1PETERU 5:5 - Lacid Common Language Bible

⁵ Houg: yo' dakhyoo" ti"- nanu" zoolu: zoomyi: yi we' ludaid' yi da" dang: ri tam" gyo: nyid ge'. nyang: cang" nyang: zoem" khau: da" khyoo: moo nanu" dangain" mo, gi khyo, nyhoem: ein: da" khin' ri void, ci: lho: dayoug da" dei zoo: dayug koid nyid ge'. Khasu" wim ga: ri jhoem: mungdang: moo Mangsoo gi nghoid boin: mo, ri doin: khyo' pyam lho: nheigloem: nyhoem: mo, ri jeju" byid: nyid ga: lhid" to".

1PETERU 5:5 Referans Kwoze

YAKU 4:6

Nghoid loug we' ngoonu" gi Mangsoo byid: to" da" jeju" azeing ri je" wigi yoem: moo" bo nyid boem. Mangsoo gi nghoid boin: nyid mo, ri lang: khyo, pyam lho: nyhoem: khyo, nyid mo, ri jeju" byid: nyid ga: jhoem: mungdang: moo bo nyid ziyo' dakhyoo" ti" nghoid.

DANG: ZHOEM 3:34

Nheigloem: myhang: lho: nghoid boin: wigi juang" yi nyid mo, ri nyang: gi juang" pyam nghoid loug we' khyo' nyhoem: se' da" byu yiri koem gi jeju" koid byid: nyid.

Ephesu 5:21

Nanu" gi Khirstu ri gyoug phau" da" nheigloem: yoomo nyang: cang" nya: vhoo: moo tam" gyoo: go" nyid ge'.

Roma 12:10

Nanu" dayug yo' dayug gi mang: seing: nhung" seing: ri yhang: ti" jheddab kang: tei" go" nyid ge'. Dayug wigi dayug ri coung" byid wa so' phyed' nyid ge'.

PHILIPI 2:3

Phau: khuang nghoid boin: da" nheigloem:- nya: akyu" ri za: shoo: nau da" nheigloem: yo' ci" we' akoid nyid goo"- subi" gi nga" tho' re" je gi mo, nghoid ein:- khanham we' myid yu zoore"- sube" vhoo: moo khyo, nyhoem: zoem" khau: nyid ge'.

KOLOSE 3:12

Nanu" gi Mangso byu yi nghoid boem bye: yoomo nyang: gi nanu" ri jheddab wigi nya: shid re" khyen: yu shau" bang: nghoid- houg: yoomo nanu" gi jhed' thang kang: athang- nheig khyeig shoo" myen: zi nheigloem: nyhoem: zi sam" dab, nu" nham, ziyo' nheigloem: gyi: sheung: ziri void. ci: ge'.

ESAIA 66:2

Moug: gyab goin" ziri ngoo nyang: phain" so: to" zi nghoid. Nheigloem: nyhoem: khyo' mo, yo' nung myid yoo" bang:- ngoo ri gyoug phoug" bang:- nga" da" tid dang: gyoo: bang: ri ngoo vho: ngei da:.

Roma 13:14

Hau: tho' moo Aseing Yesu Khristu ri gyi byi: gyimi su" void ci: ge'. Gung shoo" vho: da" nheig shid: said' nau khyoo: moo cang wa asoin' anyheing nyid goo.

1PETERU 4:5

Nghoid loug we' nyangnu" gi dei nyid mo, yo' shid: loo" mo, ri tarha" dang: phyed' byid: wa jen" jen" nghoid da" Mangso shid' khoin" moo nyangnu" da" kangso' dei da" zhayen" ri toin" shed' ca" boem wa nghoid.

ESAIA 57:15

«Ngoo gi myhang: wigi apyaid atoo: moo dei nyid da" gyeung" shang: Mangsoo nghoid. Ngoo gi myhang: da" joyoo yo' gyeung" shang: da" joyoo moo nyid su: nghoid. Nghoid loug we nyangnu" myid loem ziyo' myid byu ziri ngoo yo" doem nyeing kaid byid: wa shid re" nheigloem: nyhoem: khyo' wigi myid thid da" byu yi yo' we' dage" nyid da:.

HEBRE 13:17

Nanu" ri khyoo: shed' vhu" shu" she: nyid mo, da" dang: ri tam" gyo: nyid lho: wigi nyangnu" tid to" da" dang: khoin" joem ri cang yhe: loo" ge'. Nyangnu" ginyang: nu" zei: byid: loo bye: da" moo" zo" zhayen" joem ri Mangsoo ri toin" shid boem wa zi nghoid wigi nyangnu" gi nanu" da" nheigloem: ri anoo: ayab, loo: zung" lhug nyid. Nyangnu" dang: ri nanu" tam" gyo: nyid boem nghoid rigi nyangnu" zei: da" moozoo" ri-gau, yi ziyo' zei: boem wa zi nghoid. Houg: su" anghoid rigi nyangnu" nheig koug ziyo' zei: boem wa nghoid wigi nanu" shid' re" ce" akyu" we' yo" ze" bui" goo" wa zi anghoid.

XOIN" NGEI" 19:32

«Mang: zoo: yiri phau" myang: byid: ge'. Nyangnu" ri ngi: shab byid: ge'. Phoug" myang: ziyo' nga" dang: ri tam" gyoo: ge'. Ngoo gi Aseing nghoid.

1PETERU 4:1

Khristu gi nya: da" gung du: moo kyi" khyeug shen" yhen zi kham' bye: nghoid rigi nanu" we' Aseing: yhang: ti" kham' ca" boem wa nghoid- khasu" wim ga: ri gung du: moo kyi" khyeug kham' yu" bye: su: hang" we' yooboo yo' ci: asen: loo.

COUNG" NGHEI 132:9

Re" da" khainjung yigi deingmain" da khyoo: ri khanham we' dakoid nyid goo' baja"- re" da" byumyu" yi we' gau yi lho: coung" nyid goo" baja".

YOBA 29:14

Ngoo gi khanham we' tarha" deingmain" ziyo' tarha" nyeung veung" da" khyo" za: dakoid.

YOBA 22:29

Mangsoo gi nghoid boin: bang: ri doin: khyo' pyam lho: Nheigloem: nyhoem: khyo' bang: ri khyoid yu wa.

ESAIA 61:10

Aseing koid bye: da" lo, moo" yoomo Yerusalem ngei pyo: da:. Nyang: gi nya: lo, xo' pui" shid re" soin' shoung: void ci: da" myhi' seig yo' du loo wa. Mangsoo gi nyang: ri khyoid yu ziyo' oung: doid zi wigi foid too" abye:.

2 KHOKHAM MHOOMYID: 6:41

Aseing Mangsoo we"- akhid" too' we'. Re" yoem: so' da" asoo" nghoid da" Dang: Theing Kuid: yo' dage" Noku Yhoem: Moo" khyoo: vang yhe: wigi hid: moo apyaid atoo: nyid nyid we' re" khainjung yiri nyangnu" koid da" moo" dangain" moo mainkaid byid: lho:-nang nyangnu" adang moo gi yoomo re" byumyu" yi dangain" ngei pyo: nyid boem goo" baja".

COUNG" NGHEI 132:16

Ngoo gi nya: khainjung yi zei: da" moo" zoo" dangain" jang" moo mainkaid byid: wa. Hau: lho: nya: byumyu" yigi ngei pyoo: yoomo jihkoin" khoin" lho: nyho: phau: lo boem wa.

COUNG" NGHEI 138:6

Aseing gi myhang: thang su: nghoid nyid. Nghoid loug we' nheigloem: nyhoem: khyo" mo, ri yu" goin coung: nyid. Nghoid boin: lho: phau: khaung nyid mo, rikoem gi vi: vi: mo nyang: se' too" byid: bye:.

EZEKIEL 26:16

Panglai: moo shoo: zoo: shoo: shug da" byumyu" yi da" khokham yi dangain" bang: gi nyangnu" da" khokham zhungtang joem mo gyoo" lo boem goo" wa. Nyangnu" gi nyangnu" da" byisheing: joem yo' za: thau" yung" to" da" nyangnu" da" byimi joem ri khyoid pyam lho: myidgung moo nain" zhung: jo, boem wa. Nyangnu" gi re" vhu" pid: lo, kyo' ri myang lho: atho' tid dain mau" wigi nain" nyid zi ayo" theing: loo: nghoid da:.

LUKA 22:26

Nghoid loug we' nanu" nyang: cang" nyang: moo koem gi houg: su" abui" nhang: goo. Nanu" mo gyi: thang su: gi je nge thang su: yhangti" bui" ca. Vhu" jhung: bui: noug mo, gi dei: zoo: lo, nyab, yhang: ti" koid bui" ca.

1 TIMOTHI 5:1

Apyaid' gyi: bye: da" ludaid' phoo ri agyikoid' re" phoo ri yhang: ti": khyo, nyhoem: ji sang" nyid we' apyaid' ngi shi" da" zoolu: yi ri gi re mang: re" nhoung" ri yhang: ti"- zoem" khau: nyid we'.

1PETERU 3:8

Lo" thang moo tid shed' nau da" khyoo: gi nanu" gi e" myed, nheigloem: daloem: za: dabo nyid ge'- dayug yo' dayug nheig khyeig shoo" myen: go" nyid ge'. dayug yo' dayug gi mang: kang nhung" kang yi yhang: ti" jheddab go" nyid ge'. nheig se' khyeug da" nheigloem: bo nyid ge'. khyo, nyhoem: ziyo' zoem" khau: nyid ge'.

DANG: ZHOEM 25:7

Je" myhang: da" jo yoo moo: shu" zhoung: jo, wa shid re" khe: zi shau" da" khyoo: gi re" da" joyoo ri je" yhouggyen: su: shid re" joyoo shu, byid: nhang: shau" da" tho' moo: je ge zi nghoid.

DANIELA 11:12

Nyang: gi nya: da" oung: doid yoomo we' gyizoo: myoo: sho' ri nyang: yo" said pyam yoomo we' nghoid boin: loo wa. Nghoid loug we' nyang: gi xo' lho: yo" oung: doid wa zi anghoid.