1PETERU 4:19 - Lacid Common Language Bible

¹⁹ Hougsu" nghoid nyid yoomo Mangsoo byid: to" ziyo' dakhyoo" ti"- sho" jhen: jam jau shau" mo, gi ge da" moo" ri zei: lho: nya: dang: thang" cab, ri zei pyeing byid: su: da" lo, moo nyangnu" da" kangso' ri ab, pyam ca.

1PETERU 4:19 Referans Kwoze

COUNG" NGHEI 37:5

Re" da" gung du: hau" Aseing ri ab byid: we'. Nyang: ri loem we' nyang: gi nang ri pang" thoug yu wa zi nghoid.

2 TIMOTHI 1:12

Hau: khyoo: yoomo he: da" kyi" khyeug shid: gyoin, noo gyoin khyoo: ri ngoo yo" kham: yu nyid zi nghoid. Nghoid loug we' nga" da" loem, khau: nheigloem: gi ngoo moo byeung" sho' bo jo, Khasu" wim gari Ngoo hang" ri loem, khau: nghe: nyid zigi ngoonyang: se' nyid ziyo' ngoo, nyang: ri ab, byid: to" da" ziyoo dangain" - hau: bidnyid ju" sho' zung" lhug goem, coung; too" byid: wam bye" ein: ngoo nheig shid' nheig deug nyid bye.

1PETERU 3:17

Mangsoo vho: khyo" nghoid rigi akhyeung" da" moo" zei: wa tho' moo gi ge, da" moo" ri zei: yoomo shen" yhen shau" zi gi je" ge, nyid.

COUNG" NGHEI 138:8

nang ngoo ri byid: to" da" dang: theing khoin" gi zei: pyeung byid: loo wa zi nghoid. Aseing we"- re" da" jheddab nheigloem: gi athang agoin, dajo, jo- nang kyam: shid" to" da" moo" zoo" gi bain sho' koid pyam loo wa zi nghoid.

1PETERU 2:15

Nanu" gi nanu" nyang: zei: wa ge da" moozoo" yo' ci" ase' da' byugang: yi da" nhoid ri myhed" pyam' byid: wa shid re" we' Mangsoo myed vho: nyid zi nghoid.

Roma 2:7

Ge da" moozoo" ri xo' zei lho: myonho: phung" yoeb ri we' ayo" shid: lo" da" pyaid ri we' -sho: nyid da" byu yi rigi - Mangsoo: gi - aphaid' ato: kangso' ri byid wa nghoid.

COUNG" NGHEI 31:5

Ngoo gi ngoo nya: gung du: ri re" da" lo, khoug: moo: ab too" bye:. Aseing nang gi ngoo ri khyoid yu wa zi nghoid. Nang gi nga" deingmain" da" Mangsoo nghoid nyid.

DANIELA 6:22

Khangkhyi joem wigi ngoo ri dam ayo" tab sho' nhoid myhid" pyam byid: wa shid re" Mangsoo gi nya: moug: lagyoo: ri nhang: kaid da:. Ngoo gi yooboo ayo" ziyo' aseing khokham nang ri ashoid ziri nyang: si' yoomo nyang: gi hid su" koid thu kaid da» ga: tu" da:.

ACTS 7:59

Nyang: nu" gi Stepain ri houg: su" lug go' wigi du" go" nyid da" uri stephain gi Aseing" we" Aseing: we" - nga" Venyi ri kham: yu byid: we' ga: Aseing: ri mho' yoid nyid.

LUKA 23:46

Yesu gi O" nga" phoo we"- Aseing: da" lo, moo nga" Venyi: ab byid: bye" ga: thui: zeing: yo" gyi" sho' nyho: lho: kang: gyoo" khari" bye.

ESAIA 43:21

Nyang: gi ngoonya: shid re" phain" so: to" da" nga" byu yi nghoid ago". Nyangnu" gi ngoo ri coung" nghei jikhoin" khoin" lo goo" wa» ga: tid.

ESAIA 43:7

Nyangnu" gi nga" byu yi nghoid. Nga" phung" yoeb ri bang nhang: wa shid re" ngoo nyangnu" ri phain" to" zi nghoid» ga: tid.

ESTHA 4:16

«Susa mo Yuda byu dangain" ri yhe: khe: zheing" too" we'. Zooshug jang" lho: nga" shid re" akyu" mho' byid: we'. Soem" nyid" soem" myen goin' ci: we' azoo: ashug goo". Nga" dei zoo: myiyi: nu" yi yo' ngoo we' hougsu" koid boem wa. Hau: thang: tarha" ri thougtheung zi bui" sho' nghoid loug we' khokham pho jhang ngoo yhi: wa. Hidsu" koid yoomo ngoo shid: ca" nghoid rigi ngoo shid: kham wa» ga: tid da:.

1PETERU 3:20

Hau: da" venyi joem gi No-a sangphoo' yhoem: zhug nyid uri Mangsoo gi nheigloem: sheing: sheing: lang" nyid da" ayo, moo nya: mungdang: ri atam" gyoo: mo, da" venyi joem nghoid. nghoid loug we' gyid mo yo" khyoid yu mo, gi sangphoo' khoug: moo dajhi' za: date: bo lho: nghab shang ein: rigi shed' yug za: date: nghoid.