1PETERU 4:17 - Lacid Common Language Bible

¹⁷ Tarha" dang: phyed' da" bidnyid gi ju" shed" lo nyid bye- Mangso da" yhoem: khau: byu yi ri xang: shed" tarha" dang: phyed' zi shau" wa nghoid wigi gyeing" nyang: ngoonu" gi xang: shed" tarha" dang: phyed' zi shau" boem nghoid rigi Mangso ngei bu: lu dang: ri aloem" ajeung" mo, gi khate' zi je" thoung" shau" boem wa lha".

1PETERU 4:17 Referans Kwoze

YEREMIA 25:29

Ngoo gi phyo, shoin' da" moo" ri ngoonya: voomoo" mo shid" wa. Nyangnu" gi yooboo dam ashoug" wa ga: jho: ago" rhe". Anghoid nyangnu" yooboo dam byid: zi shoug" goo" wa. Ciwim gari mougmyid tho' mo byu dangain" bang: dang moo gyipui" ri ngoo nhang: kaid byid: wa. Myhang: thang da" Aseing ngoo tid too" bye:.

2 THESALONI 1:8

Mangsoo gi nyang: ri a lhoem: yu ziyo' ngeug pyam nyid bang: yo' yha" Aseing Yesu da" khyoo: ngei bu: lu dang: ri atam" gyoo: bang: ri shen" yhen wa zi nghoid.

EZEKIEL 9:6

Phau: mang: yi zooyam yi zoomyi: yi myhi' zeing yi yo' zooshang: yiri said pyam we'. Nghoid loug we' ngilang: moo aso" tab to" da" su: hang" ri we' atain" goo". He: nga" Noku Yhoem: Moo" mo koid shid" ge'» ga: tid. Houg: yoomo nyangnu" gi hau: Noku Yhoem: Moo" moo yab jo, da" vhujhung: yi mo said shid" ago".

1PETERU 2:8

Gootu: da" jhoem: mungdang: daloem: moo gi hau: lug loem: gi byu yi ri khyid: vhu" thoung" leung nhang: da" lug loem: yo' nyangnu" ri leung loo" nhang: da" lug zeing ga: lhid" to". Houg: bang: gi Yesu da" lu dang: gi, ri atam" gyo: boem yoomo thoung" thue: leung lo" boem bye- Hau: khyoo: koem gi Mangsoo nyheung to" da" khyoo: nghoid.

Roma 2:9

Xang: shid" ri Yuda byumyu" yi hau: thang: ri tungbau byumyu" yi yo' age khyoo: mo, byu dangain" gi - kyi" khyeug sho" jhen: zi yo" - khe" ngau nyid da dam shau" kham: zo: boem wa.

LUKA 23:31

Nyau young" jo, da" seig joem: gam yo" du da" ngoori- nyangnu" hid: yhangti" shen" yhen nghoid rigi seig kyug gam yo" du da" nanu" ri khasu" je koid: wa zigi si' ge'.

MALAKHI 3:5

Yoem: moo" bo da" Aseing gi hidsu" ga: tid nyid «Ngoo ri dang: phyed wa shid re" nanu" da" mo, phung: gung moo thu myang loo wa. Fa" zo: yen" mo, soem" lid shoo: mo, adeing amain" khyo" jham' tang: mo, vhu" kung: yiri vhu" kung phoug" ashang" mo, coug" zoo: cougmoo" yi yo' being" voo yiri doin: zeig zoo: mo, -ngoo ri aphoug" amyang: mo, dangain" ziri vhu" zhug lho: yooboo dang: phyed wa zi nghoid.

AMO 3:2

Mougmyid tho' mo byumyu" dangain" jang" moo nanu" ri za: ngoo dasi' yoomo goin coung: lo zi nghoid. Hougsu" nghoid yoomo nanu" da" yooboo joem gi gye" yu" gyoug yu" lhung: sho' nghoid nyid bye:. Houg: yoomo hau: yooboo joem da" gang mo nanu" ri ngoo yooboo dam byid: ca" bye:.

ESAIA 10:12

Nghoid loug we' Aseing gi «Ziun boem dang moo yo' Yerusalem moo ngoo koid ziri bain koid lang" Asuri khosen ri nyang: phau: da" khyoo: dangain" yo' nyang: nghoid boin: zi dangain" shid re" ngoo yooboo dam byid: wa» ga: tid da:.

HEBRE 5:9

Nyang: ri joeb, byeung" su: ga: bain koid yu thang: ri nyang: gi tam" gyo: nyid mo, dangain" shid re" apyaid' ato: da" khyoid yu khyoo: mo apoem: ayang: bue" loo" bye.

