1PETERU 5:6 - Lacid Common Language Bible

⁶ Houg: su" nghoid yoomo phoo Mangsoo gi nya: ge, da" ayo, ju" lang" nanu" ri yo" tu: to' kaid' wa shid re" nya: yoem: moo" bo da" lo, yoem: bid shoem: khoug: moo khyo, nyhoem: lho: nyid ge'.

1PETERU 5:6 Referans Kwoze

YAKU 4:10

Nanu" gi nanu" nya: da" gung du: ri Aseung da" shid khoin" moo khyo, nyhoem: nyid ge'. houg: lang" nyang: gi nanu" ri coung" nghei tu: to' kaid wa zi nghoid nyid.

LUKA 14:11

Houg: su" nghoid yoomo nyang: nya: gung ri coung" byid: mo, gi khyo, nyhoem: pyam byid: zi shau" wa. Nyang nya: gung ri khyo, nyhoem: su: gi phau" myang: tu: to' kaid zi shau" wa ga: tid.

DANG: ZHOEM 29:23

Nghoid boin: khyoo: gi nang byed byo" byug wa khyoo: nghoid. Nheigloem: khyo' lho: nyid su: koem gi sube" wigi phau" myang: khyoo: shoug" nyid wa zi nghoid.

MATHE 23:12

Nyang: nya: gung ri tu: to' su: gi nyhoem: gyo" loo" wa. Nyang: nya: gung ri nyhoem: khyo' nyid su: gi tu: to' kaid zi shau" wa nghoid.

LUKA 18:14

Ngoo nanu" ri tid wa Yesu tid zigi kheing" khyu: zoo: su: gi Mangso da" shid' khoin" moo deung main" su: dayug khyo" yhoem: khyoo: doem yo" tau" lo. Pharishe phoo gi houg: su" anghoid. Khasu" wim gari hang" we' nyang: nya: da" gung ri coung" byid: mo, gi doin: khyo, pyam zi shau" lho: hang" we' nyang: nya: da" gung ri khyo nyhoem: mo, gi tu: to' kaid zi shau" wa nghoid.

LUKA 1:52

khokham" zeing ri nya: khoo" mo tu: khyo kaid wa nyhoem thang jo, mo, rigi tu: to' kaid wa.

2 KHOKHAM MHOOMYID: 32:26

Nghoid loug we' lo" thang moo Hezekia yo' Yerusalem byu yigi nyangnu" nya: gung ri nheigloem: nyhoem: khyo' ago". Houg: yoomo Aseing gi Hezekia shid yo, ju" sho' mung" byu yiri yooboo dam abyid: nghoid da:.

2 KHOKHAM MHOOMYID: 12:12

Aseing ri nyang: khab yu yoomo Aseing da" moug: lagyoo: gi nyang: ri bain sho' aphyo' shoin' pyam nghoid da:. Yuda mung" moo gi gi za: nghoid nyid da:.

2 KHOKHAM MHOOMYID: 33:12

Nyang: kyi" khyeug shoug" jang" mo nya: nheigloem: nyhoem: khyo' lho: nya: Aseing Mangso jhang phug lo wigi pang" thoug byid: wa shid re" nyang: ri mho' da:.

ESAIA 40:4

Lang: khung" khang" moo" boem" ge'. boem khang" moo" ri tam ge'. Bouggung joem gi jang: dam bue" loo" wa. Abu" akhyoid bue" da" mougmyid gi dam lo" byug wa.

YEREMIA 44:10

Nghoid loug we' akhid" nyid" ju" sho' nanu" gung ri nheigloem: anyhoem: khyoo' nghoid ago". Nanu" ngoo ri ngi: ashab byid:. Nanu" yo' nanu" da" phoug" phyid" yiri ngo wigi byid: to" da" tarha" joem dangain" ri cang wigi kangso' adei goo" nghoid da:.

COUNG" NGHEI 75:10

Tarha" aci: bang: da" yoem so, ri nyang: khyau" pyam byid: wa zi nghoid. Nghoid loug we' deing byeung" bang: da" yoem so rikoem gi nyang: wigi gyi: sheung: loung: loo nhang: wa zi nghoid.

ESAIA 2:11

Xangsu: byu yi nghoid boin: zigi thang lo" lho: xangsu: byu yi nheigloem: myhang: zi byo, yoin" loo" wa ayo, ju" loo wa. Houg: lang" Aseing dayug za: ngi: shab byid: zi shoug" wa.

2 KHOKHAM 22:19

Yerusalem yo' voobyu yiri ngoo khasu" yooboo dam byid: wa ein: kyug nhain' ziri nang shoug" gyoo: lang" nang nung myid yo" wigi nga" shidkhoin" moo nanya: gung ri nyhoem: khyo' nheigloem: thid da- nanya: byimi ri lang: ceig lho: ngau da:. Ngoo gi hau: joyoo ri yu" gyoug sho' koid pyam wa. Hau: joyoo myeing ri nheing" khoin" khyo" ci: loo goo" wa. Nghoid loug we' re" akyu" mho' dang: ri ngoo shoug" gyoo: bye:.

1 KHOKHAM 21:29

«Ahab gi nga" shidkhoin" moo nya: gung nyang: khayhi' khyo' nyhoem: nyid ziri nang xoem" shi" la". He: moo" zoo" ri nyang: koid bye: nghoid loug we' nya: apyaid moo: yau khe" noophyoo" ngoo abui" nhang: wa. Ahab' ikoin deungkhu: moo: nya: zo: pyaid ri she' hau: yau: khe" noophyoo" ri khyoo' byid: wa zi nghoid» ga: tid.

MIKHA 6:8

Anghoid- Aseing gi ngoonu" ri ge da" khyoo: ri toin" shed too" bye:. Nyang: ngoonu" mo vho: nyid zigi tarha" dain: khyo" zei: so' khyoo:- geung: teing jheddab khyoo: ri toin" shed wa ziyo' nheigloem: khyo' nyhoem: khyoo: Mangsoo yo' zoem" khau: wa khyoo: nghoid.

ESAIA 57:15

«Ngoo gi myhang: wigi apyaid atoo: moo dei nyid da" gyeung" shang: Mangsoo nghoid. Ngoo gi myhang: da" joyoo yo' gyeung" shang: da" joyoo moo nyid su: nghoid. Nghoid loug we nyangnu" myid loem ziyo' myid byu ziri ngoo yo" doem nyeing kaid byid: wa shid re" nheigloem: nyhoem: khyo' wigi myid thid da" byu yi yo' we' dage" nyid da:.

THU' LO" MOUGSOUG" 10:3

Houg: yoomo Moshe yo' Arun khokham jhang yhe: wigi nyang: ri «Hebre byumyu" yi da" Aseing Mangsoo tid ‹Nang ngoo ri yhen: loo wa shid re" kha: myhang ngeug he: nyid shi" wa la". Nga" byumyu" yi ngoo ri yo" noku wa shid re" yhi: wa akhang" byid: we'.

Roma 5:6

ngoonu" gi nheig nhei: yoo ayoo" wim nyid da u" ri Khristu gi Mangsoo: khyen: to" ayo, akhyeing: moo akhyeing" ashoeb' mo da" shid' re" shid: kham bye.

DANIELA 5:22

Nghoid loug we' nya: yuggi zoo: nang gi he: gu: dangain" ri se' too" gu ri nanya: gung nanyang: akhyo' nyhoem: nghoid da:.

YEREMIA 13:18

Aseing ngoo ri «Khokham phoo yo' nya: myhi' ri nya: mitang: da" khokham zhung: thang mo gyoo" loo wa shid re" tid kyoo" we'. Ciwim gari nya: mitang: da" young" da" bidmug joem gi nya mitang: da" vhuloem mo gyoid gyo" loo" bye:.

COUNG" NGHEI 89:13

Nang gi zoug myeing" yoem vhoo" gye" boo su: nghoid nhung: re" da" yoem vhoo' gi gye gyi: jo, nyid.

2 KHOKHAM MHOOMYID: 30:11

Yerusalem khyoo: ri" wa myid bo da" Ashe- Manashe- Zebulun byumyu" kung: mo dayham" houg: moo nyid boem ashi".

2 KHOKHAM MHOOMYID: 33:23

Nghoid loug we' nya: phoo yhang: ti" anghoid. Nyang: gi nheigloem: anyhoem: khyo' ziyo' Aseing shoid khyoo: we' aphug loo nghoid da:. Nyang: gi nya: pho tho' lang" yooboo je koid da:.

2 KHOKHAM MHOOMYID: 36:12

Nyang: gi Aseing yooboo shoid wigi Aseing mungdang: ri tid su: Yeremia da" dang: ri nheigloem: nyhoem: khyo' wigi atam" gyoo: byid: nghoid da:.

1Korinthians 10:22

Houg: su" anghoid lang" ngoonu" gi Aseing ri yu" noo" nhang: nyid zi anghoid wa goo" la" Ngoonu" gi hau: Aseing tho' mo yoem: je bo ein: myid nyid goo" la"

EZEKIEL 21:6

«Shid: se' da" byu we"- re" nheigloem: gi bug go, lo" nyid bye: ziyo' dayhang: ti" noo kyeing" kyeing" we'. Nang ri yugkhang" moo" yo" myang da" joyoo moo noo kyeing" kyeing" myeing nyid we'.

YOBA 36:22

Mangso da" yoem: so' khayhi' gyi: ziri myid boin we'. nyang: gi dangain" bang: tho' gyi: thang da" sara: nghoid.

2 KHOKHAM MHOOMYID: 33:19

Khokham da" akyu" mho' dang:- hau: ziri Mangsoo gyoo: byid: da" dang: phyed- houg: lho: nyang: myid athid shi" uri nyang: shoid da" yooboo zhayhen"- nyang: koid da" akhyeing" da" moo"- tungbau yu phara" ri no' da" joyoo joem yo' nyang: koid da" yu phara" myhi' Ashera da" soolhoo: joem yo' nyang: no' da" yu phara" soolhoo: joem khyoo: dangain" ri Lapi: yi mhoomyid: pug moo lhid" xoem" to" ago".

TARHA" TID POIN" 32:35

Aseing gi nyangnu" ri latoo: phug wigi yooboo dam byid: loo wa. Nyangnu" leung byug wa da" akhyeing: ju" re" loo wa. Nyangnu" byo, yoin thang loo" wa bidnyid jhang re" nyid bye:.

XOIN" NGEI" 26:41

Ngoo ri nyangnu" jhang gyi phug koid nhang: lho: nyangnu" da" gyivo mungdain: khyoo: pyoung" she: loo" shau" nhang: wa. Lo" thang ri nanu" amyed ashen yigi nheigloem: nyhoem khyo' wigi nyangnu" gyi koid ziyo' yooboo shid re" dam ri bain kham: pyam lang"

THU' LO" MOUGSOUG" 32:11

Nghoid loug we' Moshe gi nya: Aseing Mangsoo ri «Aseing we" re" myhang: thang phung" yoeb yo' yoem: so' yo' nang Egutu mo khyoid yu da" re" byumyu" yiri ciwim wigi nheig yo: nyid lha".

THU' LO" MOUGSOUG" 3:19

Egutu khokham koem' gi yoem so' zeing athung" shoug" shoug" gi nanu" ri nhang: kaid zi anghoid ein: ziri ngoo se'

YAKU 5:10

Mang: nhung" yi we"- Mangso da" myeing yo' kho" kyo" da" lapi: yi da" khyoo ri myed boin myed so" nyid ge'. Nyangnu" gi shen" yhen zi shau" da" uri nheigloem: sheung: ziyo' yo" kham, zeung: nyid boem da" khyoo: ri khoo" shid: yu" yu ge'.

TITU 1:3

Ayo, bidnyid khyag byid: da" hau: apyaid ato: kangso' ri nya: mungdang moo pang shug to. Hau: mungdang: gi ngoori ab byid: bye: yoomo yha" da" khyoid yu Aseing: pyeung: to" Mangsoo mungdang: yo' dakhyoo" ti"- hau khyoo: ri ngoo kho" kyo" nyid.

EZEKIEL 17:21

Bue" thang da" nya: gyizoo: yigi meing: zain: jang: moo said pyam zi shau" boem goo" wa. Houg: lho: ashid: lhoo: nyid deing bang: gi shoid khang" moo" khyoo: khaid tang" pyam zi shoug" wa. Hau: thang: nanu" gi ngoo Aseing dang: tid bye: ziri se' loo goo" wa.

1 TIMOTHI 2:6

Nyang: gi byumyu" bain' sho' mo, ri khyoid yu wa shid re" nya: gung du: ri nyang: ab, byid: pyam' bye. Hau: zigi ayo, ju" lang" ngoonu" byu xangsu yug khang" moo" ri khyoid yu nau da" sag si: toin" shid' to" zi nghoid.

YAKU 4:7

Houg: su: nghoid yoomo Mangsoo: khasu" vho" ri hougsu" cang loo" ge". Zhadan ri lhoem: theing shang"- zain: oung: nyid ge". Hougsu" nghoid lang" nyang: gi nanu" jang" mo phang: loo" wa nghoid.