1PETERU 4:2 - Lacid Common Language Bible

² Hougsu" nghoid yoomo akhid" mo he: mougmyid' moo nanu" kangso' dei nyid wa deing shi" da" bidnyid gu: moo byu yi da" myo, no, vhoo: bo da" khyoo:- jhu, phyo' khyoo: moo abo cang loo" looza-

1PETERU 4:2 Referans Kwoze

1PETERU 1:14

Mangsoo ri tam" gyoo: ge' - shid' phyang" aboin: asi shi' da" ayo, moo nanu' cang lo yu" bye: da" vhoo: boo myo, no, kangso' dei khyoo: akoid loo: za:.

Ephesu 6:6

Yhoem: seing: yi yu" nyid yoomo myonhoo: rua nau khyo" za: akoid goo"- Khristu da" join, yi yhang: ti"- Mangsoo myid vho: ziyo' dakhyoo" ti"- nheigloem: bain' sho' yo' zei: so' nyid ge'.

Roma 6:11

Houg: yo' dakhyoo" ti" nanu" we' yougnoo yooboo moo shid: lo" nghoid loug we' Khristu Yesu yo" dadeing: daloem: khyo" Mangsoo: shid' khoin" moo kangso' dei zoem" khoug: nyid bye.

2~KORINTHU 5:15

Kangso' dei nyid mo, we' nyangnu" da" akyu" shid' re" kangso' adei loo za: nyangnu" shid re" shid: kham: lho: doem dei to'' loo su: shid re" za" dei nyid goo" baja" nyang gi dangain' bang : da" shid mo shid: kham: bye.

Ephesu 2:3

Gyeung" nyang: ngoonu" dangain" bang: we' nyangnu" yhang: ti" ngoonu" nya: da" gung sho" aco' ajhoid da" khyoo: moo cang lo" lho: gung shoo" vho: ngei da" khyoo: yo' nheigloem: da" khyoo: ri cang zei: lo yu" boem bye. Ngoonu" da" nyid yab, khyoo: gi gootu: byu yi yo' dakhyoo" ti"- Mangsoo nheig khoo" yo: da" dam shau" moin: mo, nghoid nyid.

Roma 6:2

Hougsu" anghoid o"- yooboo yoomo ngoonu" bain shid: bye: mo ngoonu" gi khasu" wigi yooboo khoug: moo daloung" jo, shi" wa la".

Ephesu 4:17

Ce" phoug" adab da" nheig byu khyoo: yo" da" tungbau byu yi yhang" ti"- kangso' adei nyid wa shid re" Aseing: da" myeing khyang" yo' ngoo nanu" ri zed" lhid' nhang: nyid bye.

Roma 14:7

Ngoonu" mo khayug we' - nya: shid' re" za te: dei nyid zi anghoid. Shid: loo" nghoid loug nya: shid' re" za: te: shid: lo" zi anghoid.

1PETERU 2:1

Houg: su" nghoid yoomo nanu' gi age da" khyoo: aja: ja: yo' mhau' fain" da" khyoo: aja: ja: - ayid void da" khyoo:- no" zo dang: tid ziyo' juang" yi dang: joem ri she: pyam' loo: ge'

COUNG" NGHEI 143:10

nang gi nga" da" Mangsoo nyang: nghoid bye:- nang myid vho: khyo" yo" zei: wa shid re" ngoo ri jhau" byid: we'. Ge lho, da" khyoo: ri toin" shed byid: wigi gau: nyu: da" khyoo: khyo" ngoo ri vhu" shi: byid: we'.

YOHAN 7:17

Hau: Mangsoo: vho: da" khyoo: moo cang loo" noug: su: gi Ngoo kho" kyo" da" tarha" gi Mangso da" tarha" nghoid la". Ngoo nya: vho: da" nga" tarha" nghoid la"» ga: zigi se' soin: myed yu" boem wa.

MARKU 7:21

Khasu" wim ga: ri byu dayug da" ung: khyoug: nheigloem: mo akhyeung" ashoeb da" moo" zei: wa zi myid thu' lo da:- soem" lid sho: zi lhoid zi Byu said zi

MARKU 3:35

Khasu" wim ga: ri Mangsoo: myidvho: khyo" cang mo, hang" nghoid loug we' nga" no' nga" nham" moo" yo' nga" myhi" nghoid bye".

HOSEA 6:7

Nghoid loug we' nyangnu" gi Adam yhang: ti" hau: joyoo moo: nyangnu" yo' ngoo koid to" da" dang: theing ri phyo' pyam ago".

1YOHAN 2:17

Moug: myid yo' dage" houg: mo da" xang: su: byu yi vhoo: boo myo, no, da" khyoo: ja: khang" moo" gi lid lo" byug nyid bye. Nghoid loug we' Mangsoo vho: ngei khyo" cang: koid loo" su: koem gi apyaid' atoo: moo danyid nyid.

YAKU 1:18

Mangsoo gi nyang: phain" to" da" byu xang: su: yimoo- xang: shed" ri zei: lo da" ashi" yhang: ti" bui" wa shid re" deingmain" da" tarha" mo wigi nyang: myed vho: ziyo' dakhyoo" ti"- ngoonu" da" pyaid seig ri doem thid' byid: bye.

1THESALONI 5:18

Khyoo khaid gu khang" moo" moo jeju" boin: lho: coung" nghei nyid ge' hau: zigi Khristu moo nanu" da" kangso' dei da" khyoo: yo' sen: lho: Mangso d" myid vho: khyoo: nghoid nyid.

KOLOSE 1:9

Houg: yoomo nanu" da" khyoo: ri shau" gyo: yu da" bidnyid mo wigi ngoonu" gi nanu" shid re" anoo: ayab, loo: za: akyu" mho' nyid boem bye- nanu" gi hau: gyeungshang: Venyi wigi byid: da" phajhi" byen- ya dangain" yo' Mangsoo myid vho: khyoo: ri yo" se' loo wa lasi, nanu" moo joeb, byeung" loo wa shid re" Mangso jang" moo ngoonu" akyu" mho' nyid boem.

Ephesu 5:17

Hougsu" nghoid yoomo akoo" afang: akoid nyid goo"- hau: Aseing: nang ri zei: nhang: nau da" khyoo: ri yoem: kaid' lho: phoid: sho: zei: so nyid ge'.

Roma 12:2

Nanu" gi mougmyid asam" aved ri acang nyid goo" nanu" gi Mangsoo: ri nyang: tu: nya: da" nheigloem: xoug" bain' sho' thed' pyam' lho: nheigloem: ung: khoug: aseig khyo" kham: yu ge". - Hougsu" koid' lang" gi geda" khyoo: - Mangsoo: vho: da" khyoo: ce: yooboo foin: jang: ajo lo: da" khyoo: ga: da" Mangsoo: vho: da khyoo: gi ci nghoid ga: ziri nanu" yo" se' lo boem wa.

Roma 7:4

Nga: mang: nhung" yi we" - he: da" khyoo: gi nanu" yo" we' sen: nyid. Nanu" gi Khristu da" gung doem nghoid wigi Moshe tarha" khoug: moo nyid da" pyaid she: lhei" pyam' phyed' boem bye. Mangsoo: moozoo" moo- akyu" bo da" dei zoo: yi bui" loo wa shid' re" nanu" gi shid: jang" mo doem dei to'' lo da" nya: byu yi nghoid boem bye.

YOHAN 1:13

Houg: bang: gi byu da" nya phoo mo khu: lo da" nya: zoo yi nghoid nyid wigi xangsu: suid shoo" khyo" Mangso: nya: zoo: yi yo" bue" lo zi anghoid. Mangsoo nyang- nyangnu da nya: phoo nghoid nyid.

MATHE 21:31

Nghoidloug we' ayhi: loo: za: nyid nyid zooshang: eig yug mo khayug gi nya: phoo vho: da" khyoo: ri koid: lha"» ga: myid: yu" nyangnu" gi «Mang: mo" yug nghoid» ga: phoid: boem. Yesu gi «nanu" ri ngoo tid ba"- kheing" khyu: zoo: mo, yo" shava myiyi: yi gi nanu" da" shid moo Mangso mungdain: khyoo vang lo" nyid boem bye.

MATHE 12:50

Mougkhung: tho' moo nyid da:- Nga" phoo vho: khyo" cang koid: mo, hang" we' Nga" mang: nga" nhung"- nga" nham" mo" yo' nga" myhi, nghoid bye:» ga: tid.

MATHE 7:21

«Ngoo ri ‹Aseing we"- Aseing we"› ga: mho' mo, dangain"- Mougkhung: mungdain: moo yo" vang loo" wa zi anghoid. Mougkhung: tho' moo nyid da" nga" pho, nheigloem: yo" cang su: za: dayo" vang loo" wa.

KOLOSE 4:12

Nanu" jang" mo nghoid da" Khristu da" join, phoo'-Epaphra gi nanu" ri vhu" kaid' da-nanu" gi loem" jeung da" khyoo: moo geung: teung jo, wa ziyo' nheig boo ung: gyeung: ziyo' jhug zug da" Khristain yi bue" loo sho' Mangsoo vho: ngei khyoo: ri khyag cang: lho: nyang: gi nanu" da" shid re" gye" loem" jeung" myid' yo' akyu" mho' nyid.

KOLOSE 3:3

Khasu" wim ga: ri nanu" gi shid: bye: mo, nghoid- nanu" da" kangso' gi Khristu yo' dae"- Mangsoo moo yheom" shoung: to" boem bye.

MATHE 20:4

Houg: lang" nyangnu" ri ‹nanu" we zabyid khyam: moo moo" yhe: zei: ge'. Moin: yi" da" vhoo" kung: phoug" ngoo shang" wa› ga: tid.