language Bible

⁶ Ngoonu" gi nyang: yo' shau" zoem" khau: nyid bye- ga: lho: wigi moug: coid khoug: moo kangso' dadei so" yen" shi" nghoid boem rigi ngoonu" tid da" dang: moo we' ngoonu" zei nyid da" moozoo" moo we' mhoug mo, ngoonu" danghoid nyid boem shi.

1YOHAN 1:6 Referans Kwoze

1YOHAN 2:4

Ngoo gi nyang: ri si' bye: ga: byu dayug yug tid nyid nghoid ' loug we' nyang: tid to" da" amyeing" dang: ri atam" gyoo: acang lo" nghoid rigi hau" yug gi mhoug su: nghoid ziyo' hau: deingmain" khyoo: gi nyang: moo ci: we' aboo.

1YOHAN 1:10

Ngoonu" gi yooboo akoid loo: ein: tid boem nghoid rigi ngoonu" gi Mangsoo ri mhoug su: nghoid ein: jho: khyo" nghoid wigi nya: mungdang: we' ngoonu" moo aboo loo.

DANG: ZHOEM 2:13

Deingmain" da" kangso' khyoo: rigi she: pyam, kho' lho: wigi yooboo moug: coid khoug: moo: nyid da" byu yigi

YOHAN 8:12

Dalheing: ri Yesu gi hparishe yi ri ngoo gi mougmyid: bidbang nghoid. Nga" thang: moo cang loo su: gi apyaid' ato: kangso' bidbang ri yo" yu lho: moug: coid' khoug: moo khanham we' asoo" loo: wa zi nghoid. ga: tid.

YOHAN 12:35

Yesu phougtu" da" zigi Bid' bang gi nanu" moo daso date: jo, loo- wa. Nanu" ri moug coid alo nghoeb' pyam wa da" shid' re" bidbang jo shi" da" uri so" yen" ge'. Moug coid khoug: moo so" yen" mo gi nyang: nyang: kha: khyoo: so" lo" zi asi nghoid ago".

YAKU 2:14

Nga: mangnhung" yi we"- byu dayug yug gi loem" jeing" bye ga: tid nyid nghoid loug we' moozoo" abo nghoid ri gi ce: akyu" boo wa lha". Hau: yug loem" jeung" khyoo: gi nyang ri yo" khyoid yu wa la".

YOHAN 12:46

Ngoori loem" mo dangain" gi moug: coid khoug: moo anyid loo: wa shid re" ngoo gi bidbang khyo" nyang: mougmyid moo ri" bye.

1YOHAN 1:3

Ngoonu" gi nya: phoo Mangsoo yo' we' nya: zoo: Yesu Khristu yo' we' zoem" khau: nyid boem zi nghoid boem zi nghoid wigi nanu" we' ngoonu" yo' dage" shau" zoem" khau: nyid boem goo" baja" ein:- ngoonu" myang yu" gyo: yu" bye: da" khyoo: nanu" ri tid fu" kyo" zi nghoid.

YOHAN 11:10

Myen" ri so" yen" mo, koem gi myo, amyang yoomo khyid: vhu" thoung.

YAKU 2:18

Nghoid loug we' byu dayu yug gi loem" jeung" nheigloem: bo lho: gootu: dayug gi moozoo" bo ga: dang: gain' ze nghoid rigi moozoo" abo da" loem" jeung" khyoo: ngoori toin" shid we' ngoo koem gi moozoo" khyo" wigi nga" loem" jeung" khyoo: ri toin" shid' ba- ein: ngoo tid ba.

COUNG" NGHEI 82:5

Nanu" gi khayhi' gyeing" ase' goonhung: lha". Nanu" gi bain sho' akyang byo, yoin" boem abye:- deungmain" da" nyeung veung" tarha" ga: zigi he: mougmyid mo byoug byug bye:.

1YOHAN 1:8

Ngoonu" moo yooboo ayoo" ein: tid nyid boem nghoid rigi ngoonu" nyang: nya: da" gung ri ngoonu" mhau' pyam mo, nghoid wigi deingmain" khyoo: aboo mo, ngoonu" nghoid nyid boem.

YAKU 2:16

Nanu" gi nyangnu" ri Mangsoo nanu" ri mainkaid byid: baja"- loem, loem, nyid ge'. gyi: gyi: zoo: ge'. ga: tid lho: nyangnu" moo ca" nyid zi joem ri abyid: nghoid rigi ce" akyu" boo wa lha".

MATHE 7:22

Hau: bidnyid moo ‹Aseing we"- Aseing we"- ngoonu" re" da" myeing yo" tarha" we' gye" kho" boem bye:- re" da" myeing yo" yu khaid pyam' ziyo' re" da" myeing mo mau" pho" moozoo" ri gye zei: boem bye: anghoid la"› ga: myoo" sho' mo, ngoori tid boem wa.

1 TIMOTHI 4:2

Gye" nge" da" joto' wigi kang: nghe, kyoug pyam' zi yhang: ti"- nyangnu" da" ge, zi age ziri se' kho' khyen: yu" da" nheigloem: e" myed gi kyoug shid: byug boem bye. Houg: yhang: ti" mhau' yen" da" sara: joem gi hau: khyoo: joem ri jhau" sain" lo" boem abye: go.

COUNG" NGHEI 94:20

Atarha" da" moo" ri zei: lho: akyang" byo, da" tarha" agyi yiri nang gi avhoo: angei nghoid da:.

YOHAN 8:55

Hau: da" Mangsoo ri nanu" ase' boem. Nghoid loug ngoo koem gi se- gyeing" nyang: ngoo asi ein: tid nghoid rigi ngoo gi nanu" yo' dakhyoo" ti"-- mhoug su: bue" loo" wa. Ngoo gi phoo ri gyeing" gyeing" si' yoomo nya: da" dang: ri tam" gyo: nyid.