HEBRE 2:4

Houg: mo xo' lho: Mangsoo gi nyang: nya: alhoo: again joem- mau" pho" moozoo" aja: ja: toin" shid khyo" we' gyeungshang: da" venyi yo' sen: da" jeju" jhung: shug joem ri nyang: vho: ngei ziyo' dakhyoo" ti"- gam byid: khyo" we' nyangnu" da" sagsi: joem moo poug lung: byid: khyo" we' toin" shid nyid.

HEBRE 2:2

Mouglagyoo: yi da" nhoid mo ngoonu" da" phoug" phyid" yi ri mungdang: tid to" zigi deingmain" da" mungdang: nghoid wigi_ hau" mungdang: ri atam" gyoo: loo za: do, rhui, mo, gi nyang: tu: nyang: yo' moin: yi" da" yooboo dam, ri shau" kham: zo: boem wa zi nghoid. Houg: khyo" dadeung nghoid rigi

GALATI 5:7

Shid phyang" nanu" gi gye" yhoug: gyen: khyo" zei: so' yoem: kaid lo yu" boem bye- hau: deungmain" khyoo: ri atam" gyoo: goo" baja" ga: nanu" ri hang" toem, too" go"

HEBRE 11:8

Abraham gi Mangsoo nyang: ri byid: wa"- ga: da" dang: soo" bo nyid da" mung" khyoo:- thu' yhe: loo" wa da" shid re" loem" jeung" nheigloem: gi nyang: ri tam" gyoo: nhang: nyid. Houg: yoomo nyang: gi khakhyoo: yhe: loo" wa zi lang" ase' zi nya: mungdain: mo wigi thu' so" loo" bye.

GALATI 3:1

Akoo" apyoid' da" Galati byu yi we"- pyang" zeing tho' moo Yesu Khristu shid: Kham: bye: da" khyoo: ri nanu" da" myonhoo: moo bang bang yo" myang sho' ngoo tid shid kyoo" bye: ri-nanu" ri hang" wigi mhoug cid" zho" lho: jhu, phyo' zi shau" go" la".

YEREMIA 49:12

«Yooboo dam byid: zi ashau" eung: da" bang: lang" yooboo dam byid: da" koem: ri shug ca" ago". Yooboo dam ashau" lho: nanu" loid wa ein: jhoo: go" rhe". Anghoid- hau: koem: mo nanu" shug ca" da:.

Roma 1:1

Nya: ngeibu lu dang: gi ri fu" kaid' wa shid' re" lagyoo: gyeing" dayug khyo" Pho Mangsoo: khyen yu nyheing too" su: - Khristu Yesu da" dei zoo: ngoo Polu gi - mougsoug" lhid" kaid'.

GALATI 6:10

Hougsu" wigi ngoonu" gi ayo, akhyeing: bo jo, shi" uri ge bue" da" ayo, yoo" khang" moo"- byu dangain" mo, shid re" ge lho, da" moo" ri zei: nyid boem shang nghoid loug we' loem" jeung" da" ikoin deungkhu: yi shid re" je" wigi zei: nyid boem shang.

1 TIMOTHI 3:15

Nghoid loug we' ngoo to' myang" byug nghoid rigi dadei nyid Mangso phung: ein: da" hau: deingmain" apoem: ayang: nghoid da" Mangso yhoem: ikoin deungkhu: moo ngoonu" gi kha: yhang: te" da" avoid asam"- cang yhi: ca" khyoo: ri yo" se' yu baja"- ein: he: mougsoug" ri lhid" kaid' zi nghoid.

HEBRE 3:6

Khristu gi Mangso yhoem: ri zung" da" nya: zoo: deung byeung" su: yo' kyed' su: nghoid nyid. Ngoonu" gi yoem: boo so' bo ziyo' nyhang" nya: da" gau yi nheig byu joyoo ri lo" thang moo ju" sho' nheig shid: nheig deug ziyo' geing: geing: teing teing nghe: khau: nyid boem nghoid rigi Mangso yhoem: byu yi nghoid boem wa.

1PETERU 2:5

Nanu" gi kangso' dei nyid da" lug moo" boem' khyoo" Mangso jang" moo re" lho: Venyi yhoem: moo" zhoug to" jang" moo akyu bo da" lug loem: bue" loo nhang: ge'. hau: da" venyi Noku yhoem: moo" moo nanu" gi Mangsoo vho: ngei da" venyi xoin" ri Yesu Khristu khyo" wigi-xoin" to' byid: da" gyeungshang: khainjung yi bue" loo wa nghoid